Ëmbëlsirë me miell misri dhe sherbet

Përbërësit:

• 1 vezë
• 100 ml vaj
• 100 ml kos
• 1 gotë miell misri
• 1/2 gotë miell orizi
• 1 gotë miell gruri
• 1 bustinë pluhur pjekës
• 800 gr sheqer
• 800 ml ujë

Përgatitja:

Në një enë përziejmë vezën me vajin dhe kosin. Më pas shtojmë miellin e misrit, miellin e orizit, miellin e grurit dhe pluhurin pjekës. E punojmë brumin mirë duke e ngjeshur me duar. Lyejmë një tavë me pak vaj dhe vendosim topthat e brumit të vogla si gurabije. I vendosim të piqen në furrë të parangrohur në temperaturën 180 gradë Celsius për 18-20 minuta.

Ndërkohë përgatisim sherbetin me 800 gr sheqer dhe 800 ml ujë. E përziejmë derisa sheqeri të tretet dhe e lemë të marrë valë dhe të trashet. Sipas dëshirës mund të shtojmë dhe pak vanilje për aromë. Pasi topthat të jenë pjekur, ashtu të nxehta i sherbetosim direkt me sherbetin e nxehtë.