• VIDEO

    Imami: Imazhi i PD është për faqe të zezë! Nëse Basha është ende drejtues, Rama mandatin e katërt do ta ketë më të lehtë

    Për Arben Imamin, imazhi i Partisë Demokratike sot është për faqe të zezë dhe kjo për faktin se është në drejtimin e Lulzim Bashës, që sipas tij fle gjumë kudo që është. Duke u përgjigjur për heshtjen e ish-kreut të PD-së Sali Berishës, Imami tha se nuk ka asnjë koment, por shtoi se kush e kupton se kjo garë është e pabarabartë duhet të flasë, në rast të kundërt kush nuk flet është për garën e pabarabartë.

    Imami sakaq tha se Edi Rama do të ketë edhe më të lehtë mandatin e katërt, nëse PD do të vijojë që të drejtohet nga Basha.

    ‘Nuk kam koment për Sali Berishën. Kjo garë është e pabarabartë, çdo kush që e kupton që gara është e pabarabartë duhet të flasë, kush nuk flet është për garën e pabarabartë. Janë shumë të rëndësishme, studiot televizive, kontaktet, komunikimi me qytetarë, nuk janë të lidhura thjeshtë më zëvendësimin e një njeriu, por me një Reformë të thellë të PD. Imazhi i PD sot është për faqe të zezë. Është Lul Basha duke flejt gjumë kudo që është.

    Sali Berisha nuk ka marrë pjesë në zgjedhje, nuk është Sali Berisha kryetar i partisë, çfarëdo gabimi bën Sali Berisha e bën për vete, nuk konkuron Berisha, konkuron ky djali që është në gjumë. Ky imazh duhet ndryshuar, duhet bërë bashkimi në mënyrë që të shkojmë drejt në fitores. Mandati i katërt i Edi Ramës është më i lehtë se i treti. Ja ka thënë një mik i Ramës, merr të tretin se i katërti e merr më lehtë. Me një kallëp druri që bën të njëjtën gjë, sigurisht që nuk mund të rritet entuziazmi.’- tha Imami.

  • VIDEO

    Arben Imami: Komisioni, i kapur nga Basha! Jemin Gjana, i njëanshëm, gara s'është e ndershme! Të enjten shpallim kandidaturën

    Anëtari I PD dhe pjesë e grupit "Për PD" që kërkon largimin e Bashës, Arben Imami nuk ka kursyer akuzat për Jemin Gjanën i vendosur si kryetar i Komisionit të Zgjedhjeve në PD për garën për kreun e partisë më 13 qershor. Imami tha se ai është i njëanshëm dhe se nuk duhet të ishte në krye të këtij komisioni, pasi kjo tregon qartë se komisioni është i kapur nga Basha dhe dihet se si do të shkojë gara, ndërsa shtoi se në ngritjen e komisionit duhet të merrnin pjesë të gjitha palët dhe të jepnin propozimet e tyre për anëtarët.

    Në emisionin "Repoltix", Imami tha se kjo garë nuk është e hapur dhe se vendimi për vendosjen e datës së zgjedhjeve ishte i nxituar dhe i paarsyetuar. Imami tha se kjo u bë për qëllim se Basha e do që kandidatëve që do të garojnë do u duhet kohë t'u drejtohen strukturave të PD dhe ua mohoi këtë gjë që të kishte karrigen e tij të sigurt. Imami renditi një seri arsyesh se pse vendimi për zgjedhjet më 13 qershor u morr me shpejtësi dhe pa pritur asnjë lloj propozimi.

