Mbetet pa fjalë dhe përlotet kur mëson fatin e shkokut nga Shkodra. Pavlin Ujkashi mëson nga emisioni ’Pa gjurmë’, në Report TV këtë të enjte se shoku i ushtrisë që ai kërkoi kishte ndërruar jetë 28 vite më parë, pas një aksidenti. Kol Marku emri I të cilit u lakua gjatë në studio në emër të një miqësie që I rezistoi kohës nuk jeyon më. Ai ka ndërruar jetë në moshën 26 vjeçare, ndërsa la pas gruan shtatëzënë. Për Pavlin Ujkashin në një lidhje me skype nga Londra ky ishte një lajm i papritur, pasi ai shpresonte ta takonte djalin nga Shllaku i Shkodrës, 34 vite pasi humbën kontaktet ditën që u liruan nga ushtria. Ndarja nga jeta në kulmin e moshës e pikëlloi 54-vjeçarin, cili nuk i përmbajti dot lotët.’Jeta i ka këto, janë rrethanat. Më dhimbset shumë, se e kam konsideruar si një vëlla. Shpresova ta takoja pas 34 vitesh ditën kur u ndamë, pasi u liruam nga ushtria’. Emocionet edhe më shumë ky 54-vjeçar kur ’Pa Gjurmë’ i shfaq për herë të parë fotot me imazhin e shokut, siç ai e mbante mend vite më parë. Stafi i programit e lidhi Pavlinin me familjen e të ndjerit Kol Markut, djali i të cilit tashmë është një 26 vjeçar. Ai erdhi në jetë, pasi babai do të mbyllte sytë përgjithmonë. ’Jeta është kjo, pavarësisht se nuk doja ta dëgjoja këtë lajm. I uroj shëndet familjes dhe i përcjell ngushëllimet. Më vjen keq, por shyqyr që ka lënë djalin. Pas një të keqe të paktën e ka lënë një trashëgimtar. Nuk mundi dot ta falenderojë ballazi, por publikisht ia përcolli mesazhin. Kol Marku i shpëtoi jetën Pavlinit ndaj për këtë arsye ai kërkoi t’ia kthej nderin. Historia e dy shkodranëve, në emër të mirënjohjes emocioni jo pak publikun. Pavlin Ujkashi nga Malësia e Madhe rrëfeu si u njoh me Kol Mark Markun nga Shllaku i Shkodrës, në vitin 1987, ndërsa kryenin shërbimin ushtarak në Soplik të Gjirokastrës. Nga një ngjarje që ndodhi në kapanonin e ushtrisë lindi një miqësi e ngushtë mes dy të rinjve, 18-vjeçarë në atë kohë. Pas një debati të çastit, për arsye banale Pavlini konfliktohet më dy ushtarë të tjerë nga Fieri, debat i cili do të degjeneronte deri në përdorimin e armëve të shërbimit. Ishte Kola ai që i doli para kësaj situate duke i shpëtuar jetën shokut të tij. Pavlini nuk e shuajti kurrë nga kujtesa atë ngjarje, ndaj në një lidhje skype nga Anglia, ku ndodhet që prej vitit 1999 kërkoi të rilidhte kontaktet e humbura me personin që i ishte gjendur pranë këtë moment të vështirë të jetës. Pavarësisht se nuk e gjeti gjallë ai I është mirënjohës, deri në fund të jetës.