Supë milaneze
Përbërësit:
- 100-150 gr lëkurë derri
- 80 gr proshutë
- 2 degë selino
- 1 thelpi hudhër
- 1 qepë mesatare
- 1 lugë majdanoz
- 1-2 gjethe sherebele
- 1 patate e madhe
- 2 karota
- 2 kunguj të vegjël
- 3 domate të vogla
- 150 gr fasule
- 100 gr bizele kokërr
- 1/2 lakër e vogël
- 150 gr oriz
- Kripë, piper, rozmarinë
- Djathë parmixhan i grirë
Përgatitja:
Në një tenxhere të madhe vendosim lëkurën e derrit të prerë në shirita, proshutë të prerë në kubikë, selino, hudhër, qepë, majdanoz, sherebelë, rozmarinë, patate, karota dhe kunguj të qëruar dhe të prerë në feta, domate dhe fasule. E mbulojmë me ujë të vluar dhe e e lëmë të ziejë ngadalë me kapak, për rreth 1 orë e një çerek. Më pas shtojmë lakrën e prerë në shirita dhe vijojmë gatimin dhe për 20-30 minuta të tjera. Në fund rregullojmë shijen me kripë e piper dhe shtojmë bizelet dhe orizin. Supa do të jetë gati pas 15-20 minutash, e shërbejmë spërkatur me djathë parmixhan.
