• VIDEO

    I morën 500 euro secilit për t’i kaluar drejt Kosovës, kapen në hyrje të Tunelit të Kalimashit 4 persona me 46 emigrantë sirianë

    Në kuadër të kontrolleve në terren nga shërbimet Policisë Vendore të DVP Kukës dhe ato Kufitare, në 24 orët e fundit janë “goditur” 4 raste të reja të tentativës për dhënie ndihmë për kalim të paligjshëm të kufirit.

  • VIDEO

    Kuvendi mban 1 minutë heshtje në nder të ish-Senatorit amerikan, Bob Dole! Kryeparlamentarja Nikolla: Gjithë jetën ia kushtoi lirisë

    Kuvendi i Shqipërisë mbajti një minutë heshtje në seancën e sotme plenare në nder të ish-Senatorit amerikan Bob Dole, i cili u nda nga jeta pak ditë më parë. Kryetarja e Kuvendit Lindita Nikolla vlerësoi rolin e tij në mbrojtje të lirisë së kombeve.

    "Gjatë gjithë jetës së angazhimit të tij publik, ishte mbrojtës i spikatur i kombeve të rrezikuara. Në këtë këndvështrim një mbrojtës i madh i Kosovës. Në nderim të këtij miku të madh të Shqipërisë ju ftojmë të mbani 1 minutë heshtje", tha Nikolla.

  • VIDEO

    IKMT gjobë bizneseve që kanë përdorur Llixhat në Elbasan, pronarët: Kemi vepruar sipas ligjit, s’kemi lekë ta paguajmë, do t’i drejtohemi gjykatës

    Një protestë është zhvilluar mëngjesin e sotëm në zonën e Llixhave para prefekturës për gjobat e vendosura ndaj pronarëve të bizneseve për shfrytëzimin e ujerave termal pa leje të posaçme. IKMT ka gjobitur 17 biznese më 10 milionë lekë gjobe secilin.

    Pronaret bëjnë me dije se kjo nuk është e vërtetë, pasi ata operojnë komfort ligjit dhe kanë plotësuar të gjitha kushtet e nevojshme për të qenë përdorues të rregullt të Llixhave.

  • VIDEO

    Përfshihet nga flakët një çerdhe në Fier, evakuohen fëmijët! Nga zjarri fatmirësisht vetëm dëme materiale

    Një çerdhe është përfshirë nga flakët ditën e sotme në Fier, por fatmirësisht nuk ka patur fëmijë apo staf të lënduar. Zjarri përfshiu çerdhen numër 4 në qytet, teksa fëmijët u evakuuan nga stafi i edukatorëve në një hyrje tjetër.

  • VIDEO

    Marrëveshja me SHBA për trashëgiminë kulturore, Ministrja e Kulturës: Do luftojmë trafikimin e objekteve të trashëgimisë kulturore

    Ministrja e Kulturës, Elva Margariti, teksa foli në lidhje me marrëveshjen me SHBA për trashëgiminë kulturore, tha se synimi është që të luftohet trafikimi i objekteve të trashëgimisë kulturore. Nga foltorja e kuvendit, Margariti u shpreh se ratifikimi i këtij memorandum është një mbështetje jo vetëm për Ministrinë e Kulturës por për të gjithë trashëgiminë kulturore shqiptare, ndërsa shtoi se po ashtu do të bëhet e mundur që objektet e konfiskuara në ShBA, të kthehen në Shqipëri

    "Debati shtrohet në dy aspekte, e para jemi pro memorandumit por nuk arrijmë dot që as kulturën mos ta kthejmë në politikë. U fol pa shifra, emra konkret ndërhyrjesh. Në 2021 investimet e brendshme për Ministrinë e Kulturës kanë qenë 1 mln 495 mln lekë. Nëse do shihnim objektet arkeologjike, kemi miratuar në 2021 mbi 30 projekte shkencore dhe po i mbështesim si me fondet e Shqipërisë dhe të huaja. Ne kemi patur vetëm vizitorë në sitet e trashëgimisë kulturore mbi 1 milion vizitorë, ky është një rekord. Mbi bazën e këtij memorandum Shtete e Bashkuara të Amerikës do të angazhohen së bashku me ne të luftojmë trafikimin e objekteve të trashëgimisë kulturore, ta mbrojmë atë. Do të kufizojnë importimin e kategorive të caktuara të materialit arkiologjik dhe etnologjik. Nga ShBA do të shpallet dhe një listë së bashku me Republikën e Shqipërisë ku do të shihet nëse eksportimi ka qenë i paligjshëm. Objektet e konfiskuara në ShBA do të kthehen në Shqipëri si dhe nga ana tjetër Shqipëria do të ndajë informacione të çmuara rreth gërmimeve të autorizuara në këto vite si dhe vjedhjen dhe trafikimin e pasurisë së trashëgimisë kulturore. Kjo marrëveshje na siguron një mbështetje nga ShBA në aspektin teknik, për të ndarë eksperiencat në këtë fushë, por dhe shkëmbimin e materialeve arkeologjike dhe etnologjike. Ratifikimi i këtij memorandum është një mbështetje jo vetëm për Ministrinë e Kulturës por për të gjithë trashëgiminë kulturore shqiptare", tha ministrja.

