• VIDEO

    Shoferi po i shtyp kokën me derën e kamionit efektivit, Xhelal Mziu publikon videon dhe shkruan: Sjellje kriminale e policisë në Qafë Thanë

    Ish-kryebashkiaku i Kamzëz, Xhelal Mxiu ka publikuar një video në profilin e tij në Facebook, ku akuzon efektivin e Policisë për sjellje kriminale.

    Nga video e publikuar, kuptohet shumë pak mbi motivet dhe rrethanat e kësaj ngjarje, por ajo që shihet është se në këtë rast shoferi i kamionit për pak po i shtyp kokën policit me derën e makinës.

  • VIDEO

    Ndotet Liqeni i Komanit, specialisti i turizmit ngre alarmit: Aty po shkarkohen kamionët me mbeturina

    Liqeni i Komanit nuk është gati për të pritur turistë. Ai është i "pushtuar" në mbeturinat. Ndoc Mulaj, specialist i turizmit malor në Shqipëri, ka publikuar video nga kjo katastrofë, teksa ngre alarmin se në këtë Liqen po shkarkohen kamionët me mbeturina.

    “Kjo është situata sot në liqenin e Komanit, pas atij super aksioni që bëmë në prill dhe pas një punë mjaft të mirë e të lavdërueshme që ka bërë KESH dhe Bashkia e Vaut të Dejës më pas për heqjen e vazhdueshme të mbeturinave afër digës. Pra nga po vijnë…?! Ju varkatarë, nëpër kasetofonat tuaj të varkave, duhet të lëshoni atë këngën “Prej te Molla e Kuqe…” sepse po thonë që aty përballë Mollë Kuqe po shkarkohen kamjonat me mbeturina”, shkruan Mulaj.

  • VIDEO

    Bilanci tragjik i aksidenteve rrugore ditëve të fundit, Policia rrugore pezullon 66 patenta dhe vendos 2668 goba për shoferët e papërgjegjshëm

    Drejtoria e Përgjithshme e Policisë së Shtetit, duke vleresuar situatën aktuale të sigurisë rrugore, ka ngritur grupe të posaçme drejtimi, për të monitoruar zbatimin e sanksioneve të reja administrative që kanë hyrë në fuqi me ndryshimet e fundit të Kodit Rrugor, me qëllim forcimin e kontrollit nga autoritetet policore vendore, kryesisht ndaj shkeljeve që janë konsideruar si shkak jo vetëm për ndodhjen e aksidenteve rrugore, por edhe për rritjen e pasojave që vijnë si rezultat i tyre duke cenuar rëndë sigurinë në rrugë dhe njëkohësisht duke shtuar pasigurinë e përdoruesve të rrugës në tërësi.

    Nisur edhe nga aksidentet e fundit rrugore, sektorët e Policisë Rrugore vendore, në bashkëpunim edhe me strukturat e tjera policore në nivel qendror dhe vendor, janë angazhuar maksimalisht me të gjitha burimet njerezore dhe teknike, për të parandaluar dhe verifikuar çdo shkelje të rregullave të qarkullimit rrugor që mund të jetë rrezik apo shkak për aksident rrugor.

  • VIDEO

    ‘Dorëzohet’ Bashkia e Durrësit, qyteti ‘mbytet’ nga plehrat

    #reportTV #lajmeshqip #lajme Prej tre ditësh Durrësi nuk i ngjan aspak një qyteti bregdetar që është gati të presë turistët. Më keq akoma. Era kundërmuese e plehrave që kanë mbuluar qytetin, vështirë të afrojë turistë pranë vetes.. Kontejnerët me mbeturina nuk pastrohen në rrugët kryesore dhe as në zonën bregdetare. Në Bashkinë e Durrësit askush nuk prononcohet për situatën tejet problematike me mbetjet urbane, të cilat ky institucion ka detyrim ligjor t’i menaxhojë. ytetarë janë të alarmuar pasi po u rrezikohet shëndeti nga ambienti i ndotur dhe temperaturat e larta ndikojnë në përhapjen e erës së rëndë. Situatën më të rëndë po e përjetojnë banorët e lagjes nr.15 në Spitallë. Aty bashkia ka zbarkuar plehrat në vend-parkimin e kamionëve. “Plehrat që ishin në Porto Romano i kanë sjell këtu. I përpunojnë këtu. Mirëpo problem është që plehrat qëndrojnë këtu disa ditë. Kjo sjell një erë shumë të keqe. Një ambient shumë të rëndë. Këtu ka shkolla, kopshte”, tha një banor. “Shumë e keqe. Mban një ere e keqe shumë. Tmerr. Ka një muaj që është keq fare. Si diçka e ngordhur”, tregoi një tjetër. “Situata shumë e keqe. Kemi fëmijë, të sëmurë. Nuk hapim dot dritaren se na qelb era. Ka 2-3 javë. Sa më shumë po ngrohet koha, aq më keq”, u shpreh një banor. Qytetarët e Spitallës në Durrës kërkojnë që të merren masa sa më shpejt. “Kërkojmë të gjendet një vend tjetër dhe jo të sillen këtu. I sjellin makinat dhe i shkarkojnë këtu”, tha një banor. “Të hiqen sa më shpejt se nuk po flemë dot. Po ikin njerëzit nëpër lagje të tjera se nuk rrinë dot këtu”, u shpreh një tjetër. “Ti heqin se ne jetojmë aty. Vijnë i shkarkojnë ditë e natë”, përfundoi banori. Bashkia e Durrësit është në situatë të rëndë financiare, me fonde të mjaftueshme për të dërguar mbetjet për përpunim në asnjë incenerator. Zgjidhja tashmë i mbetet qeverisë, pasi dhe vetë këshilli bashkiak i Durrësit në mbledhjen e fundit kërkoi fonde nga Ministria e Financave.

