-
VIDEO
Emisioni i plotë ‘Rreze Dielli’, 25 Maj 2023 – Receta / Bëje vetë: Maskë fytyre & Pastrues furçash & Si të pastrojmë divanet
Zonja Albana solli tre sugjerime recetash plot shije në “Rreze Dielli”. Recetat e përzgjedhura për ditën e sotme ishin: Pulë me klitharaqe / Fërgesë me patëllxhanë dhe vezë / Qumështor kosove.
Në rubrikën “Bëje vetë” me estetisten Sidorela Gremi realizuam një nga maskat më të famshme të momentit me kastravec për fytyrën, qafën dhe dekoltenë për të gjitha llojet e lëkurës. Gjithashtu për të gjitha vajzat dhe zonjat treguam sesi mund të pastrojmë furçat dhe sfungjerët e make up-t në pak minuta. Ndërsa për amvisat sugjeruam një truk pastrimi dhe si të realizojmë vetë në shtëpi një detergjent me përbërës natyral, për të pastruar divanet shumë lehtë dhe për një aromë të freskët që zgjat.
Maskë me kastravec për fytyrën, qafën dhe dekoltenë: kastravec, kos, vaj kokosi
Maskë për sytë: kastravec, majdanoz ose mente, ujë, pambuk për sytë
Pastrimi i furçave të make up-it: sapun i lëngshëm, detergjent zbutës rrobash, alkool, ujë
Pastrues aromatizues për divanet e shtëpisë: zbutës aromatizues, sodë buke, ujë
-
VIDEO
Bëje vetë! Maskë për fytyrë dhe dekolte / Pastrues furçash make up / Detergjent natyral për divanët
Në rubrikën “Bëje vetë” në emisionin Rreze Dielli në Report TV, me estetisten Sidorela Gremi realizuam një nga maskat më të famshme të momentit me kastravec për fytyrën, qafën dhe dekoltenë. Gjithashtu për të gjitha vajzat dhe zonjat treguam sesi mund të pastrojmë furçat e make up-t në pak minuta. Ndërsa për amvisat sugjeruam si të realizojmë vetë në shtëpi një detergjent me përbërës natyral, për të pastruar divanet shumë lehtë dhe për një aromë të freskët që zgjat.
Maskë me kastravec për fytyrën, qafën e dekoltenë:
· Kastravec
· Një lugë kos
· Një lugë vaj kokosi
· Blender për përgatitje
Maskë për sytë:
· Ujë
· Kastravec
· Majdanoz ose mente
· Blender për përgatitje
· Pambuk për sytë
Pastrimi i furçave të make up-it:
· Vazo qelqi
· Sapun i lëngshëm
· Pak aromatizues rrobash
· Alkool
Pastrues aromatizues për divanet e shtëpisë:
· Detergjent zbutës
· Sodë buke
· Ujë
-
VIDEO
Pulë me klitharaqe në furrë nga zonja Albana
Pulë me klitharaqe
Përbërësit:
- 1 pulë
- 4 lgj vaj ulliri
- 1 qepë e thatë
- 2 thelpinj hudhër
- 1 karrotë
- 1 lgj salcë domate
- 4 domate të freskëta
- 1/2 gotë verë e bardhë
- 4-5 kokrra bahar
- 500 gr makarona elbore
- 1 gjethe dafine
- Kripë, piper
Përgatitja:
Fillimisht vendosim pulën të ziejë. Kaurdisim qepën e grirë imët në një tigan me pak vaj ulliri dhe kripë që të zbutet. Shtojmë karrotën e prerë në kubikë të vegjël, thelpinjtë e hudhrës dhe salcën e domates. E shuajmë gatimin me verë të bardhë dhe sapo të avullojë alkooli shtojmë domatet e freskëta dhe klitharaqet. Shtojmë lëngun e mishit të pulës, disa kokrra bahar, gjethet e dafinës, kripë dhe piper. E lëmë të ziejë pak në tenxhere dhe më pas e vendosim në një tavë së bashku me pulën të piqet në furrë të nxehtë në temperaturën 200 gradë Celsius për 45 minuta.
-
VIDEO
Qumështore e Kosovës, Kajmaqin nga zonja Albana
Qumështor Kosove
Përbërësit:
- 10 vezë
- 15 lugë sheqer
- 1 litër qumësht
Përgatitja:
Rrahim vezët, shtojmë sheqerin gradualisht. Qumështin e kemi lënë të vaket në zjarr. Shtojmë më pas qumështin dhe vazhdojmë përzierjen duke e rrahur. Masën e qumështorit e hedhim në një tavë dhe e vendosim në furrë të parangrohur në 200 gradë. Ulim temperaturën e furrës në 150 gradë Celsius dhe e lëmë qumështorin të piqet për 40 minuta.