  • VIDEO

    Moti i keq në Durrës, trageti drejt Barit 3 orë me vonës, një tjetër nuk niset për arsye sigurie, situata e njëjtë edhe në fundjavë

    Moti i keq që ka përfshirë vendin tonë ditët e fundit ka bërë që njëri prej trageteve të linjës Durrës-Bari të nisej 3 orë me vonesë.

    Ndërsa tjetri, Rigel III nuk u lejua të nisej nga kapitenaria e portit për shkaqe sigurie. Për sa u përket udhëtarëve një pjesë u rimbursuan dhe një pjesë do të niset sonte me Rigel VII.

    Ndërsa tragetet Bari-Durrës janë nisur ndaj të gdhirë dhe pritet të mbërrijnë rreth orës 13.00.

    Moti paraqitet me erë të fortë nga jugu dhe md det të fuqisë 7 ballë në det të hapur. Peshkatoret dhe anijet e tonazhit të vogël nuk janë lejuar të lundrojnë.

    Një situatë e tillë do të vazhdojë deri në fundjavë.

    •  
  • VIDEO

    Vendim përfundimtar/ Shkarkohet nga detyra Luan Daci, gjyqtari i Kolegjit të Posaçëm të Apelimit! I dënuar në GJKKO me 6 muaj burg

    Shkarkohet përfundimisht nga detyra Luan Daci, gjyqtari i Kolegjit të Posaçëm të Apelimit. Vendimi është marrë sot nga KPA.

    "Natyra dhe rrethanat e kryerjes së shkeljes disiplinore klasifikohet ndër më të rënda dhe e bën të papërshtatshëm për kryerjen e detyrës së gjyqtarit të këtijinstitucioni. Ndaj Kolegji vendosi shkarkimin nga detyra", thuhet në vendimin e KPA.

  • VIDEO

    Përforcohen kriteret për pajisjen me armë me leje

    Ministri i Brendshëm, Bledi Çuçi bëri me dije sot se do të përforcohen kriteret për pajisjen me armë me leje, qoftë edhe armë gjahu. Pas mbledhjes së qeverisë, Çuçi bëri me dije se kjo bëhet me synimin për rritur sigurinë, teksa shtoi se do të bëhen edhe ndryshime në Kodin Penal për të kriminalizuar edhe disa fenomene të reja sa i takon trafikimit apo prodhimit të armëve! Do të konsiderohet krim edhe mbajtja apo përdorimi i pajisjeve që mundësojnë printim 3D të armëve.

    "Sot miratuam planin e veprimit 2022-2024 për zbatimin e strategjisë për kontrollin e armëve dhe municioneve si një plan që do mundësojë zbatimin e kësaj strategjie. Siguria prioritet absolut dhe kryeja e krimeve me armë zjarri është një shqetësim dhe kjo strategji synimin të parandalojë posedimin e armëve pa leje në duart e civilëve, parandalimin dhe kontrollin e trafikut të armëve të lehta dhe të vogla dhe disiplinimin më të fortë të licencimit të përdorimit të armëve luftarake dhe atyre të gjahut. Janë  parashikuar shumë masa konkrete, edhe për fenomene të reja sa i takon trafikimit apo prodhimit të armëve dhe kemi parashikuar disa ndryshime në Kodin Penal dhe të kriminalizojmë disa figura të reja të krimit që kanë të bëjnë me trafikimin siç është ajo nëpërmjet kolive postare dhe kemi kriminalizuar përdorimin e pajisjeve që mundësojnë printimin 3D të armëve. Synojmë parandalimin e posedimit të armëve në mënyrë të jashtëligjshme", tha Çuçi.

  • VIDEO

    Në kundërshtim me masat anti-COVID, a do ndalohen Kuvendet e Bashës dhe Berishës? Ministri i Brendshëm: Kuvendet e partive politike s'ndalohen më që prej 1990

    Masat anti-COVID që janë në fuqi nuk lejojnë grumbullimin e më shumë se 50 personave, por megjithatë kjo nuk do të pengojë zhvillimin e dy Kuvendeve të thirrur nga Sali Berisha dhe Lulzim Basha. I pyetur nëse policia do të marrë masa ndaj këtyre dy aktiviteteve, Ministri i Brendshëm Bledi Çuçi bëri me dije se Kuvendet e partive politike nuk ndalohen më që prej 1990 dhe se ato do të zhvillohen duke respektuar masat anti-COVID.

    "S’mund të ndalohen kuvendet. Kuvendet në dijeninë time do bëhen duke respektuar masat që janë në fuqi kështu që besoj se është pyetje pa vend. Ka që në 1990 që nuk ndalohen më kuvendet e partive politike", tha ai.

