Mister fati dy të humburve në ’Pa Gjurmë’/ Njëri la gruan shtatzanë, tjetrit i ndërroi jetë

13 Janar, 18:15

Zhduket pas telefonatave anonime, Destan Bushi nga Bulqiza. 27-vjeçari është parë mbrëmjen e 7 shtatorit të largohet me një makinë të zezë me persona të panjohur pranë ish-punës së tij. Bashkëshortja, Leonora Bushi, në një lidhje skype gjatë transmetimit live u shpreh se Destani mund të jetë përfshirë në punë të jashtëligjshme pasi shpesh atë e mernin në celular persona të pa njohur. Ditën që humbi kontaktet 27-vjeçari ishte nisur për te dentisti, ndërkohë që bashkëshortes në një komunikim në celular i kishte kërkuar që të mos bëhej merak pasi do të kthehej në mbrëmje. Leonora Bushi shton se familjarët kanë bërë denoncim në polici dhe sipas saj, ai nuk ka patur asnjë konflikt me askënd. Telefonata e 7 shtatorit do të ishte i fundit komunikim që Destani realizon me bashkëshorten e tij, pasi nga ai moment telefoni i tij rezulton i fikur. Mjetet e identifikimit i ka lënë në shtëpi dhe nuk i ka marrë më vete. Kjo është hera e parë për 27-vjecarin që largohet nga shtëpia pa lajmëruar askënd. Destani është bërë baba i një vajze pak dit pas zhdukjes së tij, të cilën nuk mundi ta shihte dot. Veip Hoxha është 79-vjecari nga Kamza, i cili ka humbur gjurmët që prej datës 28 dhjetor të vitit 2020. I moshuari ka qenë i vetëm në banesë, ditën kur është larguar papritur. Kur djali dhe nusja u kthyen nga puna, nuk e gjetën Veipin në shtëpi. Nipërit kanë qenë në shkollë, ndërsa i moshuari që vuan nga skleroza nuk dihet se kur ka dalë nga shtëpia. Nuk është hera e parë që Veip Hoxha largohet në këto tre muajt e fundit, që në momentin kur tek ai u shfaqën probleme me kujtesën. Herë të tjera është gjetur nga fqinjët tek varrezat në Laknas, aty ku prehet bashkëshortja e tij, e cila ndërroi jetë tre vite më parë. Tentativa e shpeshtë të djalit për të mbyllur cdo shteg, që i moshuari të mos largohej, nuk ka patur efekt, ndërsa shpesh 79-vjecari gjente mundësinë për të ikur. Kanë kaluar më shumë së dy javë dhe familjarët nuk kanë lënë vend pa e kërkuar, duke lëvizur cdo gurë, deri në verifikimet e tyre në morgun e Tiranës. Veipi është babai i një djali me të cilin jeton dhe një vajze që ka 10 vite pa patur asnjë kontakt. Ndarja nga jeta e bashkëshortes, por edhe humbja e cdo kontakti me të bijë që jeton në Francë, rëndoi shumë gjendjen psikologjike të Veipit, të të moshuarit me shumë halle, një ish-i perskekutuar në kohën e regjimit komunist. Ditën që u largua, 79-vjecari trupshkurtër me bastun në dorë, ka patur të veshur një palë tuta ngjyrë gri, shapka ngjyrë blu, një triko gri dhe një bluze të shkurtër të kuqe. Frika e familjarëve është se dicka e keqe mund të ketë ndodhur me fatin e Veip Hoxhës.

Programe të tjera