Mish me patate dhe speca

Përbërësit:

• 700 gr mish viçi
• 2 qepë mesatare
• 2 karrota
• 3 speca
• 200 gr domate qershi
• 500 gr patate të vogla
• 2 gjethe dafine
• 700 ml ujë i nxehtë
• 4 thelpinj hudhër
• 3 lugë gjelle vaj ulliri
• 1 lugë gjelle gjalpë
• 2 lugë gjelle majdanoz i grirë
• Kripë, piper, rigon

Përgatitja:

Presim mishin në kubikë të vegjël, e pudrosim me pak miell dhe e kaurdisim në tigan të thellë me vaj ulliri dhe gjalpë derisa të marrë ngjyrë. Shtojmë qepën e grirë dhe vazhdojmë kaurdisjen derisa të zbutet. Më pas shtojmë perimet e tjera. Hedhim ujin e nxehtë, kripën, piperin, hudhrën, dafinën dhe trumzën ose rigonin. E mbulojmë me kapak dhe e lëmë të ziejë në zjarr mesatar për 40–45 minuta, derisa mishi të zbutet. Në fund shtojmë majdanozin e grirë dhe e servirim të ngrohtë.