Kofsha pule me ullinj dhe salcë domate
Përbërësit:
- 4 kofsha pule
- 1 qepë mesatare
- 2 thelpinj hudhër
- 1/4 filxhan verë të bardhë
- 1/4 filxhan lëngë pule /ujë
- 1/3 filxhan salcë domatesh
- 1 lgj pastë domatesh
- 1 lgj borzilok të freskët
- 1 tufëz majdanoz
- 2 lgj ullinj të zi
- Kërpudha të freskëta
- Kripë, piper i zi
- Vaj ulliri
Përgatitja:
Në një tenxhere të ngrohtë hedhim vajin e ullirit dhe skuqim kofshat e pulës derisa të marrin ngjyrë në të gjitha anët. Shtojmë më pas qepën dhe hudhrën dhe vijojmë kaurdisjen. E shuajmë me pak verë dhe sapo të avullojë alkooli shtojmë salcën dhe pastën e domates, borzilokun dhe kërpudhat. Rregullojmë shijen me kripë dhe piper të zi, vendosim kapakun dhe e lëmë të gatuhet për rreth 1 orë në temperaturë të ulët. Në minutat e fundit shtojmë ullinjtë dhe majdanozin.
