I humbur prej 12 vitesh, familja Myftari është në kërkim të Bashkim Myftarit, 59-vjeçarit Dibran. Pas një zënke me bashkëshorten Fatbardha Myftari, verën e vitit 2011, kryefamiljari del nga shtëpia në zonën e Institutit në Tiranë duke humbur më pas çdo gjurmë. Edhe pas shumë tentativave të fëmijëve për ta ndaluar babain e tyre, ky i fundit mblodhi rrobat e tij dhe u largua duke mos e kthyer më kokën pas. Bashkimi dhe Fatbardha janë prindër të 5 fëmijëve, ndërsa shpesh në familje kishte konflikte për shkak se kryefamiljari ishte përdorues i alkoolit. Familjarët gjithashtu kanë bërë edhe një denoncim në polici për zhdukjen e Bashkim Myftarit, por pa asnjë rezultat deri më tani. Pas zhdukjes së Bashkim Myftarit fatkeqësitë do të ndiqnin njëra tjetrën, kur 4 vite më parë një nga vajzat e familjes Myftari pëson një aksident, duke ecur në rrugë me bicikletë, një aksident ky që do t’i merrte jetën 29-vjeçares. Sot pas 12 vitesh, familja Myftari janë ende në kërkim të Bashkimit, fati i të cilit ka mbetur enigmë që nga momenti kur doli nga shtëpia