    Kjo garë nuk është  hapur dhe e ndershme. Sikundër ka një reagim të përgjithshëm, veprimi qe i njëanshëm dhe veprimi ishte një nxitim i pajustifikuar , i pamotivuar dhe i paarsyetuar dhe i marrë me një shpejtësi të madhe i argumentuar nga Basha si vendim i marrë nga sekretari i përgjithshëm dhe kjo e legjitimonte. Nëse kryetari i partisë është në kontakt me degët e partisë, konkurrentët e tij kanë nevojë për kohë për të filluar dhe vendosur kontakte. Shkurtimi i kësaj kohe tregon se zotëria nuk kërkon që të gjitha palët të kenë një akses normal në zgjedhje. Përveç kohës, në parti pas një humbje të tillë duhen disa palë që të paraqiten, që të bëhen zgjedhje të pranueshme nuk duhet vetëm të shpallësh datën, por duhet edhe një komision zgjedhor që të jetë i paanshëm, dhe nuk ramë dakord me Jemin Gjanën, me të s'ka njërin botë që të bie dakord jo më unë. Normalisht bëhen propozime dhe nuk mund të ketë zgjedhje të hapura dhe të pranueshme me një komision që është i Lulzim Bashës. Kryetari i komisionit para dy ditësh ka sulmuar dy anëtarë të grupit tonë publikisht. Pra është komision i njëanshëm. pra kryetar është një person pro Bashës dhe jo nuk shkon", tha Imami.

    Imami bëri të ditur se të enjten grupi "për PD" do të shpall kandidaturën e saj për kryetar të PD, ndërsa shtoi se Basha nuk gëzon më besim, por manovrat që ai bën brenda partisë tregon se gara nuk do të jetë e drejtë dhe e hapur, edhe pse ky grup do e bëj betejën e saj deri në fund.

  • VIDEO

    Arben Imami akuza të forta Bashës: I shiti vendet e listave të kandidatëve për deputet

    Arben Imami ka hedhur akuza të forta nga kreu të PD, Lulzim Basha duke thënë se ai i shiti vendet e listave të kandidatëve për deputetë. Në emisionin "Repolitix" Imami tha se ky akt tregon qartë se partia nuk ka më parime morale dhe se PD duhet reformuar e tëra. Ai tha se grupi "Për PD" kërkon hapjen e partisë dhe bashkimin e saj, pasi është copëtuar vetëm për faj të Bashës, i cili ka bërë largime pa asnjë lloj kriteri.

    "Në duam hapjen dhe bashkimin e partisë. Partia është në një pastrim të vazhdueshëm dhe nuk ka asnjë kriter se si përzgjidhen njerëzit. Nuk mundet një parti që vendet për kandidat në lista për deputet t'i shesë dhe të bëjë tender për to. Janë marrë para  për kandidatë për deputetë dhe për vende brenda strukturave të partisë", tha Imami.

  • VIDEO

    Djali u vetëvra sa doli na burgu, i moshuari vjen nga SHBA të mësojë misterin e të birit

    #pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv Historia e jetës së 76-vjecarit Telha Shehut nga Rradhima e Vlorës është një histori që na kthen pas në kohë. Ishin vitet e para të eksodit kur dy djemtë e familjes Shehu Dritani një 20 vjecar asokohe dhe Kleardo 18 vjec largohen drejt Italisë dhe u vendosën në Siena për një të ardhme më të mirë, por jo cdo gjë do të shkonte ashtu si ata e mendonin. 6 vite më pas, ishte ora 12 e natës kur dy vëllezërit së bashku me 25 shqiptarë të tjerë arrestohen nga uniformat blu, me akuzën për zhdukjen e një personi, i cili ende edhe ditët e sotme nuk është gjendur. Ato bëjnë 6 muaj burg dhe më pas vërtetësohet pafajsia e tyre. Kjo gjë duket se kishte ndikuar në shëndetin mendor të dy të rinjve pasi kur u kthyen në atdhe më 28 korrik të vitit 1998, familjarët vunë re tek to se ndodheshin në një gjëndje të rënduar psikologjike. Dritani nga një student i shkëlqyer me plot ëndrra dhe dëshirë për jetën, ishte kthyer në një person të mbyllur në vetvete dhe pa dëshirë për të jetuar. Ishte data 21 janar i vitit 1999 kur Dritani vendos t'i japë fund jetës së tij duke u hedhur në një pus që ndodhej pak metra larg shtëpisë. Ndërsa djali tjetër, Kleardo ende edhe sot e kësaj dite vuan nga probleme të shëndetit mendor dhe merr kemp. Ai është i martuar dhe ka 2 fëmijë edhe pse i paaftë për të mbajtur familje, prindërit e martuan pasi prej 12 vitesh Zoti Telha dhe Zonja Marle Shehu janë zhvendosur në Amerikë dhe e menduan si zgjidhje që djali i tyre të mos mbetej i vetëm. Kjo është drama e jetës së 76 vjecarit i cili do t'i bashkohet studios së emisionit 'Pa Gjurmë' për të rrëfyer të gjitha vuajtjet.

