• VIDEO

    Baçi hedh poshtë pretendimet e Lulzim Bashës: Më ka kërkuar që të mos shkoj te 'Foltorja' e Berishës! Kërkoj falje, kam votuar gjëra që s'i kam lexuar

    Lulzim Basha ka deklaruar se ai nuk i ka kërkuar asnjë prej demokratëve që të "bojkotojë" Foltoren e Sali Berishës, megjithatë, ish-kreu i degës së PD-së së Fierit, Luan Baçi ka rrëfyer të kundërtën. Në "Pa Protokoll" në Report Tv të gazetares Anduela Ndreu, Baçi është shprehur se Basha i ka kërkuar që të mos shkojë në takimin e Berishës, ndonëse ky i fundit nuk i është bindur.

  • VIDEO

    6 vite pa e parë fëmijët,babai kërkon falje:Humba lekët,mos më braktisni

    Me kthimin e tij në Shqipëri për Laver Begaj, jeta iu kthye përmbys. I mbetur krejt i vetëm, i braktisur edhe nga dy fëmijët e tij 65-vjeçari nga Berati jeton në një apartament pranë zonës së Kinostudios në Tiranë, ndërsa i drejtohet emisionit ’Pa Gjurmë’ për ndihmë.Pas divorcit me bashkëshorten Vezire Atillari në vitin 2015, Laver Begaj ka kaluar gjithë këto në vetmi, mes këtyre katër mureve, në kushte të vështira. Djali Erjon dhe vajza Edlira që jetojnë jashtë vendit i kanë kthyer shpinën. Ai nuk ka asnjë informacion për jetën që ata bëjnë dhe nëse duan të flasin me atë atin apo jo. Shkak i konfliktit në familje, që çoi në shkëputjen e të gjitha kontakteve u bë humbja nga 65-vjeçari i të gjitha kursimeve që kishte mbledhur, teksa punonte prej vitesh si emigrant në Greqi. Ai ra pre e mashtrimit nga miku i tij, i cili jo vetëm i mori para borxh dhe nuk ia ktheu, por shkoi edhe më tej, ndërsa i vodhi në bankë edhe një shumë tjetër të mëdha parash. Ky borxh e ka përballur Laver Begajn tre javë më pare edhe në një konflikt fizik me Sokol Robon.I pikëlluar ky 65-vjeçar i drejtohet me një apel ish-bashkëhsortes, veçanërisht dy fëmijëve të tij, ndaj të cilëve nuk kërkon asgjë si këmbim, vetëm të rilidh kontaktete humbura

  • VIDEO

    Pse festohet Jo-ja greke në Shqipëri?/Basha sulm Berishës e Metës

     

    Emisioni Repolitix trajtoi në pjesën e parë ceremoninë e organizuar në Këlcyrë për Jo-në greke dhe deklaratat e bëra nga zv/ministri grek i Jashtëm. Në pjesën e dytë Repolitix trajtoi aktualitetin politik me sulmin publik që Lulzim Basha bëri në Kuvend ndaj Sali Berishës dhe Ilir Metës. Të ftuar në studio Fatos Klosi, Bislim Ahmetaj, Ylli Pata dhe Leonard Karaj.

  • VIDEO

    Vaksinimi anti-COVID i fëmijëve/ Debati pro dhe kundër, ju bën dëm dhe steril?! Avokati ‘përplaset’ me ekspertët në Report Tv

    Avokati Zaçe Islami ka hedhur akuza të forta ndaj qeverive dhe shkencës duke thënë se vaksina antiCOVID merr jetë dhe se përmban substanca të dëmshme, prandaj përbërja e saj nuk bëhet publike. Por këto deklarata janë cilësuar të papranueshme dhe të dënueshme nga mjekët shqiptarë në Itali dhe Gjermani, ku theksuan se këto janë dezinformime që marrin jetë njerëzish.

  • VIDEO

    Protestë për karburantin, askush nuk e fik makinën

  • VIDEO

    Tërmeti në Bulqizë, Ormeni për Report Tv: Do të ketë pasgoditje deri në qetësimin e gjendjes

    Sizmiologu Rrapo Ormeni tha se tërmeti 4.5 rihter në Bulqizë është shoqëruar me pasgoditje. Për Report Tv, Ormeni tha se në atë zonë këto tërmete janë të zakonshme dhe përgjithësisht futet te tërmet jo të forta.

    “Është një tërmet që është shoqëruar me pasgoditje dhe është ndjerë edhe në Tiranë e Laç e më gjerë. Tërmeti 4.5 rihter janë normale për vendin tonë, ky tërmet ka një tipologji që ka pasur pasgoditje ku më e madhja është 3.6 rihter. Goditja kryesore është dhënë dhe se tani do të ketë vetëm pasgoditje deri në vendosjen e ekuilibrit të pllakave tektonike në epiqendër”, tha Ormeni

  • VIDEO

    Shkoi të grabiste vilën, vritet nga pronari 38-vjeçari shqiptar në Itali, baba i një fëmije të vogël

    Një shqiptar është vrarë në Itali nga pronari i një vile të cilën shkoi ta grabiste. Viktima është identifikuar si Arbër Xheleshi, 38 vjeç, ndërsa ngjarja u regjistrua në Santopadre në provincën e Frosinone, 4 ditë më parë.

