Supë me brokoli dhe pana
Përbërësit:
- 500 gr brokoli
- 1 qepë e vogël
- 2 thelpinj hudhër
- 2 lgj vaj ulliri / gjalpë
- 1 patate
- 1 litër lëng perimesh / ujë
- 200 ml pana gatimi
- Kripë dhe piper sipas shijes
- Pak arrë moskat
- Djathë kaçkavall sipas dëshirës
Përgatitja:
Në një tenxhere të thellë ngrohim vajin ose gjalpin dhe skuqim qepën derisa të zbutet. Shtojmë hudhrën, brokolin dhe patatet në tenxhere dhe i përziejmë mirë. Hedhim lëngun e perimeve ose ujin, derisa të mbulohen perimet. E lëmë supën të ziejë në zjarr mesatar për 15-20 minuta, derisa brokoli dhe patatet të jenë të buta. E kalojmë supën në blender duke e kthyer në një masë kremoze. E rivendosim më pas në zjarr duke shtuar panën. E përziejmë mirë dhe në fund rregullojmë shijen me kripë, piper dhe arrë moskat sipas shijes. E shërbejmë supën të ngrohtë, spërkatur me pak kaçkavall të grirë ose me kubikë buke të thekur.