  • VIDEO

    Klodiana Spahiu: Humbësi ta kërkojë fajin te vetja! Opozita tenton konflikt politik, akuza të pabaza

    Klodiana Spahiu, deputete e PS në Durrës, tha se humbësi në zgjedhje duhet ta kërkojë fajin nga vetja. Në një intervistë për Report Tv, Spahiu tha se çdo forcë politike që ka humbur duhet të bëjë një analizë të vetën në mënyrë që të kuptojë se ku ka çaluar, pasi fajin nuk mund ta kërkojë te kundërshtari. Madje shtoi deputetja socialiste se edhe PS do të bëjë analizën e saj në qarqe ku mendon se nuk bëri dot maksimumin.

    "Kushdo që të ishte humbësi së pari duhet t'i kërkojë defektet te vetja. Përmirësimi i një force kur humbet vjen duket analizuar shkaqet e humbjes. Çdo humbje kërkon një analizë të thellë. Edhe ne kemi gjëra për të rregulluar dhe do të bëjmë analizën në ato qendra votimi ku mendojmë se nuk kemi bërë mjaftueshëm", tha Spahiu.

    Spahiu foli edhe për ankimimet e opozitës ku kërkon ribërjen e zgjedhjeve në disa qarqe, duke thënë se këtë kërkesë duket ta mbështetësh në fakte e prova dhe jo thjeshtë të shkosh në KAS dhe t'u thuash atyre 'mi siguroni dokumentet'. Spahiu tha se opozita po krijon një tendencë negative që  kërkon të nxisë konflikt politik, batak në të cilin PS nuk do të bjerë.

    "Që ti të kërkosh ribërjen e zgjedhjeve duhet të dokumentosh shkeljet e bëra ditën e zgjedhjeve. Ti kërkon këtë dhe nuk ke fakte. Çdo forcë politike ka të drejtën e ankimimit, por këtu ka mosmarrëveshje edhe midis drejtuesve të opozitës. Dolën të dielën dhe thanë se në kuti është verdikti i popullit. Pse tani duhet të krijojnë kaq shumë anomali dhe përplasjeje politike? PS nuk duhet të bie më batakun e asaj çfarë kërkon opozita, pasi ne kemi një detyrim të madh ndaj qytetarëve, nëse duan të bashkëpunojnë janë të mirëpritur. Por shikoj një tendencë shumë negative dhe aspak bashkëpunuese për të mirën e vendit", tha ajo.

    Në lidhje me akuzat për votim të dyfishtë, Spahiu tha se identifikimi biometrik  ishte një nga proceset që nuk ke se si i manipulon.

