Pite të shpejta me turmerik

Përbërësit:

• 400 gr miell
• 300 ml ujë
• 1 lç turmerik
• 1 lç kripë
• Pak sheqer
• Vaj për skuqje

Përgatitja:

Vendosim në një enë ujë të vluar, shtojmë  kripën, sheqerin dhe turmerikun, i përziejmë mirë dhe më pas shtojmë gradualisht miellin. E punojmë fillimisht me lugë druri e më pas me dorë derisa brumi të lidhet e të bëhet si brumë byreku. E lëmë brumin të pushojë dhe më pas e ndajmë në kuleçë. Hedhim miell në tryezën e punës dhe hapim kuleçët në petë rrumbullake të vogla. Ndërkohë ngrohim vajin dhe skuqim pitet nga të dy anët, të cilat i servirim me djathë të bardhë ose me mjaltë.