  • VIDEO

    Zbulohet një varr monumental në Parkun Arkeologjik të Amantias, Rama: Një ekzemplar që daton nga shek.III para Krishtit

    Në Parkun Arkeologik të Amantias në Ploçe të Vlorës, është zbuluar një monument i rrallë, një varr monumental, që, sipas studimeve paraprake, daton nga shek.III Para Krishtit.

    Ndërsa poston një video të këtij zbulimi, kryeministri Edi Rama thotë se të gjithë turistët që dashurojnë të udhëtojnë edhe në kohë e histori, tashmë mund të ndalojnë të shohin këtë ekzemplarë.

  • VIDEO

    Alfred Moisiu për Report Tv: Nëse ‘Kushtetuesja’ vendos shkarkimin, Meta të lërë detyrën! Presidenti të zgjidhet nga populli, politika ka dëmtuar rolin e tij

    Ish presidenti Alfred Moisiu ka komentuar për herë të parë nismën për shkarkimin e presidentit aktual Ilir Meta. Moisiu thotë se nëse Gjykata vendos për shkarkimin e tij, Meta duhet të lërë detyrën. Në të njëjtën kohë ish presidenti mendon se zgjedhja e një presidenti duhet të bëhet nga populli, pasi politika i ka sjellë shumë dëmtime rolit të tij.

  • VIDEO

    Leli e bllokoi, Rama shkon në Vlorë dhe hap dyert e teatrit ‘Petro Marko’! Nesër takim me PS

    Rama do të hap dyert e teatrit ‘Petro Marko’, ditën e nesërme ku do të zhvillojë mbledhjen me strukturat e PS. Kujtojmë se prej javësh teatri ‘Petro Marko’ është kthyer në një pikë debati mes kryebashkiakut Leli dhe këshillit bashkiak të Vlorës, pasi këto të fundit kërkojnë të organizojnë mbledhje fizike aty, ndërsa Leli nuk e lejon këtë gjë me arsyetimin se nuk mund të bëhet për shkak të rregullave të vendosura për pandeminë.  

  • VIDEO

    Video të frikshme, rrugët kthehen në pistë garash! Mercedes-i me logo parlamenti sfidon policinë në autostradë, të rinjtë si ndalojnë patrullave

    Të rinj, të shfrenuar dhe me makina të shtrenjta që u duket sikur kanë kapur ‘majën e botës’ dhe nuk pyesin më as për rregulla, as për polici dhe më e rëndësishmja as për jetën e tyre dhe njerëzve. Kjo është gjithçka që shikon në një mori videosh të ndryshme, ku fokusi kryesorë i tyre është shpejtësia marramendëse që arrin deri në 300km/h, parakalimet e gabuara që bëjnë por ka edhe nga ata që i bëjnë kërshillëk policisë duke ‘ia bërë me drita’ të hapin rrugën apo sfidojnë postblloqet e tyre.

    Në tunele, autostradë apo akse të ndryshme rrugore, të rinjtë shfaqin ‘forcën’ e tyre me makinat e shtrenjta dhe shpejtësi skëterrë, duke rrezikuar jo vetëm jetën e tyre por edhe qytetarëve të tjerë.

    Duket se vetë policia është e pafuqishme përballë parakalimeve të vdekjes. Madje një prej këtyre makina ka edhe logon e parlamentit të Shqipërisë, që sfidon policinë apo nuk u ndalojnë patrullave të tyre. Videot janë marrë në rrejte sociale, ku të rinjtë nuk ngurojnë të ekspozojnë çmenduritë që kushtojnë jetë.

  • VIDEO

    Valë të nxehti në vend, duhet kujdes i shtuar për sytë, okulisti: Infeksione të shtuara në sy nga kondicionerët! Pasi kaluan COVID, shumë qytetarë nevojë për syze

     

    Temperaturat e larta që kanë përfshirë vendin tonë dhe rrezet e forta të diellit janë të dëmshme për sytë. Mjeku okulist Rubin Topi këshillon që të përdoren masa mbrojtëse.