     

  • VIDEO

    Dolën të dy nga burgu, ulërisnin në oborr/ Rrëfimi i dhimbshëm i një të moshuari vlonjat në Report TV

    Historia e jetës së 76-vjecarit Telha Shehut nga Rradhima e Vlorës është një histori që na kthen pas në kohë. Ishin vitet e para të eksodit kur dy djemtë e familjes Shehu Dritani një 20 vjecar asokohe dhe Kleardo 18 vjec largohen drejt Italisë dhe u vendosën në Siena për një të ardhme më të mirë, por jo cdo gjë do të shkonte ashtu si ata e mendonin. 6 vite më pas, ishte ora 12 e natës kur dy vëllezërit së bashku me 25 shqiptarë të tjerë arrestohen nga uniformat blu, me akuzën për zhdukjen e një personi, i cili ende edhe ditët e sotme nuk është gjendur. Ato bëjnë 6 muaj burg dhe më pas vërtetësohet pafajsia e tyre. Kjo gjë duket se kishte ndikuar në shëndetin mendor të dy të rinjve pasi kur u kthyen në atdhe më 28 korrik të vitit 1998, familjarët vunë re tek to se ndodheshin në një gjëndje të rënduar psikologjike. Dritani nga një student i shkëlqyer me plot ëndrra dhe dëshirë për jetën, ishte kthyer në një person të mbyllur në vetvete dhe pa dëshirë për të jetuar. Ishte data 21 janar i vitit 1999 kur Dritani vendos t'i japë fund jetës së tij duke u hedhur në një pus që ndodhej pak metra larg shtëpisë. Ndërsa djali tjetër, Kleardo ende edhe sot e kësaj dite vuan nga probleme të shëndetit mendor dhe merr kemp. Ai është i martuar dhe ka 2 fëmijë edhe pse i paaftë për të mbajtur familje, prindërit e martuan pasi prej 12 vitesh Zoti Telha dhe Zonja Marle Shehu janë zhvendosur në Amerikë dhe e menduan si zgjidhje që djali i tyre të mos mbetej i vetëm. Kjo është drama e jetës së 76 vjecarit i cili do t'i bashkohet studios së emisionit 'Pa Gjurmë' për të rrëfyer të gjitha vuajtjet.

    Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv

  • VIDEO

    Pa Gjurme gjen Irid Kolën në një burg të Zvicrës/Nëna:Iu drodh zëri kur thirri o ma…

    Prej 2 muajsh rezultonte i humbur falë ’Pa Gjurmë’ gjendet Irid Kola. 28-vjecari foli me familjarët më 22 mars të këtij viti nga Gjeneva e Zvicrës, ndërsa u ndalua nga policia zviceriane një ditë më pas. Prej dy vitesh i riu nga Elbasani ishte larguar nga Shqipëria si azilkërkues, ku jetoi në disa shtete të ndryshme, derisa për disa muaj u vendos në Zvicër, i papajisur ende me dokumentacion të rregullt. Ishte pikërisht ky shkaku i ndalimit, arsye që e zbuloi vetë Irid Kola, pasi me të mësuar se kërkohej në emision telefonoi familjarët nga një burg i Gjenevës. Ai ishte kapur nga policia zviceriane, teksa ishte nisur për në punë dhe në muajin qershor pritet të dalë në gjyq. Familjarët iu drejtuan emisionit ’Pa Gjurmë’ në Report TV, pak ditë më parë për ndihmë, ku me mbërritjen e mjaft informacioneve, u dyshua se ai mund të kishte përfunduar pas hekurave. Gjatë një lidhje të drejpërdrejtë nga banesa e prindërve në Elbasan, nëna Natasha Kola konfirmon lajmin e mirë duke falenderuar për punën e berë emisionin. Fola me Iridin dhe më tha se ndodhej në një burg të Gjenevës. Nuk e di sa do ta dënojnë, sipas rregullave, pasi në qershor do të dali në gjyq. Më tha se e kishin kapur pa letra, ndërsa po shkonte në punë. Tani të paktën e hoqa merakun që pata dhe uroj të vij shëndosh e mirë në shtëpi. Ju falenderoj për punën tuaj dhe që munda t'i dëgjoja zërin. Nuk më kishte telefonuar, pasi nuk kishte patur kartë. Kisha merakun se mos ndoshta ishte përfshirë në ndonjë sherr.Me datë 23 mars ishte ndaluar nga policia, një ditë pasi foli me ne. I pari që foli me djalin ishte bashkëshorti. Djali më qetësoi se ishte mirë dhe po priste të dilte në gjyq 28-vjecari për herë të fundit komunikoi mbrëmjen e 22 marsit me familjarët, ku ishte shprehur se të nesërmen do të udhëtonte për në Bern. Pas këtij komunikimi prindërit tentuan të lidheshin me Iridin, por telefoni i tij rezultoi i fikur. Mesa duket ky udhëtim drejt Bërn-it, nuk u realizoi kurrë, pasi 28-vjeçari përfundoi pas hekurave.

    Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report Tv

  • VIDEO

    Pipero për Report TV: Vaksinimi po jep efekte pozitive, në qershor arrijmë imunitetin kolektiv!

    Vaksinimi masiv ka sjellë efekte pozitive për sa i përket uljes së rasteve të reja të qytetarëve të infektuar me Covid në vendin tonë. Kështu deklaroi në një intervistë për Report Tv mjeku infeksionist Pëllumb Pipero i cili e konsideroi fushatën e vaksinimit masiv në vend një histori suksesi. Pipero tha më tej se në fund të këtij muaji mund të arrijmë 1 mln të vaksinuar dhe se në mesin e muajit qershor mund të arrihet imuniteti kolektiv.

    ‘Po përfitojmë efektet e para pozitive të vaksinimit masiv në vendin tonë. Studimet në vendet e tjera, psh. në Itali kanë dëshmuar se rritja e numrit të rasteve të vaksinuar qoftë edhe vetëm me dozën e parë ka mundësuar uljen e transmetueshmërisë së virusit dhe uljen e vdekshmërisë me 90%. Po përjetojmë efektet vaksinimit anti COVID, ç’ka reflektohet me numrin e rasteve të reja që raportohet a reflektohet me numrin e rasteve të reja që raportohet çdo ditë dhe numri të vdekjeve. Numri i tamponëve të marrë ka qenë i lartë,  e infektimeve apo indicie e rasteve pozitive është 2-3% dhe situata është në kontroll. Procesi i vaksinimit në vendin tonë mund ta konsideroja një histori suksesi. Unë besoj se ndoshta deri në fund të këtij muaji ne do të arrijmë 1 mln të vaksinuar në Shqipëri. Krahas vaksinimit dhe ekspozimit të qytetarëve ndaj COVID -19, mesi i muajit qershor do të arrijmë imunitetin kolektiv.’- tha Pipero.

    Sa i përket masava anti-Covid që janë në fuqi, Pipero theksoi se treguesit pozitiv të ecurisë së pandemisë, do të bëjnë që të rishikohen masat shtrënguese. Pipero tha se beson se shumë shpejt Komiteti i Ekspertëve do të vendosë që të mos mbahet maska në ambiente të hapura, ndërkohë që sugjeroi se në mjedise të mbyllura është e nevojshme. Mjeku tha më tej po ashtu se edhe ora policore brenda muajit do të hiqet dhe do të rishikohen masat për baret dhe restorantet.

    ‘Për shkak të treguesve pozitiv të ecurisë së pandemisë ne vendin tonë, mendoj se duhet të rishikohen masat shtrënguese pasi indikatorët janë shumë pozitiv për të na mundësuar lirimin e masave shtrënguese. Qytetarët duhet të respektojnë distancën dhe higjienën. Maska mund të rezervohet për mjediset e mbyllura. Komiteti Teknik i Ekspertëve besoj shumë shpejt do të na lirojnë nga mbajtja e maskës në mjedise të hapura. Besoj se edhe brenda muajit do të rishikohet dhe ora policore, pse jo edhe për baret dhe restorantet. Besoj se indikatorët janë pozitiv për të lehtësuar masat. Ne duhet të respektojmë masat anti-covid. Maska në mjediset e mbyllura do të në duhet edhe për mjaft kohë.’- u shpreh ndër të tjera Pipero.

