Në kërkim të shpirtit binjak, 65-vjeçari Stavri Himollari u fejua me Luiza Demkon, me të cilën u njoh nëpërmjet rrjetit social Facebook. Të dy vinin nga jetë e trazuar, pas divorceve dhe disfatave në jetë. Në vitin 2021 çifti finaloi lidhjen e tyre në një ceremoni fejese mes miqve dhe të afërmve. Jetuan sëbashku për 6 muaj me radhë deri më 20 nëntor të një viti më parë, kohë në të cilën nuk janë më bashkë. Sot, kur jetojnë larg njëri tjetrit edhe pse në një qytet, shihen rrallë. Shkak për këtë ndarje janë bërë fëmijët e gruas nga martesa e saj e parë. Ata nuk kanë qenë kurrë dakord për këtë marrëdhënie që nëna e tyre pati me partnerin 18 vite më të madh në moshë. Kjo është arsyeja pse 63-vjecari sot është i pajisur me një urdhër mbrojtje, pasi sipas tij është kërcënuar disa herë nga djali i madh i Luizës. Sot ata janë në një proces të hapur gjyqësor, ndërsa Stavri kërkon ribashkim me gruan që i ka rrëmbyer zemrën. Pas dështimit nga martesa e parë, gjeti tek Luiza shpirtin binjak. Ai është baba i dy fëmijëve të rritur, të cilët jetojnë jashtë kufijve shqiptar me nënën e tyre. Jeta për 65-vjeçarin nuk ka qenë e lehtë. Sakrificat e bëra pas emigrimit në shtetin grek u rrëzuan si një kështjellë prej rëre ditën kur ai pësoi një aksident të rëndë. Qëndrimi për një kohë të gjatë në koma, i shkaktoi jo pak trauma. Pasi hapi sytë ai u përball me një tjetër realitet, bashkëshortja e la ndërsa ai iu nënshtrua operacioneve të njëpasnjëshme kirurgjikale në kokë. Dalja nga gjendja e komës do të ngjallte tek ai një dëshirë të madhe për të shkruar, ndërsa muza e shumë prej poezive të tij do të bëhej Luiza, për të cilën ai është ajo vjen sot në studion e emisionit ’Pa Gjurmë’ për t’ju drejtuar me një apel zemre.