Veri Jug -Luan Ahmetaj, njeriu I mjedisit dhe peisazhit

30 Maj 2021, 20:57

Liqeni i Farkës në lindje të Tiranës është destinacioni ynë për këtë fundjavë. Ndalesë në parkun e madh në ndërtim, aty ku agjencia e parqeve dhe rekreacionit të Bashkisë së kryeqytetit, ka mbjellë mbi 80 mijë pemë të llojeve të ndryshme, në krijim të një pylli të ri orbital. Personazh I reportazhit është eksperti i mjedisit dhe peisazhit dhe autor I 101 projekteve në mbrojtje dhe zhvillim të parqeve në disa rajone të vendit, Luan Ahmetaj. Gjatë përshkrimit të parkut të Farkës, ai ndalet edhe në disa prej problematikave që po ndodhin buzë vijës liqenore, si ngritja e resorteve prej betoni me pasojë rrëshqitjen e dherave dhe të ullinjve qindravjecarë në thellësi të ujrave të liqenit, si dhe derdhjen e ujrave të zeza të ndërtesave në kodrinën mbi liqenin e Farkës. Në fund mjedisori dhe peisazhisti Ahmetaj, mbjell një fidan ulliri në park, ulli që e ka pagëzuar me emrin “Pema Veri Jug”