I izoluar prej 8 vitesh në një qeli burgu, 37-vjecari Artur Çollaku kërkon të dijë rrënjët e vërteta të tij. Ndonëse ende i vogël në moshë, asokohe 8 vjeç, ai mëson nga shokët e klasës se prindërit nuk ishin gjaku i tij. Prej 3 vitesh, këto fjalë e gërryenin nga brënda djaloshin, i cili më pas vendos të pyesë nënën dhe babain. Cifti Qani dhe Merisha Collaku nga Rrajca e Librazhdit që e kishin rritur me shume dashuri ia pohuan, ndërsa i treguan se e kishin birësuar në moshën 1-vjeçare në një jetimore. Në moshën 28-vjeçare Arturi bën një aksident automibilistik në Durrës, ndërsa shtrohet në spitalin e Traumës në Tiranë. Ai nuk do ta priste se ky aksident per ironi te fatit do t’i ndryshonte jetën të riut. Në dhomën e spitalit ku merrte mjekimet paraqitet një vajzë dhe i prezantohet si motra e tij. Për herë të pare, Arturi meson se kishte nje moter dhe mbi të gjitha ishin binjakë. Mimoza Bitri kishte patur të njëjtin fat si vëllai, pasi të dy ishin lënë në jetimore. Binjakët pak kohë kishin qëndruar në institucion bashkë, vajza ishte biresuar e para në Lushnje, ndersa më pas Arturi në Librazhd. E gjitha po i dukej një enderr e e pabesueshme, ku I riu kërkoi të bënin analizat e AND-se, e cila vërtetoi së i përkisnin të njëjtit gjak. Djali nga motra mësoi se të dy ishin braktisur nga nëna qe diten qe kishin ardhur ne jete, pasi kjo e fundit u divorcua nga babai i tyre për shkak se ishte përdorues i alkoolit. Mimoza gjithashtu i ka treguar se nëna i kishte kërkuar gjithmonë, e ndërsa kishte mësuar se ajo jetonte e vetme ne Tiranë. Motër e vëlla i ruajtën kontaktet deri në vitin 2015, vit që Arturi u arrestua nga autoritetet e Maqedonise se Veriut dhe u denua me burg. Ai këtë mesditë në program në një lidhje nga qelia eshte në kërkim të nënës dhe motrës së tij Mimoza.