Mish viçi në qumësht me presh
Përbërësit:
- 1 kg mish viçi
- 30 gr gjalpë
- 5-6 lgj vaj ulliri
- 3 presh prerë në unaza
- 500 ml qumësht
- Kripë, piper
Përgatitja:
Lidhim mishin me disa rrotullime spango kuzhine dhe i japim shije me kripë e me një bluarje të mirë piperi. Vendosim mishin të skuqet në vaj me gjalpë në një tigan të thellë në zjarr mesatar. Kur mishi të ketë marrë ngjyrë, ulim pak flakën, shtojmë preshin dhe e lëmë edhe për 5 minuta të tjera duke e kthyer shpesh që të mos digjet. Rregullojmë shijen me kripë e piper. E mbulojmë mishin me qumësht dhe vazhdojmë gatimin edhe për 1 orë, derisa lëngu të ketë shterur. Më pas heqim mishin nga tenxherja, kalojmë salcën në sitë. Mishin e shërbejmë në feta me salcën e preshve, shoqëruar me bizele apo patate sipas dëshirës.
