Pas 18 vitesh një grua nga qyteti i Fierit është në kërkim të djalit të motrës, e cila fatkeqsisht pas divorcit i dha fund jetës së saj. Kërkesa e tezes për emisionin ‘’Pa Gjurme’’ eshte të ribashkohet me nipi e saj Gestjan Cullhaj, ku ai të njohë rrënjët e nënës së tij të ndjerë. E në fakt kjo histori do na kthej pas në kohë, në fillim të vitit 2000. Motra e saj Esmeralda, një vajzë e ndrojtur dhe e mbyllur në vetevete dashurohet me një djalë nga Lushnja. Prindërit nuk ishin dakord për këtë lidhje, ndaj nuk e lejonin Esmeraldën të takohej me të… E gjendur në këtë udhëkryq mes familjes që dashuronte dhe familjes, dajli e rrëmben Esmeraldën dhe nisin jetën e re në qytetin e Lushnjës… Esmeralda familjes i ktheu shpinën dhe për këtë prindërit mbajtën mëri për gati 6 muaj. Më vonë raportet mes tyre u rregulluan, por ajo i takonte shumë rrallë. Ata nuk dinin shumë për jetën e saj të re… pasi Esmeralda nuk hapej me familjarët. Ata vonë mësuan se Esmeralda dhunohej nga bashkëshorti dhe familjarët e tij. Martesa me djalin që dashuronte ishte shndërruar në një makth për të. Bashkëshorti emigronte në shtetin fqinj në Itali për të punuar dhe paralelisht kishte edhe një familje tjetër. Në vitin 2005 solli në jetë djalin dhe emrin ia vendosi Gestian… e nuk arriti të kalonte shumë kohë me të. Një vit më vonë nëna e re i jep fund jetës së saj… Familjarët hedhin dyshime për vetëvrasjn e saj dhe fajsësojnë familjarët e bashkëshortit… Por pasi përcollën të bijën në banesën e fundit, humbën cdo kontakt me familjen e dhëndrit, sëbashku dhe me nipin e tyre, ne ate kohe vetem 1 vjec.