Tagliatelle me kërpudha dhe krem qumështi

Përbërësit:

• 400 gr makarona tagliatelle
• 50 gr kërpudha të thata porcini
• 1 thelpi hudhër
• 1 qepë e vogël
• 80 gr pana
• 1 lgj gjalpë
• Kripë, trumzë
• Djathë parmixhano i grirë

Përgatitja:

Vendosim kërpudhat e thata në ujë të nxehtë për rreth 10 minuta. Ndërkohë kaurdisim qepën e grirë imët me një lugë gjalpë dhe një thelpi hudhër. Kullojmë kërpudhat dhe i shtypim në një blender së bashku me kremin e panës. E shtojmë në tiganin ku kemi skuqur qepën dhe e lëmë salcën të lidhet duke rregulluar shijen me pak kripë dhe trumzë. Vendosim makaronat në ujë të vluar me kripë dhe pasi të jenë gatuar i kullojmë makaronat në tigan duke i përzier me salcën kremoze. I servirim menjëherë të ngrohta spërkatur me djathë parmixhano.