#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv Humbi kontaktet nga Gjermania, 3 muaj më parë, në kërkim të Kristina Dautit. 64-vjecarja me origjinë nga Korca prej 1 viti jetonte në Hamburg, vetëm, ku kishte shkuar për kurim. Denoncimin në emisionin “Pa Gjurmë” në Report tv e bëri kunata e saj Vasilika Dauti, e cila rrëfeu se më 4 nëntor të vitit 2020 humbi çdo kontakt me Kristinën.“Kristina shkoi në Gjermani, me shpresë se do të gjente zgjidhje. Atje u shtrua në spital dhe po trajtohej, pasi vuante nga artriti dhe po përkeqësohej edhe më shumë. Unë i kërkoja shpesh të kthehej, sepse ajo ishte me dokumenta në Greqi dhe kishte mundësi punësimi por mesa duket edhe spitali se lejonte. Ajo qëndronte në Hamburg dhe kampi në mos gaboj quhej Bërn. Gjëndja e saj u përkeqësua shumë saqë në komunikimet e fundit e shihja të lëvizte me karrocë. Pas 4 nëntorit nuk kemi asnjë informacion për të”-u shpreh kunata.Denoncimin për humbjen e Kristinës, Vasilika Dauti e ka bërë në drejtorinë e policisë së Korcës pak ditë pasi humbi kontaktet me kunatën. ’Pas denoncimit i jemi drejtuar edhe Ambasadës Shqiptare në Gjermani për të na ndihmuar, pasi e kanë për detyrë të na kthejnë një përgjigje. Kemi komunikuar edhe me miqtë e saj, por askush nuk ka kontakte me të’-tha ajoKristina calonte qysh në lindje e ky ishte një element dallues por edhe shumë shqetësues për të, pasi Gjermani nuk ishte vendi i parë që ajo kishte udhëtuar. 64-vjeçarja ishte e pajisur me dokumenta të rregullta pasi jetonte e vetme prej më shumë se 20 vitesh në Athinë të Greqisë dhe kjo është hera e parë që shkëput kontaktet me të afërmit e saj. Kush ka informacion për Kristina Dautin, lutemi të na telefononi në të gjitha format tona të kontaktit: 2 numrat tanë të kontaktit: Në cel: 069 99 55 698 si dhe në aplikacionet: whatsApp dhe Viber Në tel: 0444 17 778 Në adresën tonë në facebook: Pa Gjurmë Report TV Në kanalin tonë në Youtube: Pa gjurmë Channel Cdo ditë në ekranin e Report Tv, ora 15: 00-16: 30
