Lë bashkëshortin në krevat dhe zhduket me djalin 3-vjeçar. Ornela Raza, nuse në familjen Mëneri duket se e kishte planifikuar me kohë arratisjen e saj nga Tirana. Ditën që u largua, zhurmave në kuzhinë vjehhra nuk i kushtoi rëndësi, por 2 orë më vonë u gjend në situatën më të vështirë të jetës së saj. Atë mëngjes gjyshe Hazizja do të dërgonte nipin e vogël në çerdhe, por mungesa e tij në dhomë alarmoi gjithë familjen Mëneri. Pasi nuk lanë cep të banesës private pa kërkuar, në telefon nuk përgjidhej as nëna e vogëlushit Ornera, kjo e fundit ishte larguar duke bllokuar numrat e telefonit. Ajo kishte marr të birin dhe ishte zhdukur. As familja e saj nuk kishte dijeni se ku kishte përfunduar 34-vjeçarja me djalin e mitur. Të shqetësuar familjarët bëjnë denoncim në polici, ndërsa mësojnë se Ornera kishte kaluar me makinën e saj doganën e Morinës. U desh më shumë se 1 javë kur 34-vjeçarja do të bëhej e gjallë, përmes një komunikimi me videocall bërë me familjarët. Me djalin pranë ajo nuk u tregoi për vendndodhjen e saj. Me bashkëshortin kontaktet i ka ndërprerë prej afro 4 muajve, edhe pse në rrjetin social tik tok, Ornera publikon shpesh foto dhe video me djalin 3 vjec. Familja dyshon se ajo jeton në një shtet europian, ndërsa mister mbetet mënyra se si ka mundur të udhëtojë me një fëmijë të mitur pa prokurën e të atit. Arsyen e largimit të saj nga Shqipëria nuk i di askush, as nëse dikush e ka ndihmuar. Dyshimi i vetëm nga bashkëshorti është një tradhëti e mundshme. Sot përpjekjet e bashkëshortit janë ato të një babai në kërkim të djalit...