• VIDEO

    Si ta bindni fëmijën që mos të xhelozojë foshnjën e porsalindur

    Një ndër problemet dhe frikërat kryesore që hasin nënat e reja, të cilat kanë një fëmijë të vogël dhe presin që të sjellin në jetë një tjetër fëmijë, është reagimi I fëmijës së parë, xhelozitë që krijohen sidomos kur ata janë ende të vegjël dhe ndjehen sikur fëmija që sapo do të vijë, do t’I marr gjithçka. Në një intervistë në emisionin ‘’Rreze Dielli’’ diskutuam me psikologen Aljona Jonuzi sipas të cilës është mjaft normale një xhelozi e tillë ndërsa tregoi gabimet më të shpeshta që bëjnë prindërit e rinj gjatë kësaj periudhe.

    “Çdo moshë që ka një krizë është më e fortë për të pasur xhelozi përshembull edhe mosha 7-vjeçare, në momentin që ti futesh në shkollë dhe vjen një bebe në atë kohë, automatikisht fëmija I ka ato shpërthimet e inatit, bëhet agresiv sepse mua spo më jepet vëmendja e duhur. Një gabim shumë I madh që bëjnë prindërit, cojnë fëmijët në kopësht në momentin që vjen fëmija I dytë në jetë, duhet ta coni më përpara  përndryshe fëmija bëhet agresiv.

    Elona Marku ëhtë një nënë e re e cila pas ardhjes në jetë të fëmijës së dytë që tashmë është 2 vjeç e gjysmë pret një tjetër fëmijë duke pasur kështu frikëra se si do të reagojë djali për ardhjen në jetë të motrës së vogël. Një nga frikërat e saj është prezantimi I parë pas lindjes së foshnjës se cfarë duhet të bëjë.

    Në momentin që fillojnë dhimbjet e lindjes duhet të përgatitet fëmija, jo të ikësh fshehurazi, por t’I shpjegosh që do të shkosh në spital dhe pas kësaj babai duhet t’I qëndrojë sa më pranë t’I shpjegojë se cfarë po ndodh dhe kur do iki ta marrë motrën, t’I shpjegojë sa më shumë, ky është kontakti I parë” këshilloi psikologia.

    A duhet ta lejojmë fëmijën më të madh të prek foshnjen e sapolindur?

    “Duhet t’I shpjegojmë që përpara se të prekim bebin do të lajmë duart gjithmonë sepse I kemi duart të pista, prekim gjëra kurse për pjesën e puthjeve jam shumë kundër, nuk është dicka e mirë, sidomos në pjesën e fytyrës” sipas psikologes Aljona Jonuzi.

  • VIDEO

    Studimi/ Çfarë tregon muaji i lindjes për shëndetin e bebes

    Muaji i lindjes sipas një studimi të fundit tregon edhe për shëndetin e fëmijës së sapolindur. 

  • VIDEO

    Gatime nga zonja Albana, Pllaqi në furrë në mënyrën më të thjeshtë për fillestarët

    PLLAQI NE FURRE

    Përbërësit:

    300 gr fasule pllaqi

    1 qepë

    5 qepujka

    1 karrotë

    4 thelpinj hudhër

    1 degë selino

    1 koncentrat perimesh

    Vaj ulliri

    Kripë

    Piper

    Kanellë

    Përgatitja:

    Fillimisht fasulet duhen lenë gjithë natën në ujë. Më pas fasulet i shpëlajmë dhe i vendosim në tenxhere me ujë të bollshëm të ziejnë.

    Kaurdisim me vaj ulliri qepën të prerë hollë së bashku me karrotën të prerë në rondele. Më pas shtojmë hudhrat, qepujkat dhe një koncentrat perimesh dhe vazhdojmë kaurdisjen për 2-3 minuta. Shtojmë masën e fasuleve, kripë, piper, kanellë dhe pak selino. Ulim temperaturën e sobës dhe e lemë gjellën të gatuhet sa më ngadalë ose e vendosim në furrë.