     

  • VIDEO

    Kolesteroli/Pasojat dhe ushqimet që lidhen me të

    Në një intervistë në emisionin “Rreze Dielli” farmacistja Erina Hilaj tregoi mënyrat se si mund të zbulojmë kolesterolin në organizëm dhe mënyrat për të përmirësuar nivelin e tij me dieta dhe suplemente të ndryshme:

    “Kolesteroli është pjesë pëbërëse e yndyrnave të organizmit, prodhohen nga vetë organizmi dhe janë të domosdoshme për jetën e njeriut. Një njeri që s’ka kolesterol nuk mund të jetojë, sepse kolesteroli përvecse ka një funksion strukturorë të qelizave të njeriut ëshët pararendës I I disa hormoneve, si seksuale, mbiveshkore dhe pararendës I vitaminës D.Kështu që nevoja e organizmit për kolesterol është e domosdoshme” tha ajo.

    Si mund ta zbulojmë kolesterolin e lartë në organizëm?

    “Niveli I lartë I tij mund të dallohet vetëm nëpërmjet analizave të gjakut dhe shpeshherë nivel të lartë kolesteroli kanë edhe personat e rinj në moshë që janë pa sëmundje shoqëruese” u shpreh ajo.

    Sipas farmacistes Erina HIlaj një pjesë të kolesterolit ne e marrim nga ushqimet:

    “Një pjesë të kolesterolit ne e marrim nga dieta dhe kryesisht nga ushqimet me prejardhje shtazore që përmbajnë yndyrna të ngopura, sic është mishi, bulmeti, vezët. Këto janë burimet kryesore të kolesterolit nga dieta. Organi kryesor që e sintetizon është mëlçia”

    Çfarë duhet të bëjmë për të përmirësuar nivelin e kolesterolit në organizëm, dietat dhe suplementet e këshillueshme:

    “Në momentin që njeriu identifikon që ka kolesterol të lartë përmes analizave të gjakut fillimisht I nënshtrohet dietës, aktivitetit fizik, evitimit të duhanit apo alkoolit nëse I konsumon dhe gjithashtu e ndihmon organizmin duke përdorur disa suplemente natyror. Suplementet mund të pëdoren për të parandaluar kolesterolin tek personat që janë me risk. Ndërkohë barnat përdoren vetëm në momentin kur dieta, aktiviteti fizik nuk kanë mundur ta cojnë kolesterolin në normë.

    Mirë është që dieta të pasurohet me fasulet, me perimet, dhe me frutat që kanë fibra. Të gjitha këto ndikojnë për mos vendosjen e kolesterolit në enët e gjakut. Disa nga produktet që mund të përdoren janë çaji jeshil, hudhra por ato që kanë efekt më të mirë janë suplementet me omega 3” përfundoi ajo.

     

     

     

     

  • VIDEO

    Adoleshenti shembull/ Zhytet për të pastruar detin

    Në Shqipëri të rrallë janë të rinjtë të cilët bëhen pjesë e nismave sensibilizuese dhe në ndihmë të shoqërisë. Ksanti Gjoni është në shkollë të mesme por me një përgjegjshmëri të madhe për vendin ku jeton. Në një intervistë në emisionin “ Rreze Dielli” ai tregoi për nismën që ka ndërmarrë sëbashku me të rinj të tjerë për të pastruar detit nga gomat dhe mbetjet e tjera.

    ‘’Tashmë po bëhen gati tre vite që merrem me mbjelljen e pemëve. Pastrimin e pemëve, pastrimin e detit dhe deri tani kemi nxjerrë 1310 goma. Gjtihmonë kam qenë fans I natyrës dhe I punëve sensibilizuese  kështu që mendova të marr pjesë në organizatë, është një mënyrë e mirë për të pastruar detin tonë Jonë. Jemi një grup prej 8-9 vetash por na duhen më shumë sepse është në maksimumin e ndotjes’’ tha ai.

