Klementina Zyberi nga Erseka është nënë e tre fëmijëve. Prej 17 vitesh jeton në Milano të Italisë, ndërsa me bashkëshortin punojnë në fushën e shëndetësisë. Ata janë prindër të tri vajzave 13, 7 dhe 3 vjecare. Problemi që ata kanë me vajzën e madhe e ka vënë përballë një rruge të gjatë ligjore me institucionet italiane nga të cilat nuk po gjen dot zgjidhje.Kjo histori e ka zanafilën, që kur e mitura ra pre e bullizmit nga bashkëmoshatërt e saj në shkollë. E gjendur jo mirë, në një ambjent frystues e bija nis të çatojë në internet me persona të panjohur, ndërsa sikundër pretendojnë prindërit ajo u bë pjesë e një grupi satanik në moshën 11-vjeçare. Moment në të cilin ndryshoi tërësisht sjellje. Më 17 janar të 2020 prindërit kërkuan ndihmën e psikiatres, por për shkak të pandemisë vizita nuk u krye. Nuk kaloi shumë kohë, kur prindërit dalluan një shenjë në krah, që e bija e mbulonte me mëngën e bluzës. Të shqetësuar ata zbulojnë arsyen e vërtetë të këtij dëmtimi në trup. Për shkak të përfshirjes në një grup të dyshimtë në internet, vajzës i vënë limit, ndërsa patën një debat të fortë. Ajo u mbyll në dhomë dhe pas pak minutash njoftoi policinë, për keqtrajtim në familje. Në derë u paraqitën oficerët e policisë italiane, të cilët marrin të miturën dhe e dërgojnë në spital. Këtu nis e gjitha kjo betejë ligjore, që këta prindër kanë me insiticionet për vajzën e tyre. Nga Asistenca Sociale u vendos që e mitura të dërgohej në një komunitet, pa dëshirën e saj. Nëna kërkoi shpjegim, por ata nuk ia dhanë. Pas një viti qëndrimi atje, 13-vjecarja është kthyer në shtëpi, por ende nga asistenca sociale kërkohet që ajo të qëndrojnë në një qendër ditore, pavarësisht refuzimit të prindërve. Sot, të trija vajzat i janë besuar institucioneve. Edhe pse jetojnë në një banesë me prindërit, në bazë të një dekreti për ta është vendosur kufizim i përgjegjësisë prindërore. Pasi i është drejtuar zyrtarisht edhe konsullatës shqiptare në Itali, por edhe një pjese të institucioneVE italiane Klementina kërkon të bëjë publike këtë histori, pasi nuk ka mundur dot të gjej zgjidhje