Një 36-vjecare nënë e 2 fëmijë prej dy muajsh nuk ka asnjë kontakt fizik me ta, pas ndarjes me bashkëshortin në korrik të këtij viti. Ish-bashkëshorti ka kaluar kufirin shqiptar bashkë me dy djemtë 8 dhe 11 vjecar, më datë 28 gusht të këtij viti. Një ditë para se 49-vjecari të kalonte kufirin në limitet e afatit, nëna u dërgoi një i-mail autoriteteve që mban datën 27 gusht 2020 ku informon se ish-bashkëshorti po kalon fëmijët në kufi me pasaporta greke të cilat kanë skaduar më datë 28 gusht 2020. Ajo shpreh shqetësimin se E. L dhe A.L nuk do të kenë mundësi të ndjekin shkollën dhe se të drejtën e rinovimit të pasaportave e ka nëna, e cila e ka të pamundur të udhëtojë drejt Greqisë për t’jua nxjerrë. Ditën që 36-vjecarja paraqiti kërkesën për divorc në fund të majit të vitit 2019, nis dhe kalvari i peripecive që nëna e dy fëmijëve ka nëpër dyert e gjykatave. 49-vjecari kërkoi 2 urdhra mbrojtje nga komisariati nr. 2. I pari u lëshua pa nisur ende procedurat për divorc, që mban datën 4 tetor 2019.Me këtë urdhër mbrojtje, gjykata mori vendimin që cifti të jetonte në të njëjtën banesë, por duke e urdhëruar nënën të mos kërcënojë fëmijët dhe të mos u afrohet në një distancë prëj 3 metrash. Ndërsa një tjetër urdhër mbrojtje u lëshua kur divorci ishte në process. Ai mban datën 4 shtator të vitit 2019 ku nënës i jepej e drejta të udhëtojë vetëm me fëmijët e mitur jashtë territorit shqiptar për pushime, argëtim e shërbime shëndetësore pa autorizimin e të paditurit, ish-bashkëshortit A.L.Gruaja nga Tirana jetoi prej 12 vitesh nën dhunën psikologjike të ish-bashkëshortit të saj nga Fieri, deri ditën vendosi të kërkojë ndarjen prej tij, divorc, i cili përfundoi më 17 korrik të këtij viti, ku gjykata vendosi që 2 fëmijët e mitur t’i kalojnë nën kujdestari babait. Me kalimin e tij jashtë kufijve ish-bashkëshorti A.L pretendon se e ka kryer me qëllim rinovimin e pasaportave greke, për fëmijët si dhe faktin që efektet e urdhërit të mbrojtjes për të drejtën e tij të udhëtojë me ta pa marrë autorizimin nga nëna janë deri më datë 4 tetor 2020, por ky afat ka skaduar dhe fëmijët ndodhen ende në Greqi. E gjendur përpara një fakti të kryer, së fundmi nëna e tyre ka lëshuar një prokurë të posacme, për nxjerrjen e një leje kalimi 24 orëshe, nga ambasada shqiptarë në Athinë, me qëllim kthimin e fëmijën në Shqipëri.Por përvec këtyre dokumentave 36-vjecarja vë në dispozicion dhe një pashaportë të ish-bashkëshortit, ku ambasada amerikane në Athinë ia ka rrefuzuar në vitin 1998. Ndaj për nënën e dy fëmijëve, kjo është një hakmarrje nga ish-bashkëshorti e kërcënon se nëse ajo nuk i jep autorizimin për xjerrjen e pasaportave greke fëmijëve, ajo nuk do t’I shohi më kurrë.