-
VIDEO
'Shtypi i Ditës dhe Ju", ja çfarë shkruajnë gazetat për sot e martë 11 maj 2021
Titujt e gazetave per sot, nga kush jane te rrezikuarit e reformes ne PS te Ilir Meta fut ne "sherr" Berishen me Bashen e deri tek dekompozimi moral
-
VIDEO
Rama e vendosi të 5-tin në Berat për 'ta hequr qafe'? Klosi zbulon mesazhin për kryeministrin
Renditjen i 5-ti në qarkun e Beratit, Blendi Klosi ka zbuluar se e ka kërkuar vetë personalisht, edhe pse në zgjedhjet e kaluara PS kishte marrë vetëm 4 mandate. Një gjë e tillë, Klosi tha se nuk ishte një taktikë e Ramës "për ta hequr qafe", por një objektiv i tij personal për të arritur këtë rezultat.
-
VIDEO
Kërkesa e PD dhe LSI për ripërsëritje të zgjedhjeve/ Klosi: E palogjikshme dhe jo ligjore! Fleta e votimit me numra e çuditshme, unë u ngatërrova gjatë votimit
Të palogjikshme dhe jo ligjore, e ka cilësuar ministri i Turizmit, Blendi Klosi kërkesën e PD-së dhe LSI-së për ripërsëritje të zgjedhjeve të 25 prillit. I ftuar në emisionin "5 pyetjetet nga Babaramo", Klosi, njëherazi edhe drejtuesi politik i PS-së në qarkun e Beratit, u ktheu përgjigje edhe akuzave të kundërshtarëve që janë blerë votat.
-
VIDEO
Rivotim në 9 qarqe, analisti Çupi: PD e mbylli ciklin e saj, po shmang vëmendjen për dorëheqjen e Bashës! Qëndrimi i Metës në presidencë, rrezik për stabilitetin në vend
Me kërkesat për rivotim në 9 qarë, Partia Demokratike po kërkon të shmangë vëmendjen nga zërat që duan largimin e Bashës nga kryesimi i partisë, shprehet analisti Frrok Çupi në një intervistë për Report Tv. Ndërsa për qëndrimin ende i Ilir Metës në presidencë, Çupi e vlerëson si një rrezik për stabilitetin në vend.
-
VIDEO
PD kallëzim në SPAK: U arrestua dhe u lirua me urdhër të Ramës krimineli që blinte vota për kandidatin socialist Frrok Gjini në Shkodër
Partia Demokratike, përmes sekretarit të Përgjithshëm Gazment Bardhi ka bërë të ditur se ka kallëzuar në SPAK, kryeministrin Edi Rama, Frrok Gjini, kandidat i PS i renditur i 5-në listën për Shkodrën dhe disa të tjerë nën akuzën e blerjes së votave.
-
VIDEO
Kreu i Konfindustrisë, Buxhuku: Duhet një marrëveshje bashkëpunimi nga palët politike për rimëkëmbjen e ekonomisë!
Kreu i Konfindustrisë, Gjergj Buxhuku thotë se duhet një marrëveshje e gjerë bashkëpunimi e të gjitha ngjyrave politike ne vend në mënyrë që të kryhet një reformë thelbësore për rimëkëmbjen e ekonomisë dhe kthimin në normalitet.
I ftuar në Report Tv, Buxhuku nënvizoi se duhet një marrëveshje e ndershme mes palëve politike, ndërkohë që vlerësoi ftesën e kryeministrit Edi Rama për opozitën për bashkëpunim, por tha se duhet të sqarohet se çfarë përmban në vetvete thirrja e kryeministrit. Buxhuku tha me tej se jemi ende larg ndaj pritshmërisë për një zhvillim të qendrueshëm të ekonomisë në afatgjatë dhe pikërisht për këtë ka nevojë për një bashkëpunim të gjerë mes palëve politike.
Sa i përket periudhës pas zgjedhore, Buxhuku i bëri thirrje vendimmarrësve politikë vend që të mos mbajnë të hapur disa procese që ndikojnë në mënyrë të drejtpërdrejtë në ekonomi dhe më shumë akoma në sezonin turistik. Po ashtu Buxhku theksoi se mbyllja me standard e zgjedhjeve është një marketing i mirë për vendin.
‘Është fakt pozitiv që Shqipëria po ecën relativisht mirë për sa i përket vaksinimit në krahasim më vendet e tjera Rajonit që do të thotë se është një mundësi e mirë për të futur drejt normalitetit ekonominë dhe biznesin. Faktor i rëndësishëm në këtë drejtim është edhe një farë rimëkëmmbje e vendeve partnere tona tregtare sidomos në vendet e Europës që japin një frymëmarrje për biznesin dhe ekonominë shqiptarë pas atyre goditjeve shumë të forta që kemi marrë, tërmeti dhe pandemia.
-
VIDEO
Rama fton për bashkëpunim PD pa LSI-në, reagon selia blu: Po bën diversion, kjo nuk na ndalon nga beteja jonë për rikthimin e demokracisë
Partia Demokratike i ka cilësuar si diversion mes koalicionit opozitar për të larguar vëmendjen nga masakra elektorale e bërë më 25 prill, deklaratat e kryeministri Edi Rama se nuk do të bashkëpunojë kurrë me LSI , por shtrin dorën e bashkëpunimi me PD. Për Partinë demokratike Rama është autori i masakrës elektorale dhe tjetërsimit të votave, ndërsa shton se ajo do të vijojë betejat e saj në të gjitha nivelet për të rikthimin e demokracisë në vend.
"Edi Rama është autori i masakrës elektorale dhe tjetërsimit të vullnetit të shqiptarëve për ndryshim. Me qëllim që të largojë vëmendjen ai vazhdon gënjeshtrat, manipulimet dhe diversionet. Vjedhja e zgjedhjeve nga Rama-Doshi-Rakipi e çuan vendin tonë drejt një masakre masive elektorale, ku viktimat janë qytetarët shqiptarë dhe e ardhmja e tyre. Detyra jonë ndaj shqiptarëve është të qëndrojmë të vendosur dhe të luftojmë fort për kthimin e demokracisë në vend. Asnjë diversion nuk do të na ndalë në këtë betejë, duke filluar me shpalosjen e fakteve, provave dhe të dhënave që dëshmojnë përmasën e plotë të masakrës zgjedhore nga regjimi Rama-Doshi-Rakipi", deklaron partia Demokratike.
Kryeministri Edi Rama tha sot gjatë një takimi me deputetët e PS se me PD do të konsultohet për emrin e ri të Presidentit, pas shkarkim të Ilir Metës dhe se me LSI nuk do të ketë kurrë bashkëpunim. Rama i ka shtrirë disa herë dorën për bashkëpunim PD për të mirën e vendit dhe për të qëndruar larg politikës konfliktuale, por ka mohuar në mënyrë kategorike që kjo gjë të ndodh edhe me LSI. Kujtojmë se PD dhe LSI kanë një koalicion pas zgjedhor të lidhur para zgjedhjeve të 25 prillit, ku janë angazhuar për arritjen e disa objektivave.
-
VIDEO
Rama nxjerr pamjet nga Spitali i ri i Sëmundjeve të Brendshme në QSUT: Nuk ka kohë për pushim
Kryeministri Edi Rama ka publikuar pamjet nga puna për ndërtimin e Spitalit të Ri të Sëmundjeve të Brendshme në QSUT. Kreu i qeverisë nënvizon se ky është një investim i rëndësishëm për shërbimin e nivelit terciar në vend.
‘Vijon pa u ndalur puna për ndërtimin e Spitalit të Ri të Sëmundjeve të Brendshme në QSUT, investimi më i rëndësishëm për shërbimin e nivelit terciar në vend! Nuk ka kohë për pushim!’- shkruan Rama.
-
VIDEO
Sot, Dita e Drejtësisë! Metani: Reforma në drejtësi më e thella dhe e dhimbshmja! Xhafaj: Momenti i sprovës së madhe
Më 10 maj 1913, qeveria e Ismail Qemalit dekretoi “Kanunin e zhurisë”, si aktin e parë juridik për organizimin dhe funksionimin e sistemit juridik në shtetin e pavarur shqiptar. 106 vitet e kaluara prej atij akti kanë qenë vite përpjekjesh dhe sakrificash të shumta të shqiptarëve për drejtësi dhe shtet të së drejtës.
Në këtë kanun, ashtu si dhe në disa akte të tjera qeveria vendosi rregullat e para të shtetit shqiptar, për organizimin e sistemit gjyqësor, prandaj kjo datë përkujtohet si Dita Kombëtare e Drejtësisë.Më pas, sistemi gjyqësor por dhe ai i drejtësisë në Shqipëri ka funksionuar i riorganizuar në formate dhe sisteme të ndryshme, në varësi të vullnetit të klasave politike të kohës, që kanë qeverisur apo që kanë sunduar në vendin tonë.
-
VIDEO
Zotëria i përvishet keq PD-së: Shpallën fitoren dhe festuan, iku koha e fushatës me stilin Berisha
Për kërkesën e PD-së që do përsëritjen e zgjedhjeve në 9 qarqe foli një zotëri mëngjesin e sotëm në “Shtypi i Ditës dhe Ju” në Report Tv. Ai tha se kjo kërkesë është e padrejtë pasi fillimisht nga selia blu shpallën fitoren dhe tani kërkojnë alibi. Iku koha e të bërit fsuhatë me zhurmë e shamatë si në kohën e Berishës e mbylli telefonuesi mendimin.
-
VIDEO
Rama: Do të pastrojmë administratën nga ato që janë turp i shtetit! Të çlirohet nga kthetrat e politikës
Kryeministri Edi Rama tha se në mandatin e tretë të qeverisë do të hiqet dorë nga ndërhyrjet politike për nëpunësit e administratës. Rama tha se administrata do të pastrohet nga ato që janë turpi i shteti dhe se do të ketë konkurencë sipas meritës.
‘PS do të fuqizohet nga akademi politike të rangut europian për lidership që dua të marrin nesër përgjegjësi për këtë qeveri. Të jemi të gjithë së bashku me qartësi që siç kemi bërë me policët me mësuesit, duke hequr dorë nga ndërhyrjet politike nëpunësin e tyre duhet bërë me gjithë administratën në territor. Të hapen një rrugë e re konkurrimi për çdo kënd që ka dëshirë të marrë pjesë në administratë. Sipas aftësisë dhe meritës dhe jo sipas lidhjeve të lloj llojshme. Kjo do të jetë qasja e mandatit tonë të tretë dhe të gjithë të pedalojmë në të njëjtin drejtim dhe që askush këtu të mos pengoj, por vetëm të kontribuojë me vullnet të mirë që administrata të çlirohet nga kthetrat e politikës.’- tha Rama.
-
VIDEO
Rama-deputetëve: Skuadra jonë ka fituar falë jush! PS e vetmja forcë që ndryshon edhe kur fiton
Kreu i qeverisë ka zhvilluar një takim ditën e sotme me grupin parlamentar aktual si dhe me grupin e ardhshëm parlamentar, të cilët i ka falënderuar për kontributin dhe ka nënvizuar se fitorja është nga një maratonë e vështirë që ka zgjatur 4 vite.
Rama theksoi se PS është e vetmja forcë politike që ndryshon edhe kur fiton, duke shtuar se fitore në politikë janë fillim i ri i një përpjekje më të madhe. Në radhët e deputetëve u vu re edhe pjesëmarrja e Ditmir Bushatit, i cili nuk u përfshi në listat e kandidatëve për deputetë, për të cilin tha se nuk kishte punuar në terren.
‘Ju shpreh mirënjohjen për besimin e palëkundur dhe mbështetjen pa rezervë që dhatë për të realizuar së bashku këtë objektiv historik. Mos ta harrojmë se fitoret në politikë janë fillim i ri i një përpjekje edhe më të madhe. Ne kemi fituar tre herë radhazi pasi jemi forca më e besueshme e çdo ndryshimi. Çdo ndryshim i mëtejshëm ka vetëm një zgjedhje PS. Qysh një lindje e kësaj force politike kemi betimin e një shtyse të vetëndryshimit në ADN. Jemi e vetmja forcë politike që ndryshon edhe kur fiton. Kjo është sfida e vazhdueshme prandaj jemi gati të ndryshojmë vetveten duke ripërtërijë serish PS që të ndryshojmë Shqipërinë që ta ngjisim në majën ku e meritojnë fëmijët tanë. Jemi të vetëdijshëm për çfarë barre të madhe përgjegjësie dhe nderi të pashoq shqiptarët na kanë bërë me 25 prill dhe se ne dimë që të jemi në lartësinë e besimit dhe mbështetjes së tyre. Sot këtu jemi të gjithë deputetët, një pjesë e madhe e juaja janë përsëri edhe pse një pjesë nuk do të jenë më deputetë. Skuadra jonë ka fituar falë secilës prej jush që jeni këtu. Kjo nuk është një fitore e arritur në km e fundit por e një maratone të vështirë që ka zgjatur 4 vjet. Ne duhet të bëjmë gjithçka na takon për të merituar atë që shqiptarët besuan. Në 12 qershor do të kremtojmë me krenari dhe gjithë dinjitetin që na takon ditëlindjen e PS.’- tha Rama.