Familja Pasha janë të vetmit banorë të fshatit Kostren 2 në lagjien Turanas të qarkut të Beratit. Prindërit dhe 3 fëmijët jetojnë në kushte të mjerueshme… shtëpia e tyre është e vjetër dhe rrënuar… Ata dita ditës jetojnë me frikën se banesa mund të shëmbet, por nuk largohen nga aty, pasi nuk kanë vend tjetër ku të streohen.Vetëm vajza e madhe e familjes shkon në shkollë dhe pse është kilometra larg, në një tjetër fshat, Roshnik. Ajo duhet të zgjohet në 4 të mëngjesit për të përshkruar rrugën e vetme në mes pyllit të dendur dhe rrugëve të prishura për të shkuar në shkollë. Nëna është e frikësuar gjatë gjithë kohës për sigurinë e vajzës, pasi në pyll ka edhe ergërsira…Por kjo nuk e ka dorëzuar 10-vjeçaren që të mos shkoj në shkollë, pasi dëshira për t’u arsimuar është më e madhe. 2 djemtë e familjes përkatësisht 8 dhe 6 vjeç nuk shkojnë në shkollë… edhe pse ka një muaj që ka filluar viti i ri shkollor. Fatëkeqëisht, shkolla që është në këtë fshat nuk ka mësues… dhe djemtë e kanë të pamundur të përshkruajnë kilometra për të shkuar në të njëjtën shkollë që shkon motra e tyre. Banorët e tjerë të kësaj zone janë detyruar të braktisin vendlindjen e tyre për shkak të mungesës së shërbimeve. Familja Pasha të gjendur në këo kushte të vështira apelojnë për ndihmë…