• VIDEO

    Atentati në Shkodër/ Viktima Ramazan Mataj u qëllua nga vetëm 1 autor, 14 plumba në trup! Pistë hetimi, ngacmimet ndaj vajzave në rrjete sociale

    Grupi hetimor, pas mbledhjes të provave në vendin e ngjarjes, ka arritur në konkluzionin se është qëlluar vetëm nga një autor, nga të dyja anët e makinës. Siç duket, është siguruar për vrasjen e tij, ndërsa hetuesit kanë gjetur 14 gëzhoja në vendngjarje, plumbat e së cilave e kapur thuaje në të gjithe trupin.

  • VIDEO

    Ikën dielli, nga nesër rikthehet shiu ! Gjoni për Report Tv: Në qarqet e Shkodrës dhe Kukësit reshjet do të jenë më të dendura

    Diellit të ditëve të para të vitit të ri i lënë vendin reshjeve të shiut, ndërkohë në fundjavë pritet të ketë dhe rënie të temperaturave.

  • VIDEO

    Gjirokastër/ Dita e 'Ujit të Bekuar', i riu kap i vetëm kryqin

    Ceremonia e Ujit të Bekuar në Gjirokastër ka nisur me meshën në katedralen ortodokse "Ngjallja e Krishtit", ku besimtarët kanë marrë pjesë në meshën e organizuar me këtë rast.

    Meshën e kanë drejtuar at Theodhori dhe at Dhionizi. Në orën 11:00 grupi i besimtarëve kanë rrugëtuar për tek brigjet e lumit Drino për të kryer ritualin e hedhjes së kryqit në lumë.

    I vetmi që luftoi për të tërhequr kryqin nga lumi, ishte 13- vjeçari Mojsi Mërkuri. 

  • VIDEO

    Korçë/ Dita e Ujit të Bekuar, ja momenti kur i riu kap kryqin për të 2-in vit radhazi

    U kremtua edhe në Korçë Dita e Ujit të Bekuar nga besimtarët ortodoksë.

    Kremtimi i festës ka nisur prej mëngjesit me celebrimin e meshës hyjnore drejtuar nga Imzot Johani për të gjithë besimtarët në Katedralen “Ngjallja e Krishtit”.

    Dhe më pas qytetarët iu drejtuan shatërvanit te lulishtja”Vangjush Mio”, ku është zhvilluar gjithnjë ceremonia e hedhjes së kryqit në ujë.

    Kryqin e kapi i riu Elvis Rakipi, për herë të dytë, ku herën e parë e ka kapur kryqin në vitin 2023. 

    I riu shprehet i lumtur dhe i uron të gjithë besimtarëve gëzuar këtë ditë të bekuar.

  • VIDEO

    Lushnje/ 5 të rinj sfidojnë të ftohtin për të kapur kryqin në ujërat e lumit Seman

    Besimtarë të krishterë të Lushnjes janë mbledhur në kishën e Shën Dhimitrit për të kremtuar ditën e ujit të bekuar.

    Meshën e drejtoi At Tertio zv mitropolit i Beratit dhe Myzeqesë.

    Më pas besimtarët i janë drejtuar lumit Seman ku u hodh kryqi. Pesë të rinj sfiduan temperaturat e ulëta të ujërave të ftohta dhe kryqin e kapi 18 vjeçari Amarildo Sota 
    Sinkron Amarildo Sota

    At Tertio uron besimtarët për paqe e të mir me rastin e theofanisë

    Në përfundim të ceremonisë besimtarët urojnë njëri tjetrin.

  • VIDEO

    Sarandë/ Dita e Ujit të Bekuar, momenti kur i riu kap kryqin në det

    6 janari këtë vit i njohur nga besimtarët e fesë ortodokse si Dita e 'Ujit të Bekuar', është kremtuar edhe në Sarandë.

