#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv Prej 20 vitesh ka jetuar në Greqi, Aleksandër Pulaj nga Selenica e Vlorës shkëputi kontaktet me familjen, që prej tetorit të 2020. I pajisur me dokumentacion të rregull dhe me pasaportë greke, 50-vjecari ishte sipërmarrës i një firme ndërtimi në Kretë. Ai jetonte i vetëm prej 5 vitesh, pas divorcit me bashkëshorten. Në një lidhje direkte nga Vlora, babai i tij Kozma Pulaj i kërkon ndihmë emisionit ’Pa Gjurmë’ në Report TV. Ai foli me të, deri javën e dytë të tetorit dhe më datë 20 tetor kontaktet u shkëputën. Frikën e tij si prind e lidh edhe me situatën nga pandemia, se mos djali që jeton vetëm ka përfunduar në spital me Covid. Ai nuk u bë më i gjallë, ndërsa s’ka mundur të mësojë as ndarjen nga jeta, së fundmi, të nënës së tij. Pas divorcit në Greqi, ish-bashkëshortja bashkë me dy djemtë e rritur, u kthyen në qytetin e Vlorës. As ata nuk kanë asnjë informacion se ku ndodhet babai. Ai ka jetuar në Kretë prej shumë vitesh, ndërsa ka provuar shumë herë emigracionin edhe në shtete të tjera. Në vitin 2006 erdhi në Shqipëri për të ndërtuar jetën, por nuk mundi dot. Ai u nis sërish në Kretë, ku ngriti një brigatë ndërtime duke punësuar edhe disa persona të tjerë. Dy vite më parë në Greqi ndryshoi emrin nga Alkimid në Aleksandër, ndërsa shokët e thërrisnin Aleko. 50-vjecari provoi të ngrinte një biznes edhe në Amerikën e largët, 3 vite më parë, por kontradikatat që pati me një shqiptar nga Kosova bënë që t’i kthehej sërish punës në Greqi, pikërisht në Kretë vend në të cilin humbi gjurmët.