    Ndërsa u shpreh se në Sarandë qyetarët nuk janë shumë të sensibilizuar për rëndësinë që ka pastrami I detit:

    “Të huajt merren vet, kur shikojnë futen pastrojnë brigjet e plazhit sepse nuk e kanë mundësinë që të futen me scuba sic zhytemi ne. Qytetarët e Sarandës jo të gjithë janë të ndërgjegjësuar. Edhe shoqëria ime po sensibiliozohet, po na afrohen” u shpreh ai.

    Ndërsa dha dhe një këshillë për të rinjtë e tjerë që t’I bashkohen nismave të tilla:

    “Ne na bashkohen edhe pjestarë nga Tirana, nga Durrësi, nga Lezha nga cdo vend I Shqipërisë  nuk është se jemi vetëm qytetarë të Sarandës. Do të dëshiroja që nisma jonë të zgjerohej dhe të na ndihmojnë duke na u bashkuar më shumë indiivdë sepse kjo është shtëpia jonë, është vendi ku jetojmë” përfundoi ai.  

  • VIDEO

    Supë krem spinaq nga zonja Vjollca

    Supë krem spinaq

    Përbërësit:

    500 gr spinaq

    1 thelpi hudhër

    1 qepë mesatare

    2 patate

    kripë dhe arrëmoskat

    1.2 litër lëng perimesh

    30 gr parmixhano

    fara kungulli për servirje

    pak vaj ulliri

    Përgatitja:

    Në një tigan të thellë ngrohim vajin, trumzën, qepën të grirë hollë e kaurdisim për 2-3 minuta, shtojmë patatet të prera në copa mesatare I përziejmë sëbashku me qepën dhe shtojmë lëngun e perimeve I lëmë të ziejnë patatet për 25 minuta. Pas 20 minutave shtojmë spinaqin të larë dhe të prerë vrazhdë. E përziejmë dhe e lëmë spinaqin të ziejë 2-3 minuta. Largojmë tenxheren dhe kalojmë supën në blender dore duke e kthyer në krem. E servirim me fara kungulli ose bëjmë të dyja këto të kaurdisen pa yndyrë në tigan.

  • VIDEO

    Byrek me gjizë dhe majdanoz nga zonja Vjollca

    Byrek me gjizë dhe majdanoz

    Përbërësit:

    1 pako petë

    400 gr gjizë

    2 tufa majdanoz

    4 vezë

    120 ml vaj

    250-300 ml qumësht

    1/2 lugë kafe sodë buke

    kripë

    1/2 gotë ujë të gatuar

    Përgatitja:

    Fillimisht përgatisim mbushjen e byrekut me një vendosim gjizën, djathin e thërrmuar ose gjizë me djath trazuar e thërrmojmë atë dhe grijmë shumë hollë majdanozin dhe e shtojmë në tasin me gjizë I përziejmë mirë të dy këto përbëërs. Në një tas rrahim vezët shtojmë 120 gr vaj, 1 filxhan çaji ( joplot) qumështin dhe 1/2 lugë kafe sodë buke, kripë, I përziejmë mirë të gjtihë përbërësit. Lyejmë tepsinë me vaj dhe shtojmë petët duke I rrudhosur ato dhe duke I spërkatur nga pak me vezët dhe qumështin e trazuar. Kështu vazhdojmë me 5-6 petët e para, shtrojmë gjizën me majdanoz) mbushjen e nivelojmë mirë. E spërkatim me pak vaj dhe fillojmë të mbulojmë mbushjen duke vazhduar spërkatjen me qumështin, vezë pasi të marojnë petët në fund shpërndajmë spërkatjen me qumështin e tepruar. Me ndihmën e një shkopi të shishqebapit shpojmë tek tuk byrekun dhe e vendosim në furrë në temperaturë 200 gradë Celsius  për 30 minuta. Pasi të bjeri tëmperatura dhe të jetë I valuar e presim dhe e shërbejmë.

Për lajme të tjera kërkoni në arkiv