Sardele me domate në furrë
Përbërësit:
- 500 gr sardele
- 1 qepë mesatare
- 2 thelpinj hudhra
- 1 lugë salcë domatesh koncentrat
- 4-5 lugë ujë
- 1 lugë rigon
- Disa degë trumze
- Majdanoz
- Domate në feta
- Vaj ulliri
- Kripë, piper
Përgatitja:
Në një tigan me vaj ulliri skuqim qepën derisa të zbutet. Më pas shtojmë hudhrat dhe salcën e domateve bashkë me ujin. Shtojmë kripë, piper të zi. Në një tavë shtrojmë sardelet e pastruara, rigonin, trumzën, majdanozin dhe nga lart salcën. Mbi salcë vendosim fetat e domateve të prera. Bëjmë një spërkatje me vaj ulliri dhe e vendosim tavën në pjekje në temperaturën 190 gradë për 40 minuta.
