Lutja e babait për dy fëmijët, kush është parukierja që i rrëmbeu të miturit?

8 Tetor, 17:42

Kjo është thirrja e një babai të përmalluar për dy fëmijët e tij 13 dhe 10 vjecarë. Një kujtim brenda një kornize, ndërsa puth fotografinë e vetme të mbetur si kujtim, ky është i vetmi cast për të që shuan mall. Agron Zoto është ky një 51-vjeçar nga Laçi në kërkim të dy fëmijëve, të cilët nuk i sheh me sy që prej një viti pasi nuk din ku ndodhen. Me brengë në zemër, ai i është drejtuar emisionit ‘Pa gjurmë’ duke marr guximin jo vetëm të rrëfejë këtë histori, por edhe t’u drejtohet publikisht me një apel.Vajza E.Z ( Emanuela Zoto) dhe djali K.Z ( Kristofer Zoto) jetojnë me nënën e tyre, pasi prindërit u ndanë në vitin 2016. Familja Zoto jetonte në Durrës, kur Agroni zbuloi, sipas tij, tradhëtinë e gruas Marta. 41-vjecarja nga Puka punonte si parukiere ndërsa i shoqi kujdesej për fëmijët. Vonesat e ish-bashkëshortes u bënë të zakonshme, derisa me zbulimin e kësaj lidhje martesore, debatet në familje cuan në fundin e martesës. Ishte Marta ajo që do të kërkonte divorcin, në vitin 2016, kur pas ndarjes Gjykata i cakton kujdestarinë e fëmijëve , ndërsa babait të drejtën për t’i takuar, si dhe detyrimin ushqimor prej 8 mijë lekësh të reja për secilin nga fëmijët. Një vit më parë ish-bashkëshortja u largua nga qyteti i Durrësit, bashkë me dy fëmijët. Agroni nuk ka dijeni se ku ata ndodhen, përvec se të thënave nga fqinjët se ish-gruaja e tij është larguar drejt Italisë. Që prej asaj kohe ka humbur cdo kontakt me ta. Ai jeton me prindërit dhe dy vellezërit ende në qytetin bregdetar. Agroni ka vetëm një kërkesë, të rilidh kontaktet me dy fëmijët.

r.k./Shqiptarja.com

Programe të tjera

Shiko të gjitha