Tavë me brokoli dhe lulelakër

Përbërësit:

• 500 gr brokoli
• 500 gr lulelakër
• 2 karrota
• 10 domate qershi
• 3 kokrra vezë
• 1 gotë qumësht
• 1 lugë gjalpë
• 100 gr djath të bardhë
• 100 gr djath kaçkavall
• Kripë, piper i zi

Përgatitja:

Vendosim një tenxhere me ujë të vluar me pak kripë dhe fillimisht ziejmë lulelakrën për 3 minuta, më pas shtojmë brokolin dhe karrotën dhe i lemë të ziejnë së bashku për 3-4 minuta. I vendosim perimet në një tavë të lyer me pak gjalpë duke vendosur dhe disa domatina. Në një tas përziejmë të verdhat e vezëve me qumështin, djathin e bardhë të thërrmuar dhe djathin kaçkavall të grirë në rende. Rregullojmë shijen me kripë dhe piper të zi dhe e hedhim kremin në tavën me perime. Shpërndajmë disa copëza gjalpë dhe e vendosim tavën në furrë në temperaturën 180 gradë për rreth 20 minuta.