     

  • VIDEO

    Gatime nga zonja Albana, Çaji i sevdase dhe qetësisë për largimin e stresit dhe ankthit

    ÇAJI I SEVDASE

    Përbërësit:

    1 mollë

    1 dardhë

    1 portokall

    1 trëndafil aromatik

    1 karafil

    1 shkop kanelle

    Kardamon

    Fruta pylli

    Pak gjalpë

    Përgatitja:

    Prisni në feta të holla mollët, dardhën dhe i kaloni në një tepsi të lyer me pak gjalpë. Vendosim dhe lëkurën e portokallit dhe lerini të piqen në furrë në 40 gradë celsius për 30-40 minuta.

    Vendosim në një tenxherë të vogël kardamonin, petalet e trendafilit, karafilin, kanellën dhe frutat e pyllit. Shtojmë mollët dhe dardhët e pjekura dhe e lemë çajin të ziejë për 3-4 minuta.

  • VIDEO

    Gatime nga zonja Albana, Lulelakër me salcë djathi për tre minuta

    LULELAKËR ME SALCË DJATHI

    Përbërësit:

    1 kokë lulelakër

    150 gr bukë e thërrmuar

    1 thelpi hudhër e grirë

    5 lgj vaj ulliri

    1 lgj djathë parmixhano

    2 lgj majdanoz të grirë

    3 vezë

    Miell

    Për salcën:

    200 gr krem djathi

    100 gr kos

    Lëng limoni

    Majdanoz

    Kripë, piper

    Përgatitja:

    Në një tenxhere me ujë të vluar me pak kripë vendosim lulelakrën të ndarë në bohçe të vogla. E lemë të ziejë për 5 minuta dhe më pas e vendosim në kullesë.

    Tek buka e thërrmuar shtojmë hudhrën, vajin e ullirit, djathin parmixhano dhe erëzat.

    Në një pjatë vendosim vezët dhe i rrahim pak. Në një pjatë tjetër vendosim miellin. Kalojmë lulelakrën fillimisht në miell, më pas në vezë dhe në fund tek galeta e aromatizuar. E vendosim lulelakrën në tavë në furrë në 180 gradë për 15 minuta.

    Ndërkohë përgatisim salcën me krem djathi, kos, kripë, piper, pak lëng limoni dhe majdanoz.

     

  • VIDEO

    Fati i PD-së në dorë të Foltores së Berishës?

    Emisioni Repolitix trajtoi aktualitetin politik. Në pritje të vendimit të Gjykatës Kushtetuese për fatin e zgjedhjeve lokale të 30 qershorit dhe pasojat që mund të ketë për fatin e bashkive. Po fati i PD a do të varet nga Foltorja e Berishës? Të ftuar në studio Plarent Ndreca, Fabian Topollaj, Ibsen Elezi dhe Pano Soko.

  • VIDEO

    ‘Lufta në selinë blu’, Elezi në ‘Repolitix’: Më 11 dhjetor Kuvendi Kombëtar do të shkarkojë Bashën! Topollaj: PD pengoi frymën opozitare

    TIRANË- Demokratët janë të bindur se me 11 dhjetor, ditën kur është thirrur mbledhja e Kuvendit Kombëtar të Partisë Demokratike, Lulzim Basha do të shkarkohet nga posti i kryetarit. Kjo deklaratë u bë nga ish-anëtari i Këshillit Kombëtar Ibsen Elezi në ‘Report Tv’, në emisionin ‘Repolitix’ nga gazetari Denis Minga.

    “Në 11 dhjetor do shkarkohet Lulzim Basha dhe do emërohet një përfaqësi për ta çuar PD në një proces zgjedhor normal, e ca do ndodh, me shumë gjasa Sali Berisha, fiton se ka shumicën e partisë. (...) Unë mbështes frymën që në PD dhe në sistemin politik shqiptar duhet të vihen rregulla, të gjitha dokrrat që bëjmë ne pastaj do nxjerrin probleme. Parimet e demokracisë thonë që shumica përcaktohet nga një garë. Berisha në kohën e vet e respektonte në anën formale konceptin e garës dhe rezidencës, kurse këta e mohojnë. Gara nga ana formale, konkurrenca është respektuar, por këta e kanë shkel sepse marrin vendime brenda strukture për të emëruar sekretarë e gjithçka tjetër. Kur e deformon pa e kuptuar njerëzit është problem më i thellë. Për këtë po lufton Berisha, pavarësisht se është në pozita të dobëta, prandaj njerëzit po e mbështesin. Njerëzit janë në kushtet që po kërkojnë vetëm një zgjidhje. Berisha? I vetmi që po e kërkon këtë. Berisha ka dhënë prova që ka forcë për ta ndërmarrë dhe për ta çuar këtë proces, pavarësisht se nuk ka kredon morale. Ai ka numrat, besueshmërinë e njerëzve.”, tha Elezi në Repolitix.