-
VIDEO
Fërgesë me patëllxhanë dhe vezë nga zonja Albana
Fërgesë me patëllxhanë dhe vezë
Përbërësit:
- 3 patëllxhanë
- 3 qepë
- 2 speca
- 3 thelpinj hudhër
- 1 lgj koncentrat domate
- 2 domate
- 3 lgj vaj
- 1 lgj gjalpë
- 100 gr djathë i bardhë
- Kripë, piper i zi
- 1 vezë për person
- Majdanoz
Përgatitja:
Presim në kubikë mesatare patëllxhanët dhe i kaurdisim në yndyrë. Më pas shtojmë qepët e grira imët dhe vazhdojmë kaurdisjen derisa qepa të zbutet. Shtojmë specat e prerë në kubikë, hudhrat e shtypura dhe salcën e koncentruar të domateve. E shuajmë gatimin me pak verë të bardhë dhe sapo të avullojë alkooli shtojmë domatet e freskëta të prera në kubikë si dhe 1 filxhan çaji me ujë. E lëmë gatimin të ziejë për rreth 10 minuta dhe në sipërfaqe shtojmë djathë të bardhë të thërrmuar dhe 1 vezë për person. Në fund e spërkasim me majdanoz të freskët dhe piper të zi.
-
VIDEO
'Shtypi i Ditës dhe Ju', ja çfarë shkruajnë gazetat për sot e enjte 25 maj 2023
Titujt e gazetave për sot, nga Basha rikthehet në PD me tri propozime te reforma e pagave thellon pabarazinë e deri tek tension I lartë mes Tiranës e Partizanit për titullin.
-
VIDEO
14 maji dhe degradimi i opozitës (24 maj 2023)
Ish presidenti Bamir Topi deklaroi mbrëmjen e sotme se Sali Berisha është e keqja më e madhe e opozitës, duke e konsideruar këtë të fundit si ‘arkitektin e së keqes brenda së djathtës’.
-
VIDEO
Rama tur falenderimesh pas fitores në 14 maj, Topi: Sot në Kukës nuk po u besonte syve, gati kishte një keqardhje që e mori bashkinë
Ish presidenti Bamir Topi, duke komentuar situatën brenda opozitës, u ndal edhe tek turi i falënderimeve që Rama ka ndërmarrë në të gjitha bashkitë e vendit pas fitores në 14 maj.
-
VIDEO
Si ‘shërohet’ PD? Topi në Repolitix: Të goditet me forcë Berisha, situata e PD është për fajin e tij! Figura me e diskretituar politike
Ish presidenti, Bamir Topi komentoi situatën e PD-së në Repolitix. Topi thotë se fajtor për degradimin e PD-së, fajtor është Berisha.
-
VIDEO
Bamir Topi: Sali Berisha, stërmbullar i mungesës së shpresës dhe arkitekt i së keqes brenda opozitës! ‘Luftën' e bën për interesa personale
Ish presidenti Bamir Topi deklaroi mbrëmjen e sotme se Sali Berisha është e keqja më e madhe e opozitës, duke e konsideruar këtë të fundit si ‘arkitektin e së keqes brenda së djathtës’. I ftuar në studion e ‘Repolitix’ me gazetarin Denis Minga në Report TV, Topi nënvizoi se tashmë koalicioni Berisha-Meta nuk ngjall më asnjë shpresë tek qytetarët të cilët janë të lodhur nga kjo qeverisje dhe kjo retorikë politike.
-
VIDEO
Xhaçka takim informal në KS me diplomaten amerikane, korrespondenti i Report TV në SHBA: Në fokus siguria kibernetike, pjesë edhe Mira Murati
Korrespondenti i Report Tv, Denion Ndrenika në një lidhje live nga Nju Jorku ka treguar mbi një takim informal që do të mbahet në Këshillin e Sigurimit e udhëhequr nga Xhaçka dhe diplomaten amerikane, Linda Thomas Greenfield.
-
VIDEO
200 të burgosurit shqiptarë në Britani drejt burgjeve në Shqipëri, avokat Hasani nga Londra: Jo ‘rigjykim’ vendimeve të gjykatave britanike
Fillimi i zbatimit të marrëveshjes së transferimit të të burgosurve shqiptarë në Britaninë e Madhe për avokatin shqiptar në Londër, Naim Hasani, është edhe një tregues se tonet e marrëdhënieve mes dy vendeve po normalizohen. Në një lidhje me Skype për Report Tv në emisionin ‘Studio live’ me gazetarin Arbër Hitaj, Hasani thotë se zbatimi i kësaj marrëveshjeve e ndihmon shumë Britaninë e Madhe për shkak të mbipopullit të burgjeve atje.