Servet Bokçiu është një 19-vjeçar nga Tirana i cili rezulton i humbur që prej datës 6 tetor të këtij viti. I riu doli nga shtëpia në zonën e Paskuqanit rreth orës 16:00, ndërsa pak metra më larg u pa nga një fqinj i tij. Ditën që doli 19-vjeçari kishte të veshur një bluzë ngjyrë blu, një palë tuta sportive ngjyrë bezhë dhe një palë shapka që mbante në shtëpi, ndërsa me vete nuk ka marrë asgjë nga sendet personale. Serveti ka një fizik të dobët ndërsa është i gjatë rreth 1m e 70 cm. Të shqetësuar familjarët kanë bërë dhe një denoncim në komisariatin nr.5 por ende nuk dihet asgjë për fatin e Servet Bokçiut derimë tani. Kjo nuk është hera e parë për të riun që largohet nga shtëpia në këtë mënyrë pasi është larguar edhe herë të tjera, ndërsa është kthyer në shtëpi shëndoshë e mirë pas disa orësh me ndihmën e uniformave blu. Është i lutur kushdo që e ka parë apo ka ndonjë informacion për Servet Bokçiun të lidhet me redaksinë e emisionit “ Pa Gjurmë” pasi janë familjarët ata që janë në kërkim të tij.