  • VIDEO

    Lë burrin me fëmijë, zhduket nëna 22-vjeçare/Gazetarja sjell dëshmi tronditëse

    Emeralda Pura është 22-vjecarja nga Pogradeci e cila rezulton e zhdukur, që prej datës 13 korrik të këtij viti. Ngjarja ka ndodhur në pikën kufitare të Qafë-Thanës kur Esmeralda bashkë me bashkëshortin dhe dy fëmijëte e mitur, sapo kishin kaluar në doganën shqiptare, në drejtim të asaj Maqedonase për t’u kthyer në banesën e tyre në Strumnicë të Maqedonisë së Veriut. Për pak minuta 22-vjecarja është larguar për nevoja personale, ndërsa ka njoftuar edhe bashkëshortin. Ai ka qëndruar gjatë në pritje bashkë me dy fëmijët 1 dhe 3 vjecar, kur pas vonesës së të shoqes i alarmuar ka kërkuar ndihmën e policisë kufitare. Këta të fundit janë vënë menjëherë në lëvizje, ku pasi kanë hapur kamerat e sigurisë, nga të cilat janë konstatuar lëvizjet e fundit të 22-vjeçares, e cila është kthyer sërish drejt territorit shqiptar. Ditën që është larguar nëna e dy fëmijëve kishte të veshur një palë xhinse blu dhe një bluzë të bardhë. 22-vjecarja me origjinë nga Pogradeci u martua 5 vite më parë në me shtetasin maqedonas Ismail Isnov. Çifti jetonte në qytetin e Strumnicës dhe janë prindër të dy fëmijëve. Ata ishin kthyer në Shqipëri për të kaluar disa ditë pushimi në familjen e prindërve të Esmeraldës. Por për arsye xhelozie Ismaili vendos që të martën e datës 13 korrik, të ktheheshin në Maqedoninë e Veriut. Për zhdukjen e 22-vjecares është bërë një denoncim në policinë maqedonase gjithashtu edhe në atë shqiptare, por ende asnjë gjurmë të saj. Parë me sytë e familjarëve rë saj, Esmeralda shkonte mirë me bashkëshortin. Ata janë lidhur me shkuesi, por ende nuk kanë bërë celebrim. Largimi i papritur i 22-vjeçares është një veprim i përsësitur i saj, pasi 5 vite më pare, ndërsa ende nuk ishte martuar largohet nga banesa e prindërve në Pogradec me një djalë, të cilin e kishte njohur në rrjetin social Facebook. Ishin uniformave blu ata që e kthyen në shtëpi, ndërsa kishin lokalizuan vendndodhjen e Esmeraldës me anë të valëve të telefonit që përdorte, por këtë herë ajo nuk e ka patur një telefon me vete, gjë e cila e bën edhe më të vështirë për të arritur në gjurmët e saj.

  • VIDEO

    Nuk pajtohen me dorëheqjen e Zaev, zv.ministri i Drejtësisë në Maqedoninë e Veriut: Zgjedhjet vendore të mos lidhen me legjitimitetin e qeverisë! Vijojmë të mbështesim nismën për 'Ballkanin e Hapur'

    Partitë e koalicionit qeveritar në Maqedoninë e Veriut nuk e pranojnë dorëheqjen e Zoran Zaev. Drejtuesit e Bashkimit Demokratik për Integrim (BDI), të Lëvizjes Besa, të PDSH-së, dhe partitë tjera më të vogla maqedonase, pas takimit të zhvilluar mes tyre vlerësuan se qeveria duhet të vazhdojë punën me çdo kusht për të çuar reformat përpara.

    Në një intervistë për Report Tv, zv.ministri i Drejtësisë, Agim Nuhiu, konfirmon qëndrimin e BDI, ku tha zgjedhjet vendore nuk duhet që të lidhen me legjitimitetin e qeverisë, duke shtuar se ajo duhet të vijojë punën. Sipas Nuhiut, tani pritet që të zgjidhet ngërçi me Bullgarinë dhe t’i hapet dritat jeshile negociatave me BE-në. Mundësinë për pasjen e një kryeministri shqiptar Nuhiu e mohoi.

