U rrëmbye kur ishte 13 vjeç… sot pas 24 vitesh në kërkim të familjes…Kjo është historia tronditëse, thuajse e vështirë për t’u besuar e Abedin Avdi, 38-vjeçarit me origjinë nga Mitrovica e Kosovës. 1998 Ajo ditë më dukje si gjithë ditët e tjera, një 13-vjeçar asokohe me ëndrra të mëdha, nuk do ta kishte menduar kurrë se do t’i ndryshonte jetën përgjithmonë duke e ndarë nga familja e tij. Teksa po kthehej për në shtëpi një makinë i afrohet djaloshit, ndërsa pasi ky i fundit refuzoi të hipte, ciganët e rrëmbyen me forcë. E vetmja gjë që Abedini kujton në atë moment, është se disa nga rrëmbyesit flisnin serbisht dhe disa shqip. Për disa ditë Abedini së bashku me disa fëmijë të tjerë u mbajt në një shtëpi me sytë mbyllur. Rrëmbyesit ushtonin dhunë mbi fëmijët ndërsa të frikësuar kërkonin familjen e tyre. Pak ditë më pas fëmijët u dërguan në qytetin e Durrësit ku bashkë me rrëmbyesit do të niseshin drejt Italisë me gomone. Pas afro 300 metra larg bregut policia i pikas dhe nis të qëllojë por pavarësisht tentativës së tyre për t’i ndaluar kjo gjë nuk u arrit. Pas arritjes në Itali, Abedini mbahej nga një familje cigane në provincën Caserta të cilët e keqtrajtonin, e dhunonin dhe e detyronin të vidhte. Fati donte që 4 muaj më pas, një nga personat që e mbante peng djalin e vogël aksidentohet dhe duke përfituar nga situata Abedini arratiset dhe kërkon ndihmë në polici, ku denoncon historinë e tij. Menjëherë i mituri u dërgua në Qendrën “Laila” në Komunën Castel Volturno në provincën Caserta ku Abedini u rrit me shumë dashuri. Të vetmet detaje që Abedini kujton janë emri i babait të tij Ramadan Avdi dhe nëna e tij Fatime Halili. Gjithashtu ai kujton se ka edhe 4 vëllezër dhe 5 motra ndërsa ai është fëmija i tretë. Dikur një djalë i vogël e ndërsa sot burrë, 24 vite pas Abedin Avdi është në kërkim të familjes së tij me të cilët dëshira më e madhe është të ribashkohet.