Lajme nga emisionet

Në emisionin "Repolitix" në Report Tv diskutimi është fokusuar në arsyet që çuan në votën e madhe popullore ndaj Albin Kurtit, që sollën fitoren e tij historike në zgjedhjet e 14 shkurtit 2021.

Gjatë një interviste për Report Tv, Spahiu tha se çdo forcë politike mendon të gjejë figura për qarkun ku beteja është me e fortë, por i bën thirrje partive që të mos e ashpërsojnë betejën në qarkun e Durrësit. Sipas saj, durrsakët gjykojnë me ftohtësi dhe nuk kanë nevojë për fushata të forta.

Në një intervistë në Report Tv, Rudina Hajdari u përgjigj sulmeve të ish -kryebashkiakes së Prrenjasit Miranda Rira duke thënë se nuk ka komente për "çdo qen" që leh rrugës dhe që kanë probleme me drejtësinë si ajo. Në lidhje me partitë e vjetra, Hajdari tha se janë të lidhura me krimin dhe kanë 30 vite që bëjnë vetëm show.

Sopranoja Ramona Tullumani është infektuar me COVID në muajin e 5-të të shtatzënisë. Në një intervistë për Report Tv ajo ka treguar se vështirësia më e madhe është në ditët e para por gëzimi për fëmijën që ka në bark i ka dhënë më shumë forcë për ta mposhtur virusin.

Ankthi është kthyer në një nga sëmundjet kryesore  të botës moderne. Shpesh herë kemi dëgjuar raste të ndryshme të personave që vuajnë nga ankthi, duke bërë që kjo gjë t’i ndalojë të jetojnë normalisht. Kurimi dhe trajtimi i saj është mjaft i rëndësishëm, prandaj në ‘Rreze Dielli’ sot intervistuam gazetaren Elona Jaçellari e cila u tregua e gatshme të ndajë me ne, historinë e saj se si ‘ bashkëjetoi’ dhe u kurua nga ankthi.

Ish-deputeti i LSI-së, Endri Braimllari i është përgjigjur deklaratave të kryeministrit Rama i cili tha se do ta çonte këtë forcë politike për skrap. I ftuar në emisionin “5 pyetjet” nga gazetari Ilir Babaramo, Braimllari tha se sa herë që vijnë zgjedhjet, kryeministri dështon për të fituar këtë bast.

Shefi i kabinetit të PD-së, Dorian Teliti ka kritikuar mënyrën se si qeveria po menaxhon situatën e krijuar nga dëbora gjatë dy ditëve të fundit në vendin tonë. Teksa ishte i ftuar në emisionin “5 pyetjet” nga gazetari Ilir Babaramo, Teliti tha se Edi Rama ka dështuar të menaxhojë dhe një ngjarje që ishte paralajmëruar 10 ditë më parë nga institucionet shqiptare.

KQZ vijon ende numërimin e votave në Kosovë në 20 vendvotimet e fundit që kanë mbetur, ndërsa më pas çdo të fillojë numërimi  i votës së emigrantëve ardhur me postë dhe vota e personave me aftësi të kufizuar, atyre që ishin me COVID etj, proces që për zëdhënësin e KQZ në Kosovë do disa ditë që të bëhet dhe të shpallet rezultati final.

Në një intervistë në Report Tv, Rakacolli tha se kemi shumë të rinj në terapi intensive dhe se problemi më i madh i shtimit të rasteve është fakti se nuk respektohen masat antiCOVID. Rakacolli ngriti edhe problemin se personat e infektuar nuk karantinohen, por dalin nga shtëpia sapo ndihen më mirë dhe kjo bën që ata të jenë burim infektivi.

Teksa Shqipëria po kalon një mot të acartë me reshje dëbore në shumë zona të vendit, kryebashkiaku i Malësisë së Madhe, Tonin Marinaj deklaroi se duke filluar nga dita e nesërme, rrugët do të jenë të kalueshme.

Të ftuar në studion e “ Rreze Dielli” bodybuilder-at Ledi Bardhi dhe Loris Morina treguan më tepër për eksperiencën e tyre me këtë sport. Regjimi ushqimor dhe sakrificat për të krijuar dhe mbajtur këtë trup

Ish-deputeti i PD-së Enkelejd Alibeaj deklaroi gjatë emisionit 'Pa protokoll' në Report Tv se duhet hetuar kush i dërgoi të gjithë të burgosurit e rrezikshëm për tu gjykuar nga gjyqtarja Enkelejda Hoxha. Ai thotë se përgjegjës për këtë është Drejtoria e Burgjeve si dhe Ministria e Drejtësisë. Ndërkohë deputetja e PS-së, Vasilika Hysi thotë se politika duhet të qëndrojë jashtë kësaj çështje dhe të lërë drejtësinë të bëjë punën e saj.

Zv.Drejtori i Policisë së Rendit në Tiranë, Dhimitraq Ziu tha gjatë një prononcimi për Report tv se nga ora 20 e mbrëmjes kur dhe fillon ora policore nuk do të tolerohet asnjë subjekt drejtues mjeti apo qytetar që do të thyejë aktin normative.

Nga

Danjela Maloku

Identifikimi biometrik futet në fazën e dytë të realizimit. Pas nënshkrimit të kontratës me KQZ, kompania ka nisur punën në terren. Nënkomisionerja e KQZ Lealba Pelinku thotë për Report Tv se më 25 prill ky projekt do ketë përfunduar në të gjithë vendin, ndërsa shton se e sheh të pamundura arritjen e votimit dhe numërimit elektronik.

Një rrëfim ndryshe i inxhinieres Luljeta Bozo, cila e ftuar në emisionin ‘Rreze Dielli’ ndau  emocionet, dhe  kujtimet e një jete për bashkëshortin e ndjerë. 

I ftuar në emisionin “Repolitix” në Report Tv , Beqiri tregoi një histori personale ku tha se para procesit të vettingut një gjyqtare i kishte thënë se ILDKPKI i kishte gjetur 58 mijë euro që nuk i justifikonte dhe inspektorët e ILDKP-së i kishin thënë që na jep 20 mijë dhe e rregullojmë këtë problem. Nisur nga ky rast avokati ngre një pyetje me vend ku thotë po këto institucione kush do i kontrollojë?

Pas denoncimeve të artistëve për logon e re të Teatrit Kombëtar të Operas dhe Baletit, Ansamblit Popullor si plagjiaturë, artisti Ardian Isufi ndalet tek problemet që ka sjell procesi sesi është zgjedhur fituese logoja e kompanisë Pika Pro.

Në një intervistë skype për Report Tv, Gjonaj tha se operacioni i SPAK ditën e sotme është një mesazh i qartë për të gjithë ata gjyqtarë që vijon të marrin vendim të paligjshme dhe i japin jetë korrupsionit.

Mjeku Obstetër-Gjinokolog, Rezart Ajazi ishte ‘heroi’ që bëri të mundur këtë mrekulli. Në një intervistë për Report Tv, gjinekologu Ajazi tha se ky ishte një rast i rëndë ku edhe vetë orët e jetës së bebit brenda barkut të nënë ishin të numëruara.