  • VIDEO

    A duhet të pijmë kafe gjatë orarit të punës? Ja çfarë tregon për personalitetin tuaj

    A duhet të pijmë kafe gjatë orarit të punës? Kjo duket se është një nga dilemat e vieve të fundit ku kafenetë janë një trend i pashmangshëm, si një ambient ku kalohet jo vetëm mirë me shoqërinë por shpesh edhe si një vend për të bërë bisedat e punës.

  • VIDEO

    Gatime nga zonja Albana, Gjevrekë dhe Perime me shije në furrë shpejtë dhe thjeshtë

    PERIME ME SHIJE NË FURRË

    Përbërësit:

    2 kunguj

    1 patëllxhan

    2 speca

    3 thelpinj hudhër

    40 gr bukë e thërrmuar

    Gjethe borziloku

    Vaj ulliri

    Domate qershi

    Djathë mocarela

    Djathe kaçkavall

    Kripë, piper i zi

    Përgatitja:

    Lajmë perimet me sodë dhe i thajmë. Presim kungujt për së gjati dhe më pas në katërsh, të njëjtën gjë bëjmë dhe me patëllxhanin dhe me specat.

    Në një tas vendosim bukën e thërrmuar, kripën, borzilokun dhe hudhrën e grirë në rende. I përziejmë mirë që përbërësit të unifikohen së bashku.

    Në një tavë vendosim të gjitha perimet dhe i trazojmë me bukën e thërrmuar me erëza. Shtojmë sipër vaj ulliri dhe e vendosim tavën në furrë në temperaturën 200 gradë për 45 minuta.

    Domatetet e vogla i presim përgjysmë dhe i grijmë në rende duke i shtuar pak kripë dhe piper. Në 10-15 minutëshin e fundit nxjerrim tavën nga furra dhe vendosim një shtresë me djathë mocarela, salcën e domates dhe djathë parmixhano të grirë. E rivendosim në furrë dhe e lemë për 10-15 minuta.

    GJEVREKË

    Përbërësit:

    1 gotë qumësht ose kos

    ½ lugë maja

    Pak sheqer

    Pak kripë

    Miell

    2 vezë

    100 gr susam

    Përgatitja:

    Trazojmë majanë me pak qumësht ose ujë të vakët, pak miell, pak sheqer dhe e lemë të vijë.

    Në masën e qumështit ose kosit hedhim kripë, majanë e ardhur dhe aq miell sa të zihet një brumë i butë. Brumi ngjeshet mirë pastaj mbulohet që të vijë për 1 orë.

    Brumin e ardhur e ndajmë në toptha. I shpojmë topthat në mes dhe i hapim duke rritur rrethin me duar. Rrahim vezët dhe lyejmë mirë gjevrekët, më pas i spërkasim nga të gjitha anët me fara susami. I vendosim në një tavë të lyer me yndyrë dhe i vendosim të piqen në furrë në temperaturën 200 gradë derisa të marrin ngjyrë.

  • VIDEO

    Gatime nga zonja Albana, Supa trahana

    SUPA TRAHANA

    Përbërësit:

    1 qepë e madhe

    200 gr domate

    30 gr gjalpë

    1 litër lëng mishi

    ½ lugë kafeje rozmarinë

    150 gr trahana

    1 tufëz majdanoz

    Kripë, piper i freskët

    100 gr djathë kaçkavall i grirë

    Përgatitja:

    Pastrojmë qepën dhe e presim në kubikë të vegjël. Gjithashtu dhe domatet i presim në kubikë pasi i kemi hequr lëkurën.

    Kaurdisim fillimisht qepën në një tigan me gjalpë. Shtojmë më pas domatet dhe vazhdojmë kaurdisjen bashkë me qepën. Pas 3-4 minutave shtojmë lëngun e mishit dhe sapo lëngu të fillojë të marrë valë shtojmë trahananë. Vendosim kapakun dhe e lemë supën të marrë valë për 20 minuta në temperaturë të ulët.

    Në fund e spërkasim supën trahana me majdanoz, piper dhe djathë kaçkavall të grirë në rende.

     

Për lajme të tjera kërkoni në arkiv