    Xheleshi, baba i një fëmije të vogël, i armatosur shkoi të grabiste vilën, por pronari, Sandro Fiorelli, një shitës duhani në një kioskë, e qëlloi atë për vdekje me çifte gjatë tentativës për të mbrojtur vilën e tij.

  • VIDEO

    Garë nuk ka ende, por pas Berishës, Edvin Kulluri shpall hapur kandidaturën për kryetar të PD: Mijëra demokratë kërkojnë reformimin e partisë

    Edhe pse kreu i PD-së, Lulzim Basha ka deklaruar prerazi se nuk ka ndërmend të tërhiqet nga drejtimi i partisë dhe se nuk do të ketë mbledhje të Kuvendit Kombëtar, sërish demokratët kanë filluar të deklarojnë kandidaturat e tyre për kryetarë të të djathtëve. Pas Sali Berishës, është Edvin Kulluri që ka deklaruar se është i gatshëm të hyjë në garën për kryetar të PD.

    Me një postim në Facebook, ish-anëtari i Këshillit Kombëtar të PD shkruan se mori vendimin për të kandiduar për kryetar në zgjedhjet e ardhshme në PD, nisur nga situata e krijuar në parti pas humbjeve të njëpasnjëshme në zgjedhje.

  • VIDEO

    Greqia zgjeron territorin e varrezës së ushtarëve në Manastirin e Këlcyrës, ceremonia larg syrit të mediave, i pranishëm edhe Konsulli grek në Gjirokastër

    Vazhdon rituali i rivarrosjes së eshtrave në varrezat e ushtarëve grekë në Manastirin e Grykës së Këlcyrës. Kanë qenë eshtrat e 37 ushtarëve grekë të rënë në luftën Italo-Greke në periudhën 1940-1941 të cilët janë rivarrosur në këtë varrezë, ku prehen eshtrat e mbi 700 ushtarëve helenë. Ceremonia është mbajtur larg syrit të medias dhe pa praninë e autoriteteve shqiptare.

    Të pranishëm kanë qenë përfaqësuesit më të lartë të klerit ortodoks të Mitropolisë së Gjirokastrës. Ka rënë në sy edhe pjesëmarrja e konsullit grek të Gjirokastrës, Dimitris Saharidis, sekretarja e çështjeve politike në Ambasadën greke në Tiranë, Valis Pendervanis, Prefekti i Maqedonisë Perëndimore Jorgos Kasapidis, admirali Dhimitrios Milas që është nga komiteti i ekspertëve shqiptaro- grek për zhvarrimin e eshtrave të ushtarëve grekë, si dhe oficerë të ushtrisë greke.

  • VIDEO

    Nga thurja tek pirografia, njihuni me vajzat që rikthyen traditën e punës së dorës

    Puna artizanale ka qenë pjesë shumë e rëndësishme e mënyrës së jetesës së shqiptarëve, veçanërisht grave.  

    Por vitet e fundit, duket se puna e dorës pati një tërheqje nga tregu, ku artizanët vendas për shkak të faktorëve të ndryshëm u detyran ta braktisin atë.

    Gjendja e zymtë e artizanëve mund t’i atribuohet shkaqeve të ndryshme por duket se pas shume vitesh të lënë në mëshirë të fatit në tregun shqiptar, shihet një një ringjallje e bizneseve të reja e  të vogla, të cilat mbështeten në produkte të krijuara 100% me dorë. Në një pjesë të madhe janë pikërisht të rinjtë ata që janë më të interesuar në këto produkte dhe që përpiqen të sjellin risi në një fushë që mbështetet në traditë.

    Xhois Tobli  është një vajzë e re e cila vendosi që të rikthejë traditën e thurjes me grep dhe me shtiza, duke krijuar kështu edhe një faqe në rrjetet sociale, ku ndan pasionin e saj e ndërthur traditën me modernen. Një ide që është përqafur shumë nga vajzat të cilat gjejnë tek punimet me dorë shijen e tradicionales të ndërthura me kaq hijeshi me trendet më të fundit të modës. Ndërsa shprehet optimiste per ndryshimet e tregut artizanal në Shqipëri.

    “Unë mendoj që ne do e përgatisim tregun, nuk është përgatitur por unë shoh shumë vajza që po e sjellin fuqishëm, që e duan dhe po e mbështesin njëra-tjetrën, shoh që vetëm ne artizanët e bëjmë me kaq dëshirë, me kaq zell. Do të doja që ta vlerësonin më shumë punën e dorës, sepse realisht është unike” shprehet ajo.

