Receta e ditës - Pulë me gështenja, kërpudha dhe pilaf me qiqra/ Pjesa e dytë

22 Nëntor 2019, 12:06 | Përditesimi i fundit: 2019-11-23 09:44:59

Pilaf me qiqra

Përbërësit:

2 lugë gjelle gjalp

2 lugë gjelle vaj

2 filxhan çaji oriz Olim

4 filxhane lëng perimesh ose pule

250 gr qiqra të gatuara

Kripë dhe piper i zi

Majdanoz

Përgatitja:

Shkrijmë gjalpin dhe vajin dhe pasi të kemi shpëlarë orizin, e kavardisim atë për 5 minuta.

Shtojmë lëngun e perimeve, ose lëng pule, ose leng mishi dhe ulim temperaturën në mesatare. E lëmë orizin të ziejë  për 12-14 minuta, por pasi të kalojnë 8 minuta nga zierja shtojmë qiqrat e gatuara. Largojmë tenxheren nga zjarri, e mbulojmë më një picetë dhe më pas vendosim kapakun, me qëllim që pilafi të mos zbutet më tepër seç duhet. Servirim pilafin të spërkatur me shumë pak majdanoz.

Shënim: Nëse qiqrat i kemi të pagatuara fillimisht i vendosim në ujë, në raportin 1 gotë qiqra, 3 gota ujë. Më pas i vendosim për të zierë 30 minuta, i kullojmë dhe qiqrat janë gati.