Një 59-vjeçar Anesti është arrestuar pasi akuzohet se ka ngacmuar seksualisht një të mitur vetëm 12 vjeçe. Fillimisht vajza nxënëse shkolle nuk ka treguar për ngacmimet pasi i vinte turp dhe nuk donte të shqetësonte gjyshen e saj me të cilën jetonte Madje vajza kishte munguar dhe në shkollë pasi e përndiqte. Gjyshja e 12-vjecares bën të ditur se 59-vjecari ka qënë në gjëndje të dehur në rastet kur e ka ngacmuar mbesën e saj. 59 vjeçari e ka përndjekur për ditë me rradhë 12-vjecaren madje sipas gjyshes 59 vjecari ka arritur deri aty sa të shkojë edhe në banesën e tyre. 12-vjeçarja jeton me gjyshen dhe me nënën e saj e cila ka probleme të shëndetit mendor. Për vajzën kujdesej gjyshja ndërsa jetojnë në një banesë me kushte të mjerueshme. Gjykata e Korçës ka lënë në burg, Anesti Salën, të akuzuar se ka ngacmuar seksualisht një 12 vjeçare në Pojan. Anesti Sala ka mohuar në sallën e gjyqit se ka ngacmuar 12-vjeçaren. Ai është shprehur para trupit gjykues që nuk e njeh këtë familje. 59-vjeçari ka deklaruar se është ndeshur me to në një moment të vetëm, kur kanë pasur një debat që sipas tij edhe ky debat është zhvilluar në gjendje të dehur. Konflikti shton ai, ka qenë me gjyshen e vajzës.