    Ndërsa Suela Gega prej 6 vitesh ushtron pasionin e saj të punës së dorë me teknikën ‘ pirografi. Ajo realizon portrete në drru tepër origjinale ku mjeshtëria e saj qëndron tek aftësia për të përshtatur materiale të ndryshme me njëra tjetrën, që të mund të shfaqet hijëshia e punimit artizanal.

    Unë kam filluar si të gjithë vajzat e  vogla duke parë mamin dhe gjyshen dhe kur nisa të bëja këto lloj punimesh erdhën nga pasioni im I vjetër që kisha për qëndisjen dhe grepin.

    Ndërsa shprehet se interesi I të huajve është tepër I madh megjithatë është pothuajse e pamundur për ta për ti dërguar punimet e tyre jashtë Shqipërisë.

    Pjesa më e madhe e shitjeve tona janë në Shqipëri, nuk është se kam bërë kalimë direkt nga unë tek një I huaj por nëpërmjet një personi të njohur, pasi ka vështirësi për t’I dërguar.

    Xhuana Maçka bashkë me motrën e saj, janë dy vajza të reja që kanë marrë një iniciativë tepër interesante për të kthyer punën e dorës në tregun vendas e të huaj. =

     “Mendoj që artizanëve i ka munguar prej kohësh një punë stabël që të kthehet edhe kjo në një industri ku të gjithë mund ta gjejnë veten sepse tashmë të rinjtë nuk shkojnë më të mësojnë artizanatë duke ditur që nuk ka një treg dhe ne këtë mentalitet kërkojmë që të ndryshojmë, të krijojmë një treg jo vetëm për ata që blejnë por edhe për ata që punojnë në këtë industri” shprehet ajo.

     

     

     

  • VIDEO

    Paralajmërimi që i erdhi botës nga e shkuara për fenomenet që po jetojmë sot

    Në një intervistë në ‘Rreze Dielli” kryeredaktorja e shtëpisë botuese Pegi, Aida Baro sjell botimin më të fundit ‘ Oriksi dhe Krejku’. I botuar për herë të parë më 2003, Margaret Atëood na çon në një të ardhme që tashmë është tepër aktuale dhe aspak “letërsi distopike e spekulative”, siç u cilësua asokohe. Me të njëjtën përzierje profecie dhe satire shoqërore me të cilën shkroi “Rrëfenjën e shërbëtores”, Margaret Atëood na dhuron një roman të mprehtë paralajmërues për të ardhmen e njerëzimit dhe për të sotmen e tij.

  • VIDEO

    Gatime nga zonja Albana, Buka e aromatizuar me hudhër/ Supa dimërore më e shijshme me domate

    Buka më e veçantë e aromatizuar me hudhër

    Përbërësit:

    500 gr miell

    1 lç maja buke

    1 lç kripë

    ½ lç sheqer

    270 ml ujë

    1 kokë hudhër

    Përgatitja:

    Bashkojmë majanë dhe sheqerin në një gotë me pak ujë të vakët. Vendosim miellin në një enë qelqi. Krijojmë një hapësirë në qendër të miellit dhe hedhim majanë e tretur në ujë. E përziejmë brumin duke filluar nga mesi tek anët.  E punojmë mirë brumin, e vendosim në një enë të madhe, e mbulojmë me pecetë dhe e lemë të pushojë për rreth 1 orë.

    Pas këtij minutazhi e punojmë përsëri brumin për 1-2 minuta dhe e lemë të pushojë dhe 1 orë tjetër.

    Masën e ardhur të brumit e punojmë sërish dhe i japim formë rrumbullake. Marrim një kokë hudhër dhe e vendosim në brendësi të brumit. E punojmë përsëri duke i dhënë formë rrumbullake dhe e vendosim bukën në furrë të parangrohur në 200 gradë për 25 minuta.

    SUPA DIMËRORE MË E SHIJSHME ME DOMATE

    Përbërësit:

    3 domate

    6 domate qershi

    1 kokë hudhër

    ½ qepë të thatë

    Djathë kaçkavall të grirë

    Vaj ulliri

    Gjalpë

    Miell

    Feta buke

    Kripë, piper

    Përgatitja:

    Marrim një tavë ku vendosim domatet të prera në feta të mëdha. Vendosim domatet qershi të pa prera dhe qepën të prerë në gjysëmhëne. Vendosim në qendër 1 kokë hudhër, I spërkasim me vaj ulliri, djathë kaçkavall të grirë në rende, kripë, piper. E vendosim tavën në furrë për 10 minuta.

    Më pas të gjithë këtë masë e kalojmë në blender. Në një tigan vendosim gjalpin të shkrijë dhe kaurdisim pak miell. Shtojmë masën e përgatitur në blender të domateve dhe e lemë supën të marrë valë 2-3 minuta.

    Ndërkohë në furrë kemi vendosur disa feta buke spërkatur me kripë, piper të zi, piper të kuq speci dhe rigon.

     

     

     

     

     

     

     

     

     

     

Për lajme të tjera kërkoni në arkiv