Kronikë

Nga

Arsen Rusta

Në Kolegjin e Posaçëm të Apelimit është zhvilluar seanca ndaj drejtueses së Prokurorisë së Tiranës, Elisabeta Imeraj, dhe është marrë vendimi për riçelje të hetimit gjyqësor si dhe janë pranuar provat shtesa që ajo ka kërkuar ndërkohë që ende nuk ka një njoftim nëse do të kemi vendim për shkarkimin ose konfirmimin në detyrë të saj.

Një ngjarje e rëndë është regjistruar sot në fshatin Vidhishtë në Roskovec të Fierit, ku 61-vjeçari Xhevair Hoxha ka vrarë me thikë bashkëjetuesen e të birit, Merushe Hazizi, dhe më pas ka vrarë edhe veten.

Një sherr që shkoi deri në përdorimin e armëve të zjarrit mund të ishte kthyer në tragjedi.

Pas denoncimit në Report Tv të ndotjes së lumit Osum nga fabrika e lëkurës në fshatin Vodicë, Agjencia Rajonale e Mjedisit Berat ka pezulluar aktivitetin e saj. Po ashtu fabrika është gjobitur me 500 mijë lekë.

Parcela monitorohej nga kamerat e sigurisë që ishin vënë në degët e pemëve përreth, ndërsa zona e mbjellë me kanabis ishte e rrethuar me një fill sintetik i lidhur me dy granata që të shpërthenin sapo një person të prekte fillin.

Një vit pasi ishte shpallur në kërkim dhe iu shkatërruar sera më kanabis që kishte mbjellë në Vlorë është arrestuar një nga trafikantët, ndërsa vijojnë të jenë ende në kërkim dy të tjerë.

Sipas Bashkisë së Kavajës, këto godina po shemben për arsye sigurie, për shkak se kanë pësuar dëmtime nga tërmeti i 26 nëntorit. Godinat janë në vijë të parë bregdetare, vetëm 50 metra larg detit, ndërsa nuk ka një numër ekzakt të atyre që do të shemben.

Është arrestuar Egzon Isufi, i cili i kishte marrë emigrantëve 3400 euro për t'i kaluar në mënyrë të jashtëligjshme në kufi. Atij iu bë shenjë nga policia për të ndaluar në afërsi të fshatit Dervician, por 24-vjeçari nuk u bind, duke u larguar me vrap dhe duke braktisur furgonin.

32 ishin policët e arrestuar pak ditë më parë në Morinë, pasi kishin organizuar një aktivitet korrupsioni dhe që funksiononte prej kohësh. Këtë ka zbuluar SPAK për atë që ndodhte në Pikën Kufitare me Kosovën, ku janë arrestuar dhjetëra punonjës edhe nga pala kosovare.

AKU në qarku Korçë ka bllokuar 10 ton miell në një furrë buke pasi i kishte kaluar afati i përdorimit. Subjekti u gjobit me 500 mijë lekë.

Nga

Elvis Hila

Në familjen Laska në Shtrungaj të Mirditës ka pllakosur zija. Djali 10-vjeçar i kësaj familje, u mor nga rrjedha e Lumit Fan pasditen e 5 prillit dhe trupi i vogëlushit nuk është gjetur ende, edhe pse kërkimet vijojnë që në ditën kur ndodhi ngjarja tragjike

U përurua sot Qendra Kombëtare Operacionale e Emergjencave Civile e Agjencisë Kombëtare të Mbrojtjes Civile. Ajo u bë e mundur falë grantit prej 1 milion euro, të vënë në dispozicion nga Agjencia Italiane e Bashkëpunimit për Zhvillim.

Babë e bir janë arrestuar në Dibër pasi në banesën e tyre është gjetur arsenal  armësh, municion luftarak, tritol, kapsolla detonatorë, që mund të shërbenin për grupet kriminale që mund të kryenin atentatet.

Pas shirave që kanë rënë ditët e fundit, lumi Ishëm është mbuluar nga shishet dhe mbetjet plastike. Lumi i transporton drejt detit ku me pas depozitohen në brigjet e plazheve dhe bregdetit tonë, por edhe më tej duke përfunduar në Mal të Zi, Kroaci etj.