Kronikë

Nga

Keti Banushi

Arrest me burg ka caktuar Gjykata e Tiranës për Armando Papën, të shtunën në Tiranë me 41. 7 kg heroinë. Ndryshe nga refuzimi para oficerëve të Policisë Gjyqësore, para togave të zeza ai ka deklaruar se po shkonte në Rinas për të dërguar një porosi motrës së tij. Ai pretendon gjithashtu se nuk ishte në dijeni të drogës në makinën e tij, duke ngritur alibinë se ia kanë futur në makinë.

Ish-zyrtarja e ministrisë së Financave, Alda Klosi i është drejtuar me një tjetër kërkesë Gjykatës së Tiranës. Ajo kërkon ndryshim të masës së sigurisë për shkak të gjendjes shëndetësore. 

Tri persona kanë rënë në pranga si pasojë e aksidentit të djeshëm në Durrës vdiq pasagjeri në një motomjet pasi përplasjes me një makinë.

Një 17 vjeçar është arrestuar nga policia e Krujës pasi i është gjetur një armë zjarri kallashnikov dhe një sasi municioni luftarak.

Një 24-vjeçar është arrestuar nga Policia e Tiranës, pasi akuzohet se ka përndjekur ish të dashurën e tij.

Një person është arrestuar për grabitjen e orës së dorës dhe varëses së një pronari të një biznesi në Kamëz të Tiranës. Ndërkohë është shpallur në kërkim bashkëpunëtori i tij.

Pas rrëzimit të ankimit përmes të cilit kundërshtonte kontrollet e banesave, duke i konsideruar të paligjshëm dhe antikushtetues, Arben Ahmetaj nuk i ndalon përpjekjet me drejtësinë. Report Tv mëson se, ish-zv.kryeministri i është drejtuar me një tjetër kërkesë Apelit të Posaçëm, përmes të cilës kundërshton vendimin e Shkallës së Parë, për vendosjen e sekuestros preventive për dy vilat, njëra në pronësi të bashkëjetueses së tij dhe tjetra në pronësi të ish-gruas.

Banorët e Bërxullës kanë protestuar sërish për projektin e gener2-shit, që prek shtëpitë e tyre nga aksi Thumanë-Kashar

Nga

Sokol Dema

Ngjarjet e fundit kriminale të pazbardhura kanë bërë që Drejtori i Përgjithshëm i Policisë së Shtetit, Muhamet Rrumbullaku, të zbarkojë në zyrën e drejtorit të Policisë së Tiranës, Tonin Vocaj. Burimet bëjnë me dije se në këtë takim po diskutohet ecuria e hetimeve mbi dinamikën e ngjarjeve kriminale, ku dyshohet se pas tyre bëjnë pjesë grupe kriminale me ndikim të lartë.

Policia e Tiranës ka vënë në pranga shoferin e  mjetit që përplasi këmbësorin ditën e djeshme në zonën e Astirit.

Policia e Korçës ka dalë me një njoftim zyrtar lidhur me operacionin e zhvilluar ditën e djeshme në Kapshticë ku u vunë në pranga 2 shtetas rumunë të cilët tentuan të trafikonin një sasi kanabisi drejt Greqisë duke përdorur një automjet rulot. 

Burrë e grua kanë humbur jetën në një aksident tragjik që raportohet të ketë ndodhur mbrëmjen e djeshme në aksin ‘Librazhd-Përrenjas’ ku një makinë tip ‘Volswagen’ ka dalë nga rruga dhe ka përfunduar në përroin e Lengajcës.

Në raportin vjetor për kriminalitetin në vend rezulton se Shkodra, Lezha, Tirana dhe Elbasani renditen në krye të listës së qyteteve me numrin më të lartë të vrasjeve. Prokurori i Përgjithshëm Olsian Çela dorëzoi në Kuvend raportin ku thuhet se qyteti me kriminalitet më të ulët është Berati duke lënë pas Përmetin.

Një shtetas rumun është ndaluar në dalje të doganës së Kapshticës, me një sasi prej 80 kg kanabis. Lënda narkotike kanabis ka qenë e vendosur në pjesën e pasmë të rulotës, ndërsa ishte parashikuar të trafikohej drejt Greqisë.

Një aksident tragjik është shënuar pasditen e kësaj te diele në zonën e Astirit në Tiranë. Një këmbësor është përplasur për vdekje nga një makinë pasi ky i fundit i ka prerë rrugën.  Nga kamerat e sigurisë duket momenti kur dy këmbësore kanë ecur me shpejtësi në mes të rrugës, por njëri prej tyre nuk arriti t’i shpëtojë aksidentit.