    Ceremonia e ujit të bekuar në Sarandë u drejtua nga Mitropoliti i Gjirokastrës, Hirësia e Tij Dhimitri

    Për të kapur kryqin në ujërat e ftohta janë hedhur disa të rinj dhe është kapur nga njëri prej tyre. 

  • VIDEO

    Elbasan/ Kremtohet dita e 'Ujit të Bekuar' nga besimtarët ortodoksë

    Edhe në Elbasan besimtarët ortodoksë kremtuan Ditën e Ujit të Bekuar. Kryqi fatsjellës u kap nga 14 vjeçari Emanuel Sholla,i cili shpreson që ky vit të jetë i mbarë për të.

    Ndërkohë në fjalën e tij Mitropoliti Imzot Andon Merdani pohoi se lutja e tyre sot shkon për familjet në vështirësi, njerëzit në nevojë dhe për Kryepeshkopin Anastas Janullatos i cili po kalon një situatë të vështirë shëndetësore.

    Ne moshën 30 vjeçare, Krishti, Biri dhe Fjala e Perëndisë, u shfaq mbi ujërat e lumit Jordan, që të pagëzohet nga Joani Pararendësi dhe Pagëzor.

    Këtu e ka zanafillën besimi se uji i bekuar është mjet pastrimi i shpirtit të mëkatarit ndaj dhe çdo datë 6 janar besimtarët ortodokse bëhen pjesë e ritualit të Ditës së Ujit të Bekuar.

  • VIDEO

    Dita e 'Ujit të Bekuar' kremtohet edhe në Vlorë, 3 persona sfidojnë ujin e ftohtë për të kapur kryqin

    Dita e 'Ujit të Bekuar' ose njohur ndryshe si Epifania kremtohet sot edhe në Vlorë.

    Një ditë që simbolizon pagëzimin e Jezu Krishtit në Lumin Jordan nga Gjon Pagëzori.

    Besohet se të gjithë ujrat që rrjedhin janë në këtë ditë të bekuara, ndaj besimtarët veç ndjekjes së ritualit të hedhjes së kryqit në det mbushin ujë duke e ruajtur në banesat e tyre deri në 6 janarin e vitit të ardhshëm.  

    Në det për të sfiduar ujin e ftohtë të detit janë hedhur tre persona, ndërsa kryqi është arritur nga Bledi Dhima. 

    Ndërkohë, mesazhi i urimit është përcjellë edhe nga At Konstandin Prifti.

  • VIDEO

    Gjendja e Kryepiskopit Anastas, serioze por stabile', gazetari shqiptar në Athinë: Pritet një njoftim i spitalit 'Ungjillëzimi'

    Gazetari shqiptar në Athinë, Edmond Guri foli në Report Tv lidhur me shëndetin e Kryepiskopit të Shqipërisë Anastasit (Janullatos). Ky i fundi që prej 3 janarit është shtruar në spitalin Ungjillëzimi të Athinës, dhe gjendja e tij duket e rënduar pas një gjakderdhje në sistemin gastrik.

    Guri thekson për Nertil Agalliun në ‘Sot Live në Shqipëri’ se Kryepiskopi është në kujdes intensiv nga një staf i specializuar, teksa nga momenti në moment pritet që spitali të dalë me një njoftim.

    'Është një ekip specialistësh, më të mirët. Kanë marrë në kujdes kryepiskopit. Dhe po pritet njoftim nga spitali për ecurinë shëndetësore të tij. Rëndimi i gjendjes shëndetësore, menjëherë u bë një ekzaminim të spitalit, doli njoftimin dhe kryeministri dhe kryepiskopi e kanë vizituar në spital për shkak të gjendjes së rënduar. Spitali më pas doli në një njoftim se gjendja është serioze por stabile. Edhe mediat që janë fokusuar në ngjarjen në fjalë dhe pritet në një njoftim të dytë për gjendjen shëndetësore të tij.'

