Lajme nga emisionet

Lëvizja e deputetit Ervin Salianji ka trazuar sërish ujërat brenda PD-së, por a do të gjejë ai mbështetje për të zëvendësuar Enkelejd Alibeajn? Anëtari i Këshillit Kombëtar të PD-së, Blendi Sulaj thotë në Report Tv se kjo lëvizje do të dështojë, madje sipas tij edhe disa nga deputetët që ia kanë dhënë firmën deri më tani, do t’a tërheqin dhe do t’i mbeten vetëm 9 firma.

Kundërshtimin që Albin Kurti i bën krijimit të Bashkësisë së Komunave Serbe në Kosovës, e njohur si Asociacioni, ish-zv.ministri i Jashtëm i Kosovës, anëtar i Lidhjes Demokratike të Kosovës, Anton Berisha, e konsideron si vijim të politikës së tij si manipulant tipik.

Një jetë e  kaluar me sportin, jo në fushë por në ekran. Një prej figurave më të dashura që vjen prej futbollit, gazetari sportiv Dëfrim Methasani erdhi në “Esencë” në një rrëfim për jetën dhe karrierën.

Deputeti demokrat Ervin Salianji ka nisur një lëvizje për shkarkimin e kreut të Grupit të PD-së, Enkelejd Alibeajt e deri më tani ka mbledhur 14 firma. Për këtë lëvizje, Salianji ka mbështetjen e plotë nga grupi i Sali Berishës, ndërsa deputetja Sorina Koti tha në Report Tv se Salianji ka të drejtën e tij morale për të kandidat dhe sipas saj është e rëndësishme që të bëjë çmos për bashkimin.

Përmes një lidhje skype në emisionin “Rreze Dielli” në Report Tv, sociologu Gëzim Tushi, foli më tepër për fenomenin ‘Big Brother’.

Mjeku Pëllumb Pipero sugjeron që të gjithë qytetarët që kanë temperaturë prej gripit, të mos nxitojnë drejt spitaleve. Sipas tij, në 3-4 ditët e para mund ta menaxhojnë situatën në shtëpi duke konsumuar lëngje dhe të përdorin vetëm paracetamol ose ibuprofen.

Lëvizje të bujshme në merkato mund të konsiderohet Regi Lushkja te Tirana. Mesfushori e përfundoi aventurën e tij në Moldavi për t’iu bashkuar bardhebluve të Tiranës. Këtë lëvizje, trajneri i futbollit në Kinë Ergys Luga e konsideroi si goditje të madhe për Tiranën.

  Në ‘Real Story’, Ilir Meta tha se socialistët kanë zero shanse që të fitojnë asnjërën nga Bashkitë në qarkun e Shkodrës. Ndonëse i bindur për fitoren, Meta nuk dha një përgjigje të prerë nëse do e njihte rezultatin në rast se do humbte në 14 maj, por iu përgjigj me akuza për Ramën e Veliajn duke thënë se po e minojnë që tani procesin, prandaj i bëri thirrje SPAK të reagojë.  

Analisti, Nikoll Lesi deklaroi se me Dumanin në krye të SPAK, gjatë këtij viti mund të kishte arrestime në nivele të larta të politikanëve që kanë dominuar skenën politike shqiptarëve gjatë 30 viteve të fundit. I ftuar në emisionin “Kontrast” me gazetarin, Denis Minga në Report TV, Lesi tha se Mediu do të ishte ‘peshk i vogël’ krahasuar me arrestimet që pritet të realizohen.

Dëbora luan një rol të rëndësishme për ruajtjen e burimeve ujore, por mungesa e saj në vitet e fundit ka sjellë periudha thatësire në vend. Përfaqësues të Agjencisë së burimeve ujore thonë se përveç nevojës për reshje dëbore, duhet edhe ndërgjegjësim nga qytetarët.

Veprim të nxituar e ka cilësuar deputeti demokrat Dash Sula vendimin më të fundit të marrë nga kreu i grupit të PD-së, për përjashtimin e katër deputetëve. I ftuar në Report Tv, Dash Sula tha se ky vendim duhej të ishte marrë pasi të ishte mbledhur grupi parlamentar dhe të ishte diskutuar mes deputetëve. Por si e sheh ai lëvizjen e Ervin Salianjit për të zëvendësuar Alibeajn si kreu i Grupit?

Amadea Stefa ka përfaqësuar flamurin shqiptar në Sri Lanka në Kongresin botëror të mjekësisë integrative.

Provat për ta gjykuar Fatmir Mediun për akuza më të rënda se sa vetëm ‘Shpërdorim detyre’ janë aty dhe është çështje interpretimi, ndaj i takon GJKKO që ta vlerësojë këtë. Ky është qëndrimi i avokatit të familjes Durda, Dorian Matlija, i cili për Report Tv tha se Mediu ka firmosur urdhra që kanë ndikuar në ndodhjen e shpërthimit.