3 të humbur u trajtuan këtë të enjte në emisionin ’Pa Gjurmë, në Report TV. Veip Hoxha është 79-vjecari, i cili ka humbur gjurmët që prej datës 28 dhjetor të vitit 2020. I moshuari trupshkurtër me një bastun në dorë ishte i vetëm në banesën në Kamëz, ditën kur u largua papritur. Nuk është hera e parë që i moshuari largohet në këto tre muajt e fundit, që në momentin kur tek ai u shfaqën probleme me kujtesën. Ndarja nga jeta e bashkëshortes, por edhe humbja e cdo kontakti me të bijën që jeton në Francë, prej 10 vitesh rëndoi shumë gjendjen psikologjike të tij.Emisioni ''Pa gjurmë'' në Report Tv vijon ende kërkimet për Maradona Ibrahimin, që u zhduk më 1 gusht të vitit 2019, nga Ura e lumit në Gjirokastër. Per 19 vitesh emigrant në Greqi, jeta e tij mori një tjetër kthesë, kur ra ’pre’ e lëndëve narkotike bashkë me të edhe vajza që dashuroi. Maradona që mban emrin e një futbollisti të famshëm, u vlerësua me medalje në sportin e mundjes, por jeta që zgjodhi e ndau përgjithmonë edhe nga djali 6-vjecar, të cilin e braktisi. I riu sapo kishte dalë nga spitali dhe po kthehej në shtëpi, pasi kishte refuzuar të vazhdonte kurimin. Një muaj para se të humbte gjurmët, 31-vjecari pati shfaqur probleme të shëndetit mendor, si rezultat i përdorimit të lëndëve narkotike dhe kurohej në Tiranë.Flamur Abazi u largua datën e 14 gushtit të vitit 2020. Pasi la në gjumë bashkëhsorten, ai doli nga banesa në mbrëmje vonë. 62-vjecari është diagnostikuar me Alzaimer dhe kurohej me medikamente. Zhdukja në drejtim të paditur nga Golemi i Kavajës ka alarmuar jo pak familjen, e cila nuk ka mundur të bie në gjurmët e tij edhe pse sinjalizimet, që është parë në qytetin e Kavajës kanë qenë të shumta, ku nga pamjet e një kamera sigurie tregohej lëvizja e fundit e 62-vjecarit, një ditë pasi doli nga banesa. 3 fëmijët dhe bashkëshortja janë në kërkim të tij, ndaj shpresa e vetme është emisioni ‘Pa Gjurmë’. Për këdo që ka informacion mund të na kontaktojë në: 2 numrat tanë të kontaktit: Në cel: 069 99 55 698 si dhe në aplikacionet: ËhatsApp dhe Viber Në tel: 0444 17 778 Në adresën tonë në facebook: Pa Gjurmë Report TV Në kanalin tonë në Youtube: Pa gjurmë Channel Cdo ditë në ekranin e Report Tv, ora 16: 00-17: 30