Pulë e përgatitur me birrë
Përbërësit:
- 1 pulë
- 2 qepë
- 1 lugë gjalpë
- 2.5 dcl birrë
- 1 fletë dafine
- 1 lugë miell
- Arrë moskat
- Vegetë
- Rozmarinë
- Kripë, piper
Përgatitja:
Fillimisht lajmë pulën e fshijmë mirë dhe e presim në copa. Qepët i presim në rrathë dhe i fërgojmë në yndyrë mbuluar me kapak derisa të zbuten dhe të avullojë gjithë lëngu. Më pas vendosim copat e mishit dhe i skuqim nga të gjitha anët. I shuajmë me birrë dhe sapo të avullojë alkooli shtojmë ujë të nxehtë, gjethe dafine, rozmarinë, pak arrë moskat, vegetë sipas dëshirës, kripë dhe piper. Mishin e lëmë të ziejë në zjarr të ngadaltë derisa të zbutet dhe më pas e vendosim në pjatë ovale të nxehtë. Në yndyrën e mbetur kaurdisim pak miell, e shuajmë me pak lëng që të marrë trajtën e një salce dhe e hedhim mbi mishin e pulës.
