Lajme nga emisionet

Kur Dritan Shakohoxha, komentator sportiv mori vendimin për të kandiduar për kreun e FSHF-së, ai rrëfen se e kishte menduar që do e kishte të vështirë të mposhte Armand Dukën, por kurrë që manipulimi do të shkonte deri në këtë gradë. Në "Sot Live në Shqipëri" në Report Tv me gazetarin Andi Kapxhiu, Shakohoxha ka hedhur akuza të forta në drejtim të Dukës duke thënë se cili klub i ka dalë kundër e ka rrëzuar nga kategoria.

Sociologu Gëzim Tushi i ftuar në studion e “Sot Live me Shqipërinë” me gazetarin Andi Kapxhiu, ku foli rreth vrasjes për gjakmarrje me autor një 17-vjeçar në Lezhë, tha se ngjarja është përgjegjësi e edukimit familjar, shkollor dhe institucionit të ndëshkimit.

Përpjekjet e përfaqësuesve të PD-së për të treguar se duan të dalin me një kandidat të përbashkët në këto bashki, për anëtarin e Komisionit të Rithemelimit, Luan Baçin, janë hileqare, dhe bëhen vetëm për të legjitimuar Lulzim Bashën si kryetar

Historia e 17-vjeçarit, Florian Pervathit që u shndërrua në vrasës për të marrë gjakun e babait, nxjerr në pah një tjetër problematikë, faktin që shumë pak merren psikologjinë e një fëmije të dëmtuar, pjesa më e madhe e vëmendjes i kushtohet të ngujuarit.

A duhet ta legalizojë Shqipëria kanabisin për qëllime mjekësore? Kjo pyetje, e cila është hedhur për diskutim edhe në formularin e Këshillimit Kombëtar, e ka ndarë në 2 kampe "pro" dhe "kundër"  opinionin publik.

Luan Mançe, 50-vjeçari rezulton i humbur prej 6 muajsh. Babai i dy djemve doli nga shtëpia në fshatin Mazhan të Përmetit gushtin e vitit 2021 dhe nuk u kthye më. E ftuar në studion e emisionit ’Pa Gjurmë’ në Report Tv, Refide Paja, motra e të humburit bën apel për ndihmë duke folur për dyshimet që ka për humbjen e të vëllait. Ajo rrëfen se Luani është keqtrajtuar nga bashkëshortja dhe dy djemtë e rritur. 

Në zgjedhjet e 6 marsit, Edvin Kulluri thotë se PD-ja nuk ka asnjë shans që të marrë asnjë bashki, edhe sikur të ketë një kandidat të përbashkët mes grupimit të Lulzim Bashës dhe Sali Berishës. Nga ana tjetër, deputeti i PS-së, Lavdrim Krashi në zonën e Dibrës thotë se socialistët në këto zgjedhje futen për t'i fituar të gjitha Bashkitë.

Në një kohë ku tregu vendas nuk është aspak premtues për fermerët shqiptarë, sipërmarrësi Altin Prenga bën një apel të rëndësishëm për t’i ardhur në ndihmë prodhuesve vendas.

Shehu thotë se Armand Duka është përfituesi më i madh nga politika dhe e sheh si legjitime ndërhyrjen e Veliajt në zgjedhjet për president të shoqatës rajonale të Tiranës.

Në një intervistë në emisionin ‘Rreze Dielli’ fermeri Hasan Gegolli  përmes një lidhje në skype u shpreh se një pjesë e madhe e prodhimit të mollës i ka mbetur stok.

Deputeti Korreshi theksoi se nëse Basha dhe Berisha do kenë një kandidat të përbashkët, i fitojnë 6 bashkitë të cilat janë pa kryetar. Ai theksoi se është e vështirë por jo e pamundur për ta fituar bashkinë edhe me dy kandidatë.

Erion Veliaj do të kandidojë sërish për një mandat të tretë në Bashkinë Tiranë në zgjedhjet lokale të 2023 dhe për këtë ka edhe bekimin e kryesocialistit Edi Rama. Lidhur me projektin e ndërtimit të kullave në territorin ku ndodhet Partia Demokratike duket se një kërkesë e tillë i ka shkuar edhe Bashkisë së Tiranës nga pronarët e tokës që është familja Toptani.

Nga studio e Repolitix, kryebashkiaku Veliaj tha se ka dërguar në institucionet ndërkombëtare materiale që vërtetojnë sesi pastrohen paratë e drogës në Shqipëri përmes futbollit duke akuzuar kreun e FSHF Armand Dukën. Ai tha se Duka mbështetet vetëm nga llumi, Meta e Berisha. Ndërsa për manipulimet në zgjedhje ai paralajmëroi arrestime.

Eduard Prodani, i cili ishte kandidat për kreun e Shoqatës së Futbollit të Tiranës, tha se do i drejtohet gjykatës pasi zgjedhjet e sotme ishin të manipuluara. Prodani bëri akuza të forta ku tha se FSHF e Armand Dukës është kthyer në një "Far West", ku duhet të jesh me revole në xhep për të fituar.

Për ish-deputetin demokrat Arben Ristani, deklaratat e presidentit kundër Lulzim Bashës nuk janë të reja dhe në funksion të Grupimit të Berishës. Ai tha se kjo ‘luftë’ mes Ilir Metës dhe kryetarit të PD është e hershme. Edhe vetë shpallja e 6 Marsit si datë për zgjedhjet e pjesshme, sipas Ristanit vjen nga afatet ligjore.