  • VIDEO

    Balluku: Moti do të përkeqësohet në ditët në vijim, qytetarët të kenë kujdes në rrugë! Çmimi i energjisë s' ndryshon për qytetarët

    Ministrja e Infrastrukturës dhe Energjisë, Belinda Balluku, pas mbledhjes së qeverisë bëri thirrje për të gjithë qytetarët që të kenë kujdes në rrugët e vendit pasi në ditët në vijim parashikohet të ketë një përkeqësim të motit.

    "Qytetarët të kenë kujdes në zonat ku banojnë. Moti do të përkeqësohet në të gjitha zonat e Shqipërisë. Ne kemi kaluar 2 akte shumë të rëndësishme. I pari për një ndryshim të di9sa indikatorëve të OSHEE, që kanë të bëjnë me tërmetin e 26 nëntorin, më pas me pandeminë dhe padyshim me krizën energjetike. Gjithashtu vendim edhe në drejtim të lehtësimit të pasojave të krizës energjetike. Akti i dytë që është edhe akti më i rëndësishëm i kaluar për sot që prek të gjithë qytetarët. Theksoj faktin që nuk do ketë rritje të çmimit të energjisë. Këtë qeveria e ka siguruar që në muajin Tetor. Sot kemi kaluar një ndryshim në projekt vendimin për kushtet e vendosjes së detyrimit publik gjatë gjendjes së emergjencës. Sot kemi bërë ndryshime të rëndësishme për të adresuar këtë krizë energjetike. Qëllim është mirë koordinimi mes operatorit të shpërndarjes me ndërmarrjet që ai ka. Shoqëria KESH ka detyrimin e furnizimit publik dhe duhet të furnizojë me energjinë e plotë. Sipas çmimit për njësitë energjisë elektrike. KESH detyrohet të prodhojë dhe dorëzojë aq sa është sasia mesatare për vit duke konsoliduar që çmimi për abonentët familjarë dhe bizneset e vogla do të mbetet pa ndryshuar. Nevojitet marrja e masave shtesë nga KESH të cilat do të ndihmojnë në plotësimin e sasisë së nevojshme. Në ditët në vazhdim do kemi edhe shtime të tjera si një park fotovoltaik në Vaun e Dejës. KESH i vihen në dispozicion mekanizmat ligjorë”, tha ndër të tjera Balluku.

  • VIDEO

    Rindërtimi, shtohen 7 mld lekë për përshpejtimin e procesit

    Zëvendëskryeministri Arben Ahmetaj bëri me dije sot se është rritur me 7 miliard lekë financimi për rindërtimin këtë vit, me qëllimin për të përshpejtuar këtë proces. Pas mbledhjes së qeverisë, Ahmetaj tha se fondi i rindërtimit për këtë vit kalon nga 28 miliardë lekë në 35 miliardë lekë, duke shtuar se në fund të këtij viti do të jenë një numër i konsiderueshëm familjesh që do të kthehen në shtëpitë e tyre pas 2 vitesh.

    “Sot kaluan një grup vendimesh për rindërtimin të cilat bëjnë avancim të konsiderueshëm të financimit për bashkinë e Tiranës dhe për të 10 bashkitë e tjera. Llogaria e rindërtimit pra i gjithë fondi i rindërtimit kalon nga 28 miliardë lekë në 35 miliardë lekë. Avancimi  është bërë për të përshpejtuar të gjitha proceset e rindërtimit për të kthyer në shtëpitë e tyre apo në shtëpitë e reja të rindërtuar amë fortë më moderne të gjithë qytetarët që në 2019, 26 nëntor u detyruan të largoheshin si nga shtëpitë  dhe nga institucionet.  Kjo me të njëjtën logjikë për të përshpejtuar rikthimin e familjeve në shtëpi. Gjithandej do kemi një numër të konsiderueshëm familjesh që do kthehen në shtëpitë e tyre pas gati  2 vitesh”, tha Ahmetaj.

  • VIDEO

    Vendimet e Qeverisë/ Në janar nis ndërtimi i bazës ajrore të Kuçovës, Ministri i Mbrojtjes: Bazë taktike e NATO-s, lajm i mirë për sigurinë e Rajonit

    Në janar të 2022 do të nisë ndërtimi i bazës ajrore të Kuçovës. Kjo u bë me dije nga Ministri i Mbrojtjes Niko Peleshi ditën e sotme, pas mbledhjes së Këshillit të Ministrave.

    "Në ditë e para të janarit do të vendosim guri e parë të bazës taktike të Kuçovë, bazë taktike e NATO-s. Një vendim i mirë dh ep familjet që preken nga shpronësimet sepse dua t'i siguroj që do shpronësohen sipas vlerës së tregut dhe pa asnjë vonesë. Ky është një zhvillim, mbi 50 mln euro investim, punësim për të gjithë zonën për rreth. Është lajm i mirë për sigurinë e rajonit pasi do kemi bazë taktike ajrore të NATO-s që do të thotë siguri për sot dhe për nesër. Pas përfundimit të shpronësimeve do fillojmë punën për ndërtimin e bazës ajrore të Kuçovës", tha Peleshi.

Për lajme të tjera kërkoni në arkiv