83 vjeçari Agim Çeta i cili u denoncua i humbur në emisionin investigativ ‘Pa Gjurmë’ në Report Tv nga e bija është gjetur dje pa shenja jete në afërsi të njësisë Dajt, në Tiranë. Ai kishte katër ditë që kishte dalë nga shtëpia për të pirë kafe dhe nuk ishte kthyer më. Stafi i emisioni “Pa gjurmë’ u angazhua për të gjetur vendndodhjen e tij pasi e bija mëngjesin e datës 30 shtator u shfaq në dyert e Report Tv për të kërkuar ndihmë. ‘Jam sërish në Report Tv, me shpresën që sot do ta gjej babin tim’ Ish tranjeri i futbollit Agim Çeta, kishte 4 ditë që rezultonte i humbur. Telefonatat në studio live nisën të sillnin informacionet e para. Një pjesë e redaksisë u instalua në Linzë, atje ku ai ishte parë për herë të fundit, atje ku edhe kërkimet kishin vazhduar pa ndërprerje prej 24-orëve nga familjarë, miq dhe shokë të familjes Çeta. I moshuari vuante nga skleroza dhe çdo minutë që kalonte mund të ishte fatale Në një lidhje direkte familjarët njoftuan se kishin arritur të gjenin e më pas erdhi dhe konfirmimi i vajzës. ‘Po është babai im, po po ai është. Rrobat janë të tijat’- konfirmoi vajza nga studio edhe pse askush nuk e kuptoi atë moment në ishte gjallë apo i vdekur? Në këto kushte, moderatorja Odeta Dume u detyrua të ndërpriste emisionin duke kërkuar ndihmën e Urgjencës Kombëtare dhe të policisë së Shtetit.