Prej 17 vitesh jetonte në Londër dhe kontaktin e fundit me të motrën e pati dy vite më parë. Sot 54-vjeçari Neki Çira rezulton i humbur. 2020 është viti në të cilin nuk ka më asnjë gjurmë të tij. Ai ka postuar për herë të fundit në facebook më 15 qershor, ndërsa në tetor të po këtij viti ndërpret kontaktet me familjarët. Ai foli me të motrën Shimen në Shimen së cilës i shprehu se kishte shqetësime shëndetësore. 4 vite më parë Neki Çira pati pësuar një paralizë në shtyllën kurrizore për të cilën vazhdonte ende të mjekohej. Për këtë familjarët ishin njoftuar nga një punonjëse që ishte vendosur nga shteti në shërbim përkujdesi ndaj 54-vjeçarit. Ajo i ka telefonuar nga numri i 54-vjeçarit dhe iu ka pohuar se gjendja shëndetësore e tij ishte e rëndë. Me kalimin e kohës gjëndja u përmirësua, por ai shkonte në spital për kontroll shpeshherë. Frika se diçka e keqe mund të ketë ndodhur me fatin e 54-vjeçarit i shtyu familjarët ta merrnin në telefon, por ai rezultoi i fikur. Nekiu jetonte vetëm, pas divorcit 10 vite më parë. Baba i një djali ai ishte ndarë me të ditën kur ish-bashkëshortja u kthye në Shqipëri. Kërkesës së familjarëve për t’u kthyer në atdhe Nekiu i kishte kthyer gjithnjë përgjigje negative, pasi për të ishte e vështirë të nrindërtonte një jetë nga e para pas qëndrimit të gjatë prej 17 vitesh në Londër. Ai punonte në një firmë ndërtimi, por familjarët nuk mësuan kurrë emrat e shoqeve me të cilët Nekiu shoqërohej, madje as vendin e saktë ku ndodhej vendi i punës. I biri edhe pse prej kohësh jeton me nënën, me të atin Edhe pse me prindër të ndarë, djali gjithmonë i ka ruajtur kontaktet me babanë e tij, deri ditën kur Nekiu nuk është bërë më i gjallë.