    “Sidomos këto ditë që po flasim kemi temperaturë esktremisht të lartë, automatikisht kjo influencon në tharjen e sipërfaqes së syrit. Kjo e dyfishon problemin tek personat që janë alergjik. Janë probleme të tilla për shembull me kondicionerëve, dhe kjo ndikon për keq në tharjen e sipërfaqes së syrit. Ka persona që nëse nuk përdorin masat mbrojtëse të duhura, syze dielli që patjetër duhet të jenë me filter mbrojtës kundra rrezeve UV. Pra jo syze dielli thjesht me xham të errët sepse ajo e kthen në të kundërt situatën, ndodh një lloj fenomeni paradoksal, madje është më mirë të rrish pa syze dielli fare se sa të kesh syze dielli që mos të jenë me xham origjinal me filtër mbrojtës ultraviolet”, u shpreh okulisti Rubin Topi.

  • VIDEO

    Kodi i ri rrugor ‘inaugurohet’ me 5 viktima në aksidente! Shpejtësia të heq patentën me 18 muaj, 15-20 mijë lekë gjobë

    Ndalur tek shpejtësia si shkaktare e pesë jetëve të humbura, Kodi Rrugor parashikon “Kushdo që tejkalon kufijtë maksimalë të shpejtësisë me më shumë se 30 km/orë, por jo më shumë se 50 km/orë jashtë qendrave të banuara dhe më shumë se 20 km/orë, por jo më shumë se 40 km/orë në qendrat e banuara, ndëshkohet me masë administrative me gjobë nga pesë mijë deri në pesëmbëdhjetë mijë lekë. Si pasojë e kësaj shkeljeje, aplikohet edhe masa administrative plotësuese e pezullimit të lejes së drejtimit nga një deri në tre muaj, si dhe e heqjes së pikëve sipas përcaktimeve të legjislacionit të fushës në fuqi.”

    E për ata që e tejkalojnë shpejtësinë për më shumë se 50 km/h jashtë qyteteve dhe mbi 40 brenda qyteteve penalitetet janë masë administrative me gjobë nga dhjetë mijë deri në njëzet mijë lekë. Si pasojë e kësaj shkeljeje, aplikohet masa administrative plotësuese e pezullimit të lejes së drejtimit nga tre deri në gjashtë muaj, si dhe heqja e pikëve sipas përcaktimeve të legjislacionit të fushës në fuqi.”

    Bazuar në këto ndryshime të kodit për shpejtësinë mbi normat e lejuara, patrullimet në autostrada deri në mesditë kanë pezulluar mbi 10 leje drejtimi dhe ndëshkuar me gjobë 25 drejtues automjetesh pasi kanë udhëtuar nga 120-150 km në orë.

    Këto patrullime të policisë rrugore janë pjesë e planit të masave ndërsa në disa akse ka nisur dhe monitorimi me dron dhe radar.

  • VIDEO

    Laborator 'Bitcoin' në Fier, si e zbuloi policia nga vjedhja e energjisë! Një i arrestuar dhe një i shpallur në kërkim

    Një person është arrestuar dhe një tjetër është shpallur në kërkim ditën e sotme në Fier, pasi akuzohen se kishin ngritur një strukturë për prodhimin e kriptovalutave.

    Mësohet se në pranga ka rënë Fabjo Braçaj, banues në Tiranë dhe është shpallur në kërkim Fatjon Koçi, banues në Sarandë. Policia ra në 'gjurmët' e tyre pasi u konstatua një vjedhje e energjisë elektrike, që përdorej për prodhimin e kriptovalutave.

     

    Braçaj dhe Koçi akuzohen për veprat penale “Mashtrimi kompjuterik”, “Fshehja e të ardhurave” dhe “Vjedhja e energjisë elektrike”.

    Në cilësinë e provës materiale u sekuestruan 11 pajisje elektronike për prodhimin e kriptovalutave, pajisje të telefonisë celulare, pajisje ndihmëse elektronike etj.

    Aktualisht po punohet për zbardhjen e plotë të këtij aktiviteti kriminal, evidentimin dhe vendosjen përpara drejtësisë dhe të personave të tjerë të implikuar në këtë aktivitet.

    Kujtojmë se laboratori i parë për prodhimin e monedhave virtuale u zbulua në maj të këtij viti, pas vrasjes së 27-vjeçarit Mehmet Qema. Laboratori i kriptomonedhave ishte në pronësi të viktimës dhe grupit të miqve të tij, mes të cilëve edhe Marjus Dema i cili qëlloi për vdekje 27-vjeçarin.

  • VIDEO

    Delta apo Delta Plus? Ja se çfarë dimë për variantin e ri të COVID-19 që ka shkaktuar frikë në kontinentin Evropian

    Mbretëria e Bashkuar ka regjistruar 35,204 raste të tjera të variantit Delta të koronavirusit në javën e kaluar,  një rritje prej 46% në javën e kaluar në njën kohë që në vend ka pasur një fushatë vaksinimi masiv.

    Duke çuar kështu 111.157 numrin e përgjithshëm të të infektuarve me Delta në vend, deklarojnë autoritet shëndetësore britanike, të cilat gjithashtu vërejnë se tanim Delta është varianti më dominant në vend. Ajo përbën më shumë se 90% të të gjitha rasteve të reja të Mbretërisë së Bashkuar.

Për lajme të tjera kërkoni në arkiv