Patëllxhanë gjellë në furrë
Përbërësit:
- 1 kg patëllxhanë
- 2-3 filxhanë kafeje vaj
- 2- 3 qepë
- 3-4 domate mesatare /1 lgj salcë
- 2 speca të kuq
- 1 spec jeshil
- 1 gjethe dafine
- Kripë, piper
- Majdanoz
Përgatitja:
Patëllxhanët pasi i pastrojmë, i presim në copa të mëdha kubike dhe i vendosim në ujë me kripë për 30 minuta. Më pas i shpëlajmë dhe i kullojmë. Ndërkohë kaurdisim qepën me pak vaj dhe sapo qepa të bëhet transparente shtojmë domatet të qëruara nga cipa ose salcë, shtojmë patëllxhanët, pak ujë, kripë dhe i lëmë të mbuluara me kapak sa të ulet vëllimi. Më pas hedhim pak ujë të ngrohtë ose lëng mishi dhe e lëmë gjellën të gatuhet me kapak në zjarr të ngadalshëm ose e vendosim në furrë për 20 minuta. Në fund hedhim majdanozin e grirë hollë.