  • VIDEO

    Durrës/ Kryhet rituali i hedhjes së kryqit në ujë, 18 vjeçari: Është hera e dytë që e kap

    Edhe në Durrës u krye rituali i hedhjes së kryqit në ujë. Si çdo vit ceremonia fetare nisi te kisha "Apostull Pavli Shën Asti".

    Me qindra besimtarë u grumbulluan në mjediset e kishës e më pas u nisën në drejtim të Portit të Durrësit për të vijuar me hedhjen e kryqit në det.

    Disa djem të rinj besimtarë dhe seminaristë në Fakultetin Teologjik të 'Shën Vlashit' u hodhën në ujë për të kapur kryqin.

    Fatlumi ishte 18 vjeçari Vasil Aleksi i cili kapi kryqin. Pas daljes nga uji dhe me kryqin në duar ai deklaroi se ja dedikon familjes së tij, 

    "Ky është viti i tretë rresht që hidhem për të kapur kryqin. Është hera e dytë që e kap.  Ja dedikoj familjes dhe të gjithë besimtarëve ortodoksë duke i uruar ata', tha ai.

    Ndërkohë, që Autoriteti Portual kishte marrë të gjitha masat e sigurisë që rituali të kryhej në kushte normale.

    "Më ka sjellë shumë mbarësi", shtoi Vasil Aleksi.

    S.B/Shqiptarja.com

    •  
  • VIDEO

    U paraqit në SPAK pas Monikës, Fatime Kryemadhi ironizon prokurorët: Po hetohem se jam e paprekshme! Shtëpia, e imja! Nuk kam sqarime për të dhënë

    Sot në SPAK, pas Monika Kryemadhit u paraqit edhe nëna e saj, Fatime Kryemadhi. Ajo u shpreh me ironi se po hetohet se është e paprekshme. Më tej theksoi se nuk dha sqarime para prokurorëve pasi nuk ka asgjë për të cilët të jap sqarime sepse shtëpia është e saja.

    'Shtëpia është e imja. Nuk dal. Po hetohem se jam e paprekshme.

    Nuk dhashë sqarime se nuk kam çfarë të jap. Kam shtëpinë time. Ju nuk keni shtëpi?! Nuk merren me ato që shesin copat  e shtetit. Çfarë të jap deklaratë ato i bëjnë vetë të gjitha. Unë jam plak.'

  • VIDEO

    Fier/ Besimtarët ortodoksë festojnë ditën e 'Ujit të Bekuar', kryqi hidhet në shatërvanin e qytetit dhe kapet nga një 17 vjeçar

    Besimtarët ortodoksë në qytetin e Fierit kanë festuar këtë 6 Janar, ditën e Ujit të Bekuar.

    Kisha e Shën Gjergjit ka organizuar hedhjen e kryqit në ujë në shatërvanin në sheshin “Europa” ku ky ritual është i përvitshëm. Procesioni nisi me meshën në kishë ku më pas në oborrin e saj besimtarë të shumtë mbushën ujin e bekuar, të cilin e kinsiderojnë mbarësi në familjet e tyre.

    Më pas vargu i gjatë i besimtarëve iu drejtua shatërvanit të qytetit ku tre të rinj sipas zakonit u hodhën në ujë për të marrë kryqin duke sfiduar temperaturat e ulëta. Ishte 17- vjecari Samuel Kola ai që nxori kryqin nga uji në këtë ritual ku merrte pjesë për herë të parë teksa nuk ka fshehur emocionet.

    I riu ia ka dorëzuar kryqin metropolitit të Apolonisë dhe Fierit, Hirësisë së tij, Imzot Nikolla, duke marrë bekimin e tij.

    Ndërkohë, katekistja Ingrida Bida ka pohuar se këtë vit pjesëmarrja ka qënë më e ulët për shkak se kjo e hëné është ditë pune pas festave, por gjithsesi shumë besimtarë kanë gjetur kohën të bëhen pjesë e ceremonisë së përvitshme.

Për lajme të tjera kërkoni në arkiv