Makarona me brokoli dhe djathë

Përbërësit:

• 320 gr makarona
• 1 kokë brokoli
• 200 ml pana
• 60 gr djathë kaçkavall
• 1 lgj gjalpë
• Kripë, piper

Përgatitja:

Vendosim brokolin për pak minuta në ujë të vluar, më pas e largojmë dhe në po atë ujë hedhim makaronat dhe i lëmë të ziejnë sipas minutazhit të përcaktuar në paketim. Ndërkohë brokolin e vendosim në një blender ku shtojmë panën, kripën, piperin dhe një pjesë të djathit të grirë. E frulatojmë dhe peston e krijuar e vendosim në një tigan me pak gjalpë. Shtojmë pak ujë nga zierja e makaronave, hedhim makaronat i lëmë për 1 minutë të lidhen me salcën dhe më pas i shërbejmë të ngrohta spërkatur me pak djathë.