Role me vezë të mbushur me djathë, proshutë dhe brokoli
Përbërësit:
- 4 vezë
- 1 kokë brokoli
- 100 gr djathë pice
- 100 gr proshutë
- 50 ml qumësht
- 1 lugë gjelle vaj ulliri
- ½ lugë çaji pluhur hudhre (opsionale)
- ½ lugë çaji rigon ose erëza të tjera
- Kripë dhe piper sipas shijes
Përgatitja:
Fillimisht ndezim furrën në 180°C dhe lyejmë një tavë me pak vaj ulliri. Në një enë rrahim vezët me qumështin, kripën, piperin, erëzat dhe brokolin e grirë. Hedhim masën në tavë dhe e pjekim për 20-25 minuta derisa të marrë një ngjyrë të artë dhe të mpikset mirë. E heqim nga furra, shtrojmë djathin dhe më pas proshutën. E mbështjellim role me anë të letrës dhe e vendosim sërish në furrë për pak minuta. E lëmë të ftohet pak, e presim dhe e servirim.
