I dhunuar nga fqinjët pasi këta të fundit e akuzojnë për vjedhje, një 31-vjeçar denoncon rastin e rëndë në “Pa Gjurmë”. Altin Hasaj është i riu nga Peshtani i Fierit, i cili pasi po kalonte rrugën pranë shtëpisë, ai është akuzuar nda dy fqinjët e tij babë e bir se 31-vjeçari u kishte vjedhur ullinjtë. Përveç akuzave të cilat mohohen kategorikisht nga I riu, babë e bir kanë ushtruar edhe dhunë fizike ndaj Altinit të cilit i kanë shkaktuar probleme në gojë dhe fraktura në trup. Ngjarja e rëndë ka ndodhur më datë 1 dhjetor të këtij viti ndërsa edhe pas denoncimit në polici familja Hasa nuk kanë gjetur zgjidhje. Kjo familje me 5 fëmijë jeton në kushte ekstreme varfërie ndërsa vajzën e madhe vuan nga probleme të shëndetit mendor e cila shpeshherë largohet nga shtëpia. Gjithashtu edhe dy prindërit janë të sëmurë dhe të pafuqishëm fizikisht për t’u kujdesur për fëmijët. Pasi nuk kanë gjetur dot zgjidhje në dyert e policisë, Dallëndyshe Hasaj së bashku me të birin Altinin kanë udhëtuar nga fshati i largët ku jetojnë për të denoncuar këtë ngjarje të rëndë e cila ka nisur nga shkaqe tepër banale.
