Tradhëtoi nusen,e dashura në ‘Pa Gjurmë’:Unë linda djalë, le ta mësoi nusja e tij

28 Prill, 19:02 | Përditesimi i fundit: 2021-04-28 19:03:06

Për shumë vite jetoi në Polican, derisa vendosi që në fund të vitit 2018 për arsye ekonomike të vinte të punonte në Durrës. Aty mori një shtëpi me qera me disa vajza të tjera dhe nis punë në një restorant. Ishte një vit I vështirë për Briseldën, pasi pak muaj pasi ishte zhvendosur në qytetin bregdetar një lajm mbërrin nga Policani se babai ishte në gjendje të rëndë. Me të mbërritur me urgjencë, ajo sheh në oborrin e shtëpisë mjaft punonjës policie. Një ngjarje e rëndë kishte ndodhur në lagjen Kalluc, ku 64-vjecari, i cili ishte babai i saj, ishte masakruar për vdekje nga një person me probleme mendore. Kjo ngjarje e vitit 2018 tronditi opinionin publik, ndërsa Briselda pësoi gjithashtu një tronditje të madhe. Edhe pse me vështirësi, 32-vjecarja rinisi jetën, aty ku e kishte lënë në qytetin e Durrësit. Një vit më pas ajo do të njihej me Arjan Lukën, 31-vjecarin me origjinë nga Mirdita. Të dy nisën një marrëdhënie, ndërsa projektuan sëbashku dhe të ardhmen e tyre. Ajo dëshironte një fëmijë ndërsa ai ishte më pak i vendosur për këtë gjë. Briselda mbetet shtatzanë dhe që në fillimet e kësaj shtatzanie nis dhuna nga i dashuri i saj. Ata nuk bashkëjetuan asnjë ditë sëbashku, ndërsa në jetë po vinte një fëmijë. Në javën e dytë të shtatzanisë, ajo përfundon në spital me shenja në trup e fytyrë. Gruaja e fshehu atë ngjarje, për hir të fëmijës, por edhe sepse ai e kërcënonte. Pasi shenjat iu larguan në fytyrën e saj, ai vendos ta kthej tek prindërit në Polican, për të mos mbajtur asnjë përgjegjësi për fëmijën që pritej të vinte në jetë. Kështu kaluan ato muaj të vështirë për 32-vjecaren, ndërsa për 9 muaj me radhë ai nuk u duk më. Dyshimi se ai djalë nuk ishte djali i tij e mbajti larg të dashurës, ndërsa i kërkoi shumë herë të bënin analizën e AND-së. Ajo analizë nuk u bë kurrë, për shkak të kushteve ekonomike nga të dy palët dhe sot djali 17 muajsh ka mbetur mes katër rrugëve bashkë me nënën e tij 32-vjecare. Babai nuk ia ka njohur ende atësinë dhe padyshim nuk është përgjigjur për të në asnjë aspekt, për më tepër as financiar. Edhe kur djali u lind në maternitetin e Beratit, më 28 tetor të vitit 2019 ai e pa vetëm një orë dhe u largua. Dhjetori i 2020 ka qenë takimi i fundit me ish-të dashurin e saj ndërsa ka shkëputur cdo kontakt me të. Ajo ka zbuluar një tjetër të vërtetë për jetën e tij, krejt rastësisht në një program televizive. Së fundmi ajo ka mësuar se Arjani është I martuar dhe